Morgunblaðið - 09.08.2007, Síða 24
24 FIMMTUDAGUR 9. ÁGÚST 2007 MORGUNBLAÐIÐ
MÁLÞING ÞJÓÐARINNAR
Við búum í opnu þjóðfélagi, semverður stöðugt opnara oggegnsærra. Í þessu opna
þjóðfélagi fara fram lífleg skoðana-
skipti. Þar geta allir tekið til máls,
sem áhuga hafa á.
Morgunblaðið hefur í meira en níu-
tíu ár verið vettvangur skoðana-
skipta fólksins í landinu og aldrei
sem nú. Auk þeirrar þjóðfélagsum-
ræðu, sem fram fer á síðum Morg-
unblaðsins og á vettvangi mbl.is, net-
útgáfu blaðsins, hefur hið svonefnda
blogg nú hafið innreið sína á blogg-
síður mbl.is, þar sem hinn almenni
borgari tjáir sig um allt milli himins
og jarðar.
Netútgáfur hafa opnað almenningi
enn nýja leið til þess að koma upplýs-
ingum á framfæri í formi frétta. Það
færist í vöxt víða um heim að hinn al-
menni borgari tekur að sér að skrifa
fréttir til birtingar í netmiðlum.
Í gær var skýrt frá því í Morg-
unblaðinu, að netútgáfa blaðsins,
mbl.is gæfi borgurum þessa lands nú
kost á því að taka þátt í þeirri frétta-
þjónustu, sem veitt er á vettvangi
mbl.is. Þetta getur ýmist verið í því
formi, að fólk, sem telur sig hafa við-
bótarupplýsingar við fréttir dagsins
getur sent þær inn með einföldum
hætti. En jafnframt getur hinn al-
menni borgari sent fréttir um það,
sem hann telur fréttnæmt ásamt
mynd eða myndum ef það hentar.
Þessar fréttir og viðbótarupplýs-
ingar eru yfirfarnar á ritstjórn
mbl.is og sama krafa gerð til gæða og
áreiðanleika eins og miðað er við í
vinnu blaðamanna Morgunblaðsins
og mbl.is áður en þær eru sendar út.
Sumt af þessum fréttum mun ein-
göngu birtast á mbl.is en aðrar líka í
Morgunblaðið ef tilefni er til.
Í raun er hér verið að stíga fyrsta
skrefið til þess að bjóða öllum al-
menningi að gerast fréttaritarar fyr-
ir víðtækustu fréttaþjónustu lands-
ins, sem nú er rekin í húsakynnum
Árvakurs hf. í nágrenni Rauðavatns,
en þar eru nú gefin út tvö dagblöð,
Morgunblaðið og fríblaðið Blaðið,
ásamt mbl.is. Umsvif netútgáfunnar
aukast nú stöðugt eins og koma mun
í ljós á næstu mánuðum.
Þessi opna fréttamennska er í takt
við tíðarandann, í takt við hið opna
samfélag, sem við búum í. Bein aðild
almennings verður nú stöðugt al-
gengari á mörgum sviðum. Þannig er
vaxandi stuðningur við þá hugmynd,
sem Morgunblaðið hefur barizt
markvisst fyrir í áratug, þ.e. að hinn
almenni borgari taki veigamestu
ákvarðanir í samfélagi okkar í bein-
um atkvæðagreiðslum.
Það deilir enginn við þann dómara,
eins og komið hefur í ljós í kjölfar at-
kvæðagreiðslunnar í Hafnarfirði um
stækkun álversins í Straumsvík. Nú
er ekki lengur rætt um stækkun þar
en meiri líkur á að Alcan leiti eftir
því að byggja álver í Þorlákshöfn.
Morgunblaðið væntir þess, að sem
flestir landsmenn nýti sér þá mögu-
leika til þátttöku í almennum frétta-
flutningi, sem nú hafa verið opnaðir á
netútgáfu blaðsins, mbl.is. Það mun
stuðla að líflegri fréttaflutningi.
NEYÐ Í ASÍU
Neyðarástand hefur skapast í Asíuvegna flóða. Talið er að 28 millj-
ónir manna hafi flúið heimili sín frá
því að regntímabillið hófst fyrir
tveimur vikum. Mörg hundruð manns
hafa látið lífið og verði ekkert að gert
gætu afleiðingarnar orðið hrikalegar.
Eins og fram kemur í Morgunblaðinu
í dag er því haldið fram að tveir
fimmtu hlutar Bangladess séu nú
undir vatni, helmingi stærra svæði en
venjulega flæðir yfir á regntíma-
bilinu. Þar breiðast sjúkdómar hratt
út, á átta dögum hafa sjúkrahús tekið
á móti átján þúsund manns, sem þjást
af sjúkdómum vegna skorts á hreinu
drykkjarvatni. Þúsundir lækna og
heilbrigðisstarfsmanna hafa verið
kvaddar út og milljónum taflna, sem
notaðar eru til að hreinsa vatn, verið
dreift til almennings. Neyðaraðstoð-
in, sem fyrir hendi er, dugar hins veg-
ar ekki til. Það þarf að herða átakið.
Slæmt ástand hefur einnig skapast
á Indlandi og í Pakistan og Nepal.
Talið er að allt að því 1.900 manns
hafi látið lífið í flóðunum. Hinir fá-
tækustu hafa orðið verst úti í hörm-
ungunum og milljónir manna hafa
misst allar sínar eigur og afkomu-
möguleika og berjast nú fyrir lífi
sínu. Þótt flóðin séu nú víða í rénun er
neyðarástandið það ekki og hungurs-
neyð og vosbúð blasir við.
Monsúnrigningarnar eru sýnu
meiri nú en fólk á að venjast og hafa
flóðin verið sögð þau mestu í manna
minnum. Flætt hefur yfir akra og
uppskera eyðilagst og víða hafa veg-
ir, brýr og hús skolast í burtu.
Samtök á borð við Oxfam, Alþjóða-
rauðakrossinn og Barnahjálp Sam-
einuðu þjóðanna hafa hafið átak til að
safna fé til hjálpar bágstöddu fólki á
flóðasvæðunum.
Þetta fólk þarf á bráðahjálp að
halda til að halda lífi. Það þarf mat og
hjálp til að verjast sjúkdómum á borð
við malaríu og heilabólgu. Og þegar
fram í sækir mun það einnig þurfa að-
stoð til að koma undir sig fótunum að
nýju.
Svo virðist sem stöðugt verði al-
gengara að neyðarástand skapist
vegna náttúruhamfara, hvort sem
það eru rigningar, þurrkar eða jarð-
skjálftar.
Ef til vill er hægt að rekja eitthvað
af þessu til afleiðinga loftslagsbreyt-
inga, en hröð fólksfjölgun hefur einn-
ig sitt að segja. Eftir því sem land-
þrengsli aukast neyðist fólk til að
setjast að á stöðum þar sem meiri
hætta er á flóðum og hörmungum en
almennt gerist.
Flóðin í Asíu sýna enn og aftur
hversu nauðsynlegt er að til staðar sé
viðbúnaður til að bregðast við með
hraði nánast hvar sem er í heiminum.
Þau sýna einnig nauðsyn þess að al-
þjóðasamfélagið sýni örlæti og sam-
takamátt þegar neyðin kallar – bæði
almenningur og stjórnvöld, jafnt á Ís-
landi sem annars staðar í heiminum.
FRÉTTASKÝRING
Eftir Boga Þór Arason
bogi@mbl.is
Ekki er búist við tímamótasamn-
ingum á fundi leiðtoga Kóreuríkj-
anna tveggja síðar í mánuðinum en
vonast er til að viðræðurnar dragi
frekar úr spennunni milli ríkjanna
og stuðli að lausn deilunnar um
kjarnavopn Norður-Kóreumanna.
Tilkynnt var í gær að Roh Moo-
Hyun, forseti Suður-Kóreu, og Kim
Jong-Il, leiðtogi N-Kóreu, kæmu
saman í Pyongyang 28.-30. ágúst og
verður það annar leiðtogafundur
landanna frá því að Kórea skiptist í
tvö ríki fyrir sex áratugum.
Fyrri leiðtogafundurinn var
haldinn fyrir sjö árum þegar Kim
Dae-Jung, þáverandi forseti Suður-
Kóreu, fór á fund Kim Jong-Il í
Pyongyang. Kim Dae-Jung var
sæmdur friðarverðlaunum Nóbels
fyrir að friðmælast við Norður-
Kóreumenn en síðar var skýrt frá
því að þeir hefðu þegið leynilegar
greiðslur frá Suður-Kóreu fyrir að
samþykkja fundinn.
Kóreustríðinu á árunum 1950-53
lauk með vopnahléi en ekki frið-
arsamningi þannig að löndin tvö
hafa ekki enn bundið enda á stríðið
með formlegum hætti. Leiðtoga-
fundurinn árið 2000 varð þó til þess
að ríkin hófu efnahagslega sam-
vinnu, auk þess sem hann leiddi til
endurfunda fjölmargra fjölskyldna
sem sundruðust þegar Kóreu var
skipt í tvennt.
Spennan í samskiptum ríkjanna
magnaðist þó þegar Norður-
Kóreumenn hófu smíði kjarna-
vopna árið 2002. Dregið hefur úr
spennunni eftir að Norður-
Kóreumenn sprengdu fyrstu kjarn-
orkusprengjuna í tilraunaskyni í
október sl. og þeir hafa lokað um-
deildum kjarnakljúfi sem fram-
leiddi plúton í kjarnavopn. Stjórn-
völd í S-Kóreu, Bandaríkjunum,
Kína, Rússlandi og Japan hafa
reynt að semja um kjarn-
orkuafvopnun við N-Kóreumenn.
Ólíklegt þykir að tímamóta-
samkomulag náist á leiðtogafund-
inum í deilunni um kjarnavopnin
þar sem stjórn N-Kóreu hefur að-
eins léð máls á að semja við Banda-
ríkin um það mál, ekki S-Kóreu.
Óttast stjórnarskipti
Stjórnvöld í Seoul sögðu að Kim
Jong-Il hefði óskað eftir fundinum.
Búist er við að hann leiti eftir fjár-
hagsaðstoð frá Suður-Kóreu og
aukinni samvinnu til að rétta efna-
hag kommúnistaríkisins við eftir al-
gert hrun á síðustu árum. Talið er
að hann óttist að stjórnarand-
stöðuflokkurinn, Stóri þjóðarflokk-
urinn, fari með sigur af hólmi í for-
setakosningum í Suður-Kóreu 19.
desember og vilji semja um aukna
aðstoð meðan aðstæðurnar eru
honum enn hagstæðar. Stóri þjóð-
arflokkurinn hefur yfirleitt tekið
harðari afstöðu gegn komm-
únistastjórninni í Pyongyang en
núverandi stjórnvöld í Suður-
Kóreu. Norður-Kóreumenn hafa
lýst forystumönnum flokksins sem
„svikulu íhaldshyski og taglhnýt-
ingum Bandaríkjanna“.
Skoðanakannanir benda til þess
að Stóri þjóðarflokkurinn hafi náð
miklu forskoti á stjórnarflokkinn
fjórum mánuðum fyrir kosningar
þótt hvorugur flokkanna hafi valið
forsetaefni.
Nam Sung-Wook, prófessor við
Kóreuháskóla í Seoul, sagði að
Norður-Kóreumenn virtust vilja
leiðtogafund fyrir kosningarnar til
að „magna upp andstöðu við stjórn-
arandstöðuna og hlaupa undir
bagga með forsetaefni stjórn-
arsinna“. Koh Yu-Hwan, prófessor
við Dongguk-háskóla, tók í sama
streng. „Stjórnvöld í Pyongyang
virðast hafa áhyggjur af framvind-
unni í samskiptum Kóreuríkjanna
ef Stóri þjóðarflokkurinn sigrar í
kosningunum,“ hafði fréttastofan
AFP eftir honum.
Stóri þjóðarflokkurinn lýsti leið-
togafundinum sem kosningabrellu
til að auka sigurlíkur stuðnings-
manna Roh Moo-Hyun, forseta
Suður-Kóreu. Flokkurinn sagði það
óeðlilegt að efna til slíks leiðtoga-
fundar í Pyongyang svo sk
fyrir kosningar og niðursta
yrði aðeins sú að S-Kóreus
dældi „fáránlega rausnarle
hagsaðstoð“ til Norður-Kó
Hafa tekið upp nýja ste
Paik Hak-Soon, sérfræðing
samskiptum Kóreuríkjann
þó að forsetakosningarnar
ekki meginástæða fundarin
að er til fundarins nú þegar
breytingar eru að verða á K
euskaga og nágrenni. Fund
hraðar þessari þróun.“
Fundi Kóreur
sem kosninga
Talið að leiðtogi N-Kóreu vilji semja strax við stjórnvö
Umdeildur fundur Suður-kóreskir stjórnarandstæðingar mótmæ
Ósamið um frið N-kóreskir hermenn á verði við landamærin. K
euríkin hafa ekki enn bundið enda á stríð þeirra með formlegum
Í HNOTSKURN
» Þrátt fyrir landlæga hungursneyð vegna efnahagsþrengií Norður-Kóreu er her landsins sá fjórði stærsti í heiminum
með um 1,1 milljón manna undir vopnum. Talið er að útgjöldi
hersins nemi allt að fjórðungi af vergri þjóðarframleiðslu Nor
ur-Kóreu.
» Frá leiðtogafundinum árið 2000 hafa Kóreuríkin tvö komupp sameiginlegu iðnaðarsvæði í norður-kóresku landamæ
borginni Kaesong. Markmiðið er að tvinna þar saman tækniþe
ingu Suður-Kóreumanna og ódýrt vinnuafl frá Norður-Kóreu
» Um 15.000 Norður-Kóreumenn starfa í 26 suður-kóreskufyrirtækjum á iðnaðarsvæðinu. Gert er ráð fyrir því að no
ur-kóresku starfsmennirnir verði orðnir um 315.000 eftir fim
ár þegar uppbyggingu svæðisins lýkur.
Einar Sigurðsson.
Styrmir Gunnarsson.
Forstjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjóri:
Karl Blöndal.
Fréttaritstjóri:
Björn Vignir Sigurpálsson.
Hægt er að lýsa skoðun á ritstjórnargreinum Morgunblaðsins á slóðinni http://morgunbladid.blog.is/