Morgunblaðið - 15.06.2008, Síða 27
pentine við Ingólfsstræti getur boð-
ið ágætan sal á góðum stað, og vera
má að þessi salur verði innan tíðar
fluttur á Skólavörðustig. Langt er
síðan Edda Jónsdóttir gerði Galleri
i8 frægt og nú er það við Klapp-
arstíg. Gallerí List er komið í
stærra húsnæði við Skipholt og eins
og hin er það rekið af menningar-
legum metnaði. Þessi galleri taka
listamenn upppá sína arma og það
er vel.
Það er eins og nýtt líf hafi kvikn-
að með tilkomu nýrra sýningarsala
sem formlega voru opnaðir snemma
í júní. Ekki sá ég neinsstaðar í fjöl-
miðlum fjallað á verðugan hátt um
það.
Myndmiðillinn, Sjónvarpið,
stendur sig langverst í öllu sem lýt-
ur að kynningu á myndlist; mál-
verki jafnt sem öðru og allar standa
stöðvarnar sig jafn illa. Svörin sem
maður fær, ef um er spurt, eru á þá
leið að ekki sé hægt að búast við
því að myndlist sé gerð skil þegar
stór meirihluti sýninga séu þraut-
leiðinlegar. Jú, vel er hægt að fall-
ast á að fátt hefur leikið mynd-
listina eins grátt og leiðinlegar
sýningar.
Frumkvæði Þorsteins
Í gegnum þykkt og þunnt er það
einungis Morgunblaðið sem mynd-
listarmenn geta treyst á, ef þess
þarf með. En stundum bregst jafn-
vel Mogginn eins og þegar sýning-
arsalurinn að Skúlagötu 30 var opn-
aður. Að honum stendur Þorsteinn
Jónsson, sem m.a. hefur staðið að
uppbyggingu á Hellnum á Snæfells-
nesi og hann er forstöðumaður
Listasafns ASÍ. Mér finnst þó að
Reykjavík Art Gallery sé óvið-
unandi nafn á svo metnaðarríkum
stað.
Því nefni ég þennan stað að þar
verða sýnd málverk. Venjulegur
málari getur sótt um að halda sýn-
ingu, en sá möguleiki hefur varla
verið til í mörg ár.
Sýningarrýmið var í fyrstu þann-
ig að því mátti skipta niður, Þrett-
án málarar hafa sýnt verk sín þar
og ugglaust nær tveir tugir þegar
þetta kemst á þrykk .Þetta eru
Ómar Stefánsson, Ólafur Lárusson
og Bjarni Þórarinsson, Árni Rúnar,
Guðrún Halldórs, Hulda Vilhjálms-
dóttir, Magnús Tómasson, Páll
Guðmundsson í Húsafelli, Pétur
Halldórsson, Pétur Már, Stefán Bo-
ulter og Tolli.
Marghliða en allir góðir
Í þessum hópi myndlistarmanna
eru nokkrir sem eiga að heita þjóð-
kunnir, en ugglaust koma ekki öll
nöfnin kunnnuglega fyrir. Meðal
þeirra þekktari eru Magnús Tóm-
asson. Hann er að vísu þekktari
sem myndhöggvari og þykja skúlp-
túrar hans margir frábærir. Magn-
ús er fígúratífur málari, vinnur oft-
ast í stóru formati og viðrar
skemmtilegar og frumlegar hug-
myndir.
Að öllum líkindum er Tolli fræg-
astur þeirra allra og stendur vel
undir allri þeirri frægð.
Pétur Már Pétursson málar ab-
strakt, oftast alveg non-figuratíft
en þó finnst manni að íslenzk nátt-
úra sé þar jafnan að baki. Pétur
Már er góður málari og einn af
okkar beztu í abstraktinu. En á
þessari sýningu skaut hann sig illi-
lega í fótinn með því að hengja allt-
of þétt upp jafnstórar myndir, sem
auk þess voru allar í sama lit.
Stóru tíðindin úr Reykjavík Art
Gallery er sýning Péturs Halldórs-
sonar, sem búinn er að rækta sinn
garð alllengi. Hann er ekki eins
þekktur og hann ætti skilið. Pétur
málar með afar sérstæðri tækni,
sem fáir kunna og myndir hans búa
yfir einhverskonar mögnuðum
galdri, svo maður segir bara: Bravó
Pétur!
ga sérstöðu
Ljósmynd/Gísli Sigurðsson
Portrett Stefán Boulter málar portrett með ágætum árangri.
Höfndurinn er myndlistarmaður og
blaðamaður.
» Þegar litið er á þetta árlega framlag Listahá-
skólans er ekki nein sérstök ástæða til að fagna
fyrir hönd þeirra sem vonast eftir því að við eign-
umst nýja og að minnsta kosti jafn góða málara og
þá sem við átttum fyrir mörgum áratugum.
MORGUNBLAÐIÐ SUNNUDAGUR 15. JÚNÍ 2008 27
flísar
Stórhöfða 21, við Gullinbrú,
sími 545 5500.
www.flis.is ● netfang: flis@flis.is
Allt fyrir baðherbergið
Snyrtisetrið ehf.
Barónsstíg 47 - 101 Reykjavík
S. 533 3100 (Heilsuverndarstöðin)
Okkar frábæra tækni
eykur starfsemi kollagens
- og færir árin til baka
Fréttir
á SMS