Morgunblaðið - 04.05.2008, Page 40

40 SUNNUDAGUR 4. MAÍ 2008 MORGUNBLAÐIÐ
UMRÆÐAN
Finnbogi Hilmarsson,
Einar Guðmundsson og
Bogi Pétursson
löggiltir fasteignasalar
Opið mán.- fös. frá kl. 9-17
Sími
530 6500
Vorum að fá í sölu þetta skemmtilega einbýli sem er sérlega vel
staðsett í Þingholtunum. Húsið er alls með þrem herbergjum og
þar af tvö í risinu. Húsinu hefur verið vel við haldið, m.a.
upprunalegar gólffjalir o.fl. Verð 33 millj.
Urðarstígur - Þingholtin
Glæsilegt hús á tveimur hæðum á góðum stað í Kópavogi. Fjög-
ur svenherbergi eru í húsinu og stór og björt stofa með frábæru
útsýni. Tvær góðar afgirtar timburverandir á framlóð og baklóð.
Góður bílskúr fylgir. Verð 55 millj.
Skipti möguleg á minni eign í hverfinu.
Haukalind
raðhús með bílskúr
Stílhrein og falleg efri sérhæð og bílskúr í reisulegu tvíbýlishúsi
á þessum vinsæla stað í „litla Skerjó". Björt og góð stofa og 2-3
herbergi. Frístandandi bílskúr fylgir.
Verð nú 34,9 millj.
Þjórsárgata í Skerjafirði
Vönduð og vel skipulögð 110 fm íbúð á 3. hæð og stæði í bíl-
skýli. Fjögur stór svefnherbergi, vestursvalir. Parket og flísar á
gólfi. Nýlegt baðherberig og eldhús. Stigagangur nýlega endur-
bættur og húsið klætt að utan. V. 24,0 millj.
Engjasel
útsýni - stæði í bílskýli Fremstir í atvinnufasteignum :: 590 7600
Þorlákur Ó. Einarsson Þórhildur Sandholt
lögg. fasteignasali lögfr. og lögg. fast.sali
storeign.is Fax 535 1009
Fasteignasala . Atvinnuhúsnæði . Lágmúli 7 . 108 Rvk.
Höfum til leigu 2 og 3 herbergja í búðir
í glæsilegri byggingu við bakka
Thamesár, stutt frá London Eye og Big
Ben.
Íbúðirnar eru með bílageymslu og
fullbúnar húsgögnum, óski leigutaki
þess. Lágmarksleigutími er 3 mánuðir.
Nánari upplýsingar á skrifstofu Stóreignar – Lágmúla 7
London – flottar leiguíbúðir
JÓN Sigurðsson, fyrrverandi for-
maður Framsóknarflokksins, skrif-
aði grein í Morgunblaðið sl. þriðju-
dag þar sem hann lýsir þeirri skoðun
sinni að nú sé tími til kominn að Ís-
land sæki um aðild að Evrópusam-
bandinu.
Í greininni víkur Jón meðal ann-
ars að sameiginlegri
sjávarútvegsstefnu
ESB og segir að for-
sendur hennar eigi
ekki við á Íslands-
miðum.
Við þessa fullyrð-
ingu Jóns Sigurðs-
sonar er ástæða til að
gera alvarlega at-
hugasemd, enda vand-
séð að hún eigi við rök
að styðjast. Íslend-
ingar yrðu bundnir af
sjávarútvegsstefnu
ESB við aðild.
Það er ekki langt
síðan samin voru drög að nýrri
stjórnarskrá ESB og var efnt til
þjóðaratkvæðagreiðslna um hana í
flestum aðildarríkjum þess. Sú
stefnumörkun ESB um sjáv-
arútvegsmál sem fram kom í hinni
nýju stjórnarskrá var alveg skýr:
Sjávarútvegsstefnan skyldi vera
sameiginleg fyrir öll aðildarríkin,
stjórn fiskveiða skyldi vera á hendi
ESB, en ekki aðildarríkjanna, og
meginreglur þess efnis skyldu lög-
festar í stjórnarskrá.
Ákvæði stjórnarskrár geyma
grundvallarlög sem almenn lög
mega ekki brjóta í bága við. Sú meg-
inregla gildir jafnt um stjórnarskrá
Íslands og stjórnarskrár annarra
ríkja. Sú réttarskipan sem kveðið er
á um í stjórnarskrá á við um alla þá
sem undir hana heyra. Það dettur til
dæmis engum í hug að jafnræð-
isregla 65. gr. íslensku stjórn-
arskrárinnar nái til ákveðins hóps
einstaklinga í okkar samfélagi en
ekki til annarra. Það dettur heldur
engum í hug að tjáningarfrels-
isákvæði 73. gr. stjórnarskrárinnar
tryggi sumum rétt til að láta í ljós
skoðanir sínar og sannfæringu en
ekki öðrum. Ákvæði stjórnarskrár-
innar kveður með öðrum orðum á
um þá réttarskipan
sem við höfum komið
okkur saman um að
fylgja og sömu réttindi
og sömu skyldur fyrir
alla borgara. Um þessi
grundvallaratriði hygg
ég að þurfi ekki að
deila.
Þau drög að stjórn-
arskrá ESB, sem hér
hefur verið vísað til,
voru felld í þjóð-
aratkvæðagreiðslum í
Hollandi og Frakk-
landi. Í kjölfarið hvarf
stjórnarskráin af yf-
irborði jarðar, en hefur nú skotið
upp kollinum á nýjan leik. Nú í formi
fjölda samninga, sem ekki munu
verða lagðir fyrir íbúa sambandsins
og verða vafalítið að lögum án þeirra
vitundar. En efnisatriði þessara
samninga eru í öllum grundvall-
aratriðum þau sömu og stjórn-
arskrárinnar sem hafnað var. Í þeim
verður endanlega staðfest, að stjórn
sjávarauðlinda verður á valdi ESB,
en ekki aðildarríkja þess, og rétt-
aráhrif þeirra fyrir aðildarríkin
verða þau sömu.
Í ljósi þessara staðreynda vekur
það furðu mína að fyrrverandi for-
maður Framsóknarflokksins, Jón
Sigurðsson, skuli í grein sinni slá því
föstu að forsendur sameiginlegrar
sjávarútvegsstefnu ESB muni ekki
eiga við á Íslandsmiðum gerist Ís-
land aðili að sambandinu. Öll aðild-
arríki ESB munu þurfa að beygja
sig undir þær grundvallarreglur
sem sambandið byggist á og starfar
eftir. Annaðhvort eru ríkin hluti af
sambandinu eða ekki með þeim
kostum og göllum sem aðild fylgir.
Að mínu mati halda fullyrðingar
Jóns Sigurðssonar ekki vatni, enda
er ekkert sem bendir til þess að þær
eigi við rök að styðjast. Fram til
þessa hefur engin þjóð fengið var-
anlega undanþágu frá hinni sameig-
inlegu sjávarútvegsstefnu ESB.
Eðlilega hafa þjóðir fengið tíma-
bundinn frest til að laga sig að ýms-
um grundvallarreglum sem gilda
innan ESB, en ekki undanþágu til
frambúðar. Og það er ekkert sem
bendir til að annað verði uppi á ten-
ingnum í tilviki Íslands verði sótt um
aðild að sambandinu.
Það er mikilvægt að upplýst, for-
dómalaus og yfirveguð umræða um
Evrópumál fari fram hér á landi á
grundvelli þeirra staðreynda sem
fyrir liggja. Sú umræða má hins veg-
ar ekki stjórnast af óraunhæfri ósk-
hyggju og fullyrðingum sem ekki
eiga sér stoð í raunveruleikanum.
Óskhyggja Jóns Sigurðssonar
Sigurður Kári Kristjánsson
skrifar um Evrópumál »Umræða um Evr-ópumál má hins veg-
ar ekki stjórnast af
óraunhæfri óskhyggju
og fullyrðingum sem
ekki eiga sér stoð í raun-
veruleikanum.
Sigurður Kári
Kristjánsson
Höfundur er þingmaður Sjálfstæð-
isflokksins í Reykjavík og varafor-
maður Heimssýnar, hreyfingar sjálf-
stæðissinna í Evrópumálum.
MEÐ festu, hóg-
værð og einstæðri
samstöðu tókst hjúkr-
unarfræðingum á
svæfinga- og skurð-
deild Landspítalans
að brjóta á bak aftur
hroka heilbrigð-
isráðherra og vald-
beitingu stjórnenda
spítalans.
Hér áttu hlut að
máli hjúkrunar-
fræðingar, konur með
áratuga starfstíma að
baki.
Það dylst engum hversu freklega
þeim hafði verið misboðið er þær
reyndust reiðubúnar með uppsögn
sinni að fórna persónulegum áunn-
um réttindum fyrir sannfæringu
sína og verja virðingu fyrir starf-
inu. Þjóðinni er létt í bili hvað
þennan þátt varðar, þökk sé hjúkr-
unarfræðingum.
Landspítalinn í
herkví heilbrigð-
isráðherra
Ljóst er að Land-
spítalinn er í stjórn-
unarlegri herkví
heilbrigðisráðherra
sem sýnir fádæma
hroka gagnvart starfs-
fólki heilbrigðisþjón-
ustunnar.
Stjórnleysi Land-
spítalans hefur komið
mjög greinilega í ljós á
síðustu vikum eftir að
forstjórinn Magnús Pétursson var
látinn fara. Hann tók að gagnrýna
niðurskurðinn á fjárveitingum til
spítalans og þótti þvælast um of
fyrir einkavæðingunni sem ráð-
herrann boðar. Settir voru tveir
valdalausir stjórnendur yfir Land-
spítalann til bráðbirgða.
Það hefur aldrei þótt gæfulegt að
vera með tvo bráðabirgða skip-
stjóra á sömu skútu þar sem hvor-
ugur ræður, enda höfðu hjúkr-
unarfræðingar lýst fullkomnu
vantrausti á þá sem viðsemjendur.
Forstjóra strax!
Maður hlýtur að spyrja hvers
vegna ekki sé ráðinn forstjóri strax
að þessu lífakkeri heilbrigðisþjón-
ustu landsmanna. Hvers vegna á að
draga það fram á haust og viðhalda
stjórnleysinu? Er markvisst verið
að sverta opinbera heilbrigðisþjón-
ustu og skapa þar glundroða til að
búa í haginn fyrir einkavæðingu?
Ljótur leikur það.
Formaður tilsjónarnefndar ráð-
herra, Vilhjálmur Egilsson, lýsti af
einlægni þessum áformum í frétt-
um nýlega: Að breyta Landspít-
alanum í hlutafélag og einkavæða
starfsemina.
Þótt ein orrusta sé unnin í bili er
stríðinu ekki lokið. Baráttan gegn
sveltistefnu ríkisstjórnarinnar
gagnvart heilbrigðisþjónustu
landsmanna heldur áfram. Góður
sigur hjúkrunarfræðinga á svæf-
inga- og skurðstofu Landspítalans
gefur byr í seglin og er öðrum for-
dæmi í baráttunni sem fram undan
er.
Sigur samstöðunnar
Jón Bjarnason skrifar um
kjarabaráttu hjúkrunarfræð-
inga á Landspítala » Góður sigur hjúkr-unarfræðinga á
svæfinga- og skurðstofu
Landspítalans gefur byr
í seglin og er öðrum for-
dæmi í baráttunni sem
fram undan er.
Jón Bjarnason
Höfundur er þingmaður Vinstrihreyf-
ingarinnar – græns framboðs