Morgunblaðið - 24.11.2007, Blaðsíða 34

34 LAUGARDAGUR 24. NÓVEMBER 2007 MORGUNBLAÐIÐ
UMRÆÐAN
ÁRIÐ 2007 hefur verið anna-
samt ár á fasteignamarkaði, velta
mikil og eignir hækkað í verði. Í
áliti sem greiningarnefnd Félags
fasteignasala sendi frá sér hinn 8.
febrúar sl. var það mat hennar að
verð íbúða á árinu 2007 myndi
hækka talsvert umfram verðbólgu.
Það hefur gengið eftir ólíkt spám
ýmissa annarra sem spá fyrir um
fasteignaverð en mat margra var
að raunlækkun yrði á eignum á
árinu 2007. Talsverðar blikur eru
á hinn bóginn nú á lofti varðandi
þróun fasteignaverðs enda hafa
eins og kunnugt er vextir til
íbúðalána hækkað nokkuð að und-
anförnu og ástand í fjármálaheim-
inum verið óstöðugt sem hefur
áhrif á fasteignamarkaðinn.
Fasteignaverð hefur að und-
anförnu lækkað nokkuð víða er-
lendis og hefur þar helst verið tal-
að um Bandaríkin og ýmis
Evrópulönd en í stuttu máli þá var
það glæfraleg lánastefna sem fór
illa með markaðinn í Bandaríkj-
unum en t.d. í Kaupmannahöfn
var verð orðið mjög hátt og hækk-
un vaxta samhliða gríðarlegu
framboði nýbygginga og neikvæðu
tali ráðamanna um fasteignamark-
aðinn leiddu til að fasteignaverð
lækkaði umtalsvert.
Framboð af notuðum eignum
hefur virst frekar tregt nú á
haustmánuðum, þannig að eft-
irspurn er í raun enn meiri en
framboð. Hvað varðar nýbygg-
ingar eru talsvert miklar bygg-
ingaframkvæmdir í gangi og fram-
boð þar talsvert.
Fasteignamarkaðurinn er að
stærstum hluta skiptimarkaður.
Stór hluti markaðarins er með
þeim hætti að fólk fer úr einni
eign í aðra og getur þá tekið lán
með sér og/eða þarfnast óveru-
legra lána til viðbótar. Vaxta-
hækkanir hafa ekki teljandi áhrif
á þann hóp. Á hinn bóginn hafa
vaxtahækkanir helst áhrif á þá
sem eru að koma inn á markaðinn
og þarfnast mikilla lána.
Í dag er atvinnuástand mjög
gott og horfur í efnahagsmálum
almennt góðar. Rétt er að gæta að
því þrátt fyrir hækkun vaxta að
enn eru í boði lán Íbúðalánasjóðs
og lífeyrissjóða með lægri vöxtum,
lán í erlendum gjaldmiðli á ágæt-
um kjörum, en þó með geng-
isáhættu. Þá verður ekki séð að sá
fjöldi íbúða sem eru í byggingu sé
mikið umfram það sem má búast
við varðandi eftirspurn miðað við
þá stöðu sem nú er.
Vegna þessa er ekki
annað að sjá en fast-
eignaverð haldist al-
mennt stöðugt á
næstu mánuðum.
Verð á fasteignum
í vinsælum hverfum
og grónum hefur
hækkað talsvert um-
fram önnur hverfi og
hefur það leitt til
þess að þær eignir
eru hlutfallslega dýr-
ari. Almennt er mjög
góð eftirspurn eftir eignum á slík-
um svæðum og má búast við að
svo verði áfram og þ.a.l. að ein-
hverjar verðhækkanir umfram
verðbólgu geti orðið. Meiri vandi
er á hinn bóginn að segja til um
ný hverfi sem eru að byggjast upp
en þangað má segja að þeir leiti í
mestum mæli sem eru að koma
inn á fasteignamarkaðinn og munu
aðgerðir stjórnvalda í þeirra þágu
skipta miklu um framvindu verð-
lags þar.
Telja verður vegna þessa að
verð muni á næstu mánuðum hald-
ast almennt stöðugt og ekki verði
um raunlækkun að ræða haldist
verðbólgumarkmið, þó geti verð á
nýbyggingum í úthverfum farið
eitthvað niður, komi ekki til
neinna aðgerða stjórnvalda í þágu
þeirra sem eru að koma nýir inn á
markaðinn og efnalítils fólks.
Grétar Jónasson, hdl. og lg.f.,
framkvæmdastjóri Félags fast-
eignasala,
Viðar Böðvarsson, viðskiptafr.
og lg.f.
Horfur á fasteigna-
markaði á næstunni
Grétar Jónasson og Viðar
Böðvarsson skrifa um fast-
eignamarkaðinn
»… er ekki annað aðsjá en fasteignaverð
haldist almennt stöðugt
á næstu mánuðum.
Viðar Böðvarsson
Grétar er hdl., lgf. og fram-
kvæmdastjóri Félags fasteignasala.
Viðar er viðskiptafræðingur og lgf.
Grétar Jónasson
SAGT hefur verið að á Íslandi
finnist aðeins tveir flokkar ljóð-
skálda. Annars vegar yfirburða
snillingurinn Jónas Hallgrímsson,
og síðan allir hinir!
Ekki verður hér reynt
að leggja dóm á sann-
leiksgildi þessarar
fullyrðingar. Hins
vegar kemur í hugann
minning af fundi, sem
sá er hér heldur á
penna, sat í nóvember
fyrir 34 árum. Und-
irritaður var þá for-
maður í sínum gamla,
góða Lionsklúbbi.
Dag einn nefndu tveir
félagar hvort ég væri
ekki reiðubúinn að fá
sem ræðumann á klúbbfund þekkt-
an geðlækni – mann sem á þeim
tíma hafði – hér á landi – hvað
mesta sérþekkingu á áfengissýki
og tíðum skelfilegum afleiðingum
sjúkdómsins. Greinarhöfundi þótti
efnið einkar áhugavert og hafði
samband við læknirinn. Hann
brást ljúfmannlega við. Flutti
snjalla ræðu – talaði blaðalaust –
og hóf mál sitt á að fara með hend-
ingu úr ljóði þjóðskáldsins Jónasar
Hallgrímssonar: „Hvað er svo
glatt sem góðra vina fundur.“ Síð-
an þagði læknirinn smástund, leit
yfir fundarsalinn og sagði: „Þessar
ljóðlínur sem ég las úr ljóðinu
„Vísur Íslendinga“ kunna allir
landsmenn“. – Hann hélt áfram
ræðu sinni og fór næst með hend-
ingu úr sama ljóði: „Látum því vin-
ir, vínið andann hressa“ – Nú
þagði læknirinn dágóða stund,
sagði síðan með þunga í röddinni:
„Hugsið ykkur ef sá andans jöfur
sem orti þessi dýrðarljóð, og fjöl-
mörg fleiri, hugsið ykkur ef hann
hefði fengið að lifa nokkrum árum
lengur. Tíu ár – fimmtán ár. Hví-
líkan ótrúlegan fjölda ljóðaperlna
ætti þá íslenska þjóðin eftir hann í
dag. Þessi mikli snill-
ingur náði aðeins að
verða 38 ára. Sem
unglingum var okkur
öllum kennt að Jónas
hefði fótbrotnað, blóð-
eitrun komið í fótinn,
síðan fengið lungna-
bólgu og verið allur.“
– „En“ – sagði ræðu-
maður – „þetta var
aðeins hálf sagan.
Samkvæmt sjúkra-
skýrslu Friðriksspít-
ala í Kaupmannahöfn
er þess getið að
tveimur sólarhringum eftir innlögn
hafi Jónas fengið Delirium tre-
mens – áfengisæði – og síðan segir
orðrétt: „Hvor han under tilf. Af
delir. trem, og gangræn incipiens I
den afficerede ekstrem, döde d. 26.
maj“ þ.e. „byrjandi rotnun í sýktu
líffæri, andaðist hinn 26. maí“ Í
krufningarskýrslu mátti síðan lesa:
„Lifrin var stór og gulleit“. – Var
þetta byrjun á skorpulifur? –
Læknirinn hélt síðan áfram að lýsa
afleiðingum alkóhólismans. Það
ríkti dauðakyrrð í salnum. Menn
sátu hljóðir og hugsandi. Á ævi-
skeiði Jónasar átti Ísland farsælda
frón hvorki – því miður – samtök
áhugafólks um áfengisvarnir né
sjúkrahúsið Vog.
Hvers vegna að rifja upp sorg-
leg skapadægur ástmagar Íslands?
– Fyrr á árum voru mál sem þessi
höfð í þagnargildi. Menn hvísluðu
aðeins. Blessunarlega er íslenskt
þjóðfélag í dag opnara fyrir um-
ræðum um ýmis þau vandamál
sem áður ríkti bannhelgi yfir.
(Nauðganir, kynferðisafbrot
o.s.frv.)
Það er hins vegar einkar dap-
urlegt að á sama tíma og minnst er
200 ára fæðingardags ljúflingsins
Jónasar, skuli 17 þingmenn þjóð-
arinnar, leggja fram frumvarp til
laga um aukið aðgengi að áfengi í
stórmörkuðum og matvöruversl-
unum. Á sama tíma sýna nýjar
skýrslur að áfengisdrykkja þjóð-
arinnar hefur aukist um hvorki
meira né minna en 68% á rúmum
tveimur áratugum. Spyrja má með
orðum skáldsins „Höfum við geng-
ið til góðs, götuna frameftir veg?“
Í lok fundarins sem hér hefur
verið gerður að umræðuefni, stóðu
allir félagar klúbbsins á fætur og
sungu kröftuglega: „Hvað er svo
glatt sem góðra vina fundur.“ Þeir
létu hins vegar ógert að kyrja
„Látum því vinir, vínið andann
hressa.“ Sársaukaþrungin frásögn-
in af banalegu unga snillingsins frá
Hrauni í Öxnadal hafði meitlast
þennan drungalega nóvemberdag
fyrir 34 árum, djúpt í hugarfylgsni
fundarmanna.
Bölvaldurinn Bakkus
og skáldið Jónas
Magnús Erlendsson
fjallar um banamein
Jónasar Hallgrímssonar
»Hugsið ykkur ef sáandans jöfur sem
orti þessi dýrðarljóð, og
fjölmörg fleiri, hugsið
ykkur ef hann hefði
fengið að lifa nokkrum
árum lengur.
Magnús Erlendsson
Höfundur er fv. forseti bæjarstjórnar
Seltjarnarness.
- kemur þér við
Freyja Haraldsdóttir
opnar myndaalbúmið
Íslenskir karlar ódug-
legir við húsverkin
Stórar ferðatöskur
seljast upp
Aldraðir á elliheimilum
endurheimta fjárráðin
Sara í Nakta apanum
saumar á sig föt
200 hestafla lögreglu-
Volvo með glasahaldara
Hvað ætlar þú
að lesa í dag?