Morgunblaðið - 24.11.2007, Blaðsíða 29

úr bæjarlífinu
MORGUNBLAÐIÐ LAUGARDAGUR 24. NÓVEMBER 2007 29
Veðurguðirnir hafa að vissu leyti tek-
ið þátt í aflaskerðingu fiskiskipaflot-
ans. Það sem liðið er af núverandi
fiskveiðiári má segja að sífelldar
brælur hafi verið og smábátar sjaldan
komist á sjó. Ekki verða sjómenn né
aðrir Sandgerðingar mikið varir við
hinar svokölluðu mótvægisaðgerðir
ríkisstjórnarinnar vegna kvótaskerð-
ingarinnar enda sjómenn hér um
slóðir ekki mikið að bera skoðanir
sínar á torg. Þó verður pistlahöfund-
ur að lýsa yfir vonbrigðum sínum
með að nokkrir útgerðarmenn smá-
báta hyggjast selja báta sína og afla-
heimildir vegna þessara aðgerða. Það
er vonandi að þeir þreyi þorrann og
góuna og haldi áfram útgerð sem allt-
af hefur verið öflug frá Sandgerði.
  
Öld er liðin frá því að fyrsti vélbátur-
inn hóf róðra frá Sandgerðisvík eins
og hafnarsvæðið hét þá. Gammur RE
8 lagðist við akkeri 4. febrúar 1907 og
hóf róðra með línu. Ekki voru allir
sjómenn trúaðir á að vélbátar ættu
framtíð fyrir sér enda bilanir tíðar og
fáir sem höfðu kunnáttu til viðgerða.
En vélarnar áttu eftir að sanna gildi
sitt. Á næstunni verður þessara tíma-
móta minnst hér í Sandgerði með
uppsetningu á listaverki við höfnina.
Á þessari einu öld hefur orðið gjör-
bylting á hafnaraðstöðu í Sandgerði.
Svo er það annað mál með þennan ei-
lífðar kvóta sem öllu stjórnar, það fer
að verða spurning hvenær sett verða
upp minnismerki um kvótaáföll, sem
við í Sandgerði höfum ekki farið var-
hluta af.
  
Hvað sem öllu kvótavæli líður er
kraftur í handverksmenningu í Sand-
gerði. Nýlega var stofnað hér félagið
Listatorg. Sandgerðisbær hefur út-
vegað félaginu húsnæði við Vitatorg
til afnota til að félagar geti stundað
þar alls konar listsköpun. Fyrir er
hér listasmiðjan Ný-Vídd og Gallerí
Grýti sem hafa starfað af miklum
myndarskap til margra ára. Um
þessar mundir eru félagar að stand-
setja húsnæðið, en til stendur að opna
Listatorg formlega 1. desember. Í
Miðhúsum, þar sem eldri borgarar
eru í dagvistun, er líka öflug handa-
vinna og hefur margur eldri borgar-
inn sýnt á sér nýja hlið í handverki.
Ekki er hægt að segja skilið við
listina án þess að minnast á hljóm-
sveitina Klassat sem er að gera það
gott ásamt söngkonunni Fríðu Guð-
mundsdóttur sem greinilega á fram-
tíðina fyrir sér í söng.
  
Mikill kraftur er í byggingarstarfsemi
hér eins og víða annars staðar. Mikill
fjöldi húsa er í byggingu ásamt til-
heyrandi gatnagerð. Sundlaug Sand-
gerðinga, sem Lionsklúbbur Sand-
gerðis hafði forgöngu um að byggja
og hefur verið í notkun í yfir 30 ár,
var mokað burt ásamt hitapottum og
er nú verið að byggja nýja sundlaug
sem verður töluvert stærri en sú
gamla. Ennfremur er unnið að
stækkun íþróttahússins þar sem full-
kominn þreksalur verður með til-
heyrandi búnaði. Áætlað er að taka
sundlaugina í notkun í janúar 2008 og
þreksalinn nokkru síðar.
SANDGERÐI
Reynir Sveinsson fréttaritari
Morgunblaðið/Reynir Sveinsson
Löndun Líf er við höfnina þó kvótaskerðing setji sitt mark á athafnasemina.
Námskeið við ofsakvíða
• Færðu ítrekuð og fyrirvaralaus kvíðaköst?
• Einkennast kvíðaköstin m.a. af örum hjartslætti,
andnauð, óraunveruleikatilfinningu, svima, svita eða skjálfta?
• Líður þér eins og eitthvað alvarlegt sé í þann veginn að gerast?
• Ertu smeyk(ur) við að fá frekari kvíðaköst?
Umsóknarfrestur rennur út 25. nóvember næstkomandi. Hægt er að nálgast upplýsingar á
www.kms.is og skrá sig á kms@kms.is. eða í síma 822-0043.
Hægt er að fylgjast með þeim námskeiðum sem verða í boði í vetur á vegum
Kvíðameðferðarstöðvarinnar á www.kms.is.
Sex vikna námskeið er að hefjast á vegum Kvíðameðferðarstöðvar-
innar (KMS). Stuðst verður við aðferðir hugrænnar atferlismeðferð-
ar sem gefið hafa góða raun við ofsakvíða. Markmið námskeiðsins
eru að þátttakendur: -öðlist innsýn í kvíða og þætti sem viðhalda
ofsakvíða. - læri árangursríkar leiðir til að draga úr kvíðaköstum.
Sóley D. Davíðsdóttir
sálfræðingur
soley@kms.is
Sigurbjörg J. Ludvigsd.
sálfræðingur
sigurbjörg@kms.is
M
b
l 9
40
23
2