Morgunblaðið - 16.09.2007, Qupperneq 70

Það var rosalega gaman að fá
far hjá þessum glæsilega vöru-
bílstjóra … 73
»
reykjavíkreykjavík
FYRSTA plata Védísar, In The Caste, kom út
árið 2001, en að sögn Védísar hefur mikið vatn
runnið til sjávar síðan þá. „Ég var 18 þá, en er
25 ára í dag þannig að þeir sem eru að bíða eft-
ir einhvers konar framhaldi af þeirri plötu
ættu ekki að kaupa þessa,“ segir hún og hlær.
„Þessi er nefnilega svolítið ólík hinni.“
Þótt nýja platan komi ekki út fyrr en eftir
rúmar tvær vikur er eitt lag af plötunni, „A
Beautiful Life“, nú þegar fáanlegt á tonlist.is.
„En platan kemur svo út í „hörðum“ eintökum
hér á landi, og svo á Netinu líka og þar með er
maður kominn með allan heiminn í sjálfu sér,
þessi markaður er sífellt að verða stærri og
stærri,“ segir Védís, en platan verður bæði fá-
anleg á iTunes- og E-music-vefsvæðinu.
Fékk lánaðan barnakór
Líkt og á fyrri plötu sinni fer Védís ótroðnar
slóðir í nafngiftum, en nafnið A Beautiful Life
– Recovery Project vekur óneitanlega athygli.
„Þetta er þroskasaga, ástarsaga og opinberun
allt í senn. Það er ekkert þarna sem á ekki að
vera þarna og þannig eru bestu sögurnar að
mínu mati. En mér finnst þetta nafn eiga mjög
vel við því ég var búin að halda dagbók sem ég
kallaði Recovery Project. Þannig að þetta er
svona samantekt á því sem ég er búin að vera
að gera síðan ég var 18, þetta er heilmikil
þroskasaga.“
En hvernig myndi Védís lýsa plötunni?
„Hún er mjög vel spiluð og hún er mjög lifandi
því það er lítið um húmbúkk og eitthvert auka-
dót. Ég myndi segja að hún væri frekar hlý og
samspil píanós og gítars er áberandi,“ segir
Védís sem hafði góða hljómsveit sér til stuðn-
ings, meðal annars þá Sigtrygg Baldursson
trommuleikara og Róbert Þórhallsson á bassa.
Þá fékk hún heilan barnakór lánaðan til þess
að syngja í laginu „A Beautiful Life“. „Það er
barnaskóli handan götunnar þar sem hljóð-
verið er í London. Þetta voru algjörar dúllur í
einkennisbúningunum sínum og ég fékk kór
skólans til að taka lagið. Það var mjög einfalt,
við trítluðum bara yfir með upptökutækin, og
ég er bara mjög ánægð með útkomuna.“
Enginn hljóðmaður
Aðspurð segir Védís að grunnurinn að plöt-
unni hafi verið lagður í Bretlandi, en hún hafi
svo verið tekin upp hér á landi. „Ég átti 28 lög
til þess að velja úr þannig að það var svolítið
strembið, en ég er mjög ánægð með afrakst-
urinn,“ segir Védís, sem samdi öll lög og texta.
„Sum lögin á ég reyndar með einum öðrum,
önnur alveg ein, en ég á alla textana sjálf. Á
fyrstu plötunni tók ég eitt „cover“-lag og það
var spilað svo mikið að ég fékk ekkert út úr
því,“ segir hún og hlær, en umrætt lag var hið
angurværa „Drive“ með hljómsveitinni Cars.
„En maður er alltaf að reyna að sanna sig sem
lagahöfundur því það eru margir skeptískir á
það sem maður getur, sem er alveg í góðu svo
sem því það er uppbyggjandi og skemmtilegt
að þurfa að sanna sig.“
Védís lærði nýverið hljóðblöndun og útsetn-
ingu og kom þónokkuð að vinnslu plötunnar.
„Ég skellti mér í nám, þetta var eins árs dip-
lóma sem ég tók. Kennararnir unnu með mér
þannig að ég gæti nýtt þetta sem best í því sem
ég var að gera. Ég ætlaði aldrei að verða ein-
hver hljóðmaður, heldur læra að nota þetta út
frá því sem ég er að gera,“ segir Védís sem er
titluð „executive producer“ á plötunni.
Hvað útgáfutónleika varðar segist Védís
stefna á eina slíka fljótlega eftir að platan
kemur út, en auk þess mun hún koma fram á
Iceland Airwaves-tónlistarhátíðinni sem fer
fram dagana 17. til 21. október.
Á fyrir salti í grautinn
Védís hefur verið með annan fótinn í Lund-
únum undanfarin ár, en hún segir að sér líði þó
best heima á Íslandi. „Ég er afskaplega heima-
kær hér á Íslandi en ég þarf stundum að vera
úti vegna vinnu. Ég tilheyri lagahöfundateymi
sem ég vann einmitt plötuna með, og við erum
að semja fyrir aðra og fáum alls konar verkefni
sem stundum kemur ekkert út úr, en stundum
eitthvað aðeins. Það gefur allavega ágætlega í
aðra hönd þannig að ég þarf að vera svolítið á
flakki,“ segir hún. „Fólk spyr ansi oft hvort
þetta sé ekki erfitt og hvort ég lifi af þessu.
Mér finnst það mjög fyndið. Þetta er svo ein-
kennileg spurning því afkoma mín byggist á
sjálfri mér og ég finn best fyrir því sjálf ef ég
stend mig ekki í tekjuöflun,“ segir Védís í létt-
um dúr, og bætir við að hún geti vissulega lifað
af tónlistinni. „Ég er kannski ekki með sam-
bærileg laun við vini mína hjá Kaupþingi, en
við sjáum til. Ef fólk skellir sér á tonlist.is fer
ég kannski að lifa betur af þessu.“
VÉDÍS HERVÖR ÁRNADÓTTIR
ÖNNUR SÓLÓPLATA VÉDÍSAR HERVARAR ÁRNADÓTTUR
ER VÆNTANLEG Í VERSLANIR FLJÓTLEGA EFTIR MÁN-
AÐAMÓT, EN PLATAN HEITIR A BEAUTIFUL LIFE – RECO-
VERY PROJECT. JÓHANN BJARNI KOLBEINSSON
SPJALLAÐI VIÐ VÉDÍSI UM NÝJU PLÖTUNA OG HVERNIG
HENNI GANGI AÐ LIFA AF TÓNLISTINNI.
Morgunblaðið/Árni Sæberg
www.vedismusic.com
www.myspace.com/vedis
jbk@mbl.is