Morgunblaðið - 15.06.2008, Blaðsíða 50
50 SUNNUDAGUR 15. JÚNÍ 2008 MORGUNBLAÐIÐ
AUÐLESIÐ EFNI
Vöru-bílstjórar á Spáni,
Portúgal og í Frakk-landi
mót-mæltu hækkandi
eldsneytis-verði í vikunni.
Tug-þúsundir vöru-bílstjóra
tóku þátt í að-gerðunum, t.d.
með því að teppa vegi í
kringum borgir og á
landa-mærum.
Heimsmarkaðs-verð á olíu
hefur rúm-lega tvö-faldast á
síðasta ári, og hefur það
valdið ólgu víða um heim.
Stjórn-völd á Indlandi,
Indónesíu, Malasíu og Taívan
hafa á síðustu dögum neyðst
til að hækka olíu-verð
gríðar-lega og al-menningur
mót-mælti harka-lega.
Hækkandi olíu-verð hefur
stór-aukið flutnings-kostnað
vara frá Asíu, þannig að
kín-verskt stál er ekki lengur
ódýrara en það banda-ríska.
Það mun hafa víð-tæk áhrif á
heims-búskapinn.
Bandaríkja-menn reyna allt
til að spara bensín. Sumir
vinnu-veitendur leyfa fólki að
vinna heima, og flug-félög
þrífa flug-vélar betur til að
minnka loft-mótstöðu.
Mót-mæli um allan heim
Reuters
Lögreglu-maður ræðst á bónda við mót-mæli á bensín-verði á Spáni.
Ætlaðar
tekjur af
út-flutningi
áls á þessu
ári eru um
165 milljarðar
króna, tvö-falt
á við
tekjurnar í fyrra. Árið 2008
verður þar með hið fyrsta
þar sem tekjur af áli fara
fram úr sjávar-útveginum
sem hlut-fall af
vöru-útflutningi lands-manna.
Áætlað er að tekjur vegna
sjávar-útvegsins nemi um
130 milljörðum.
Í spá
fjármála-ráðu-neytisins er
gert ráð fyrir að hlutur áls
verði 45% af
útflutnings-tekjum í ár, en
hlutur sjávarafurða 36%.
Sé litið nokkur ár aftur í
tímann voru hlut-föllin ólík,
því ál-tekjurnar hafa
snar-aukist á meðan
sjávar-útvegurinn hefur svo
til staðið í stað. Aðrar
útflutnings-vörur eiga aftur á
móti, bæði fyrr og nú,
aðeins fimmt-ung af
heildar-kökunni.
Meiri tekjur
af áli
en fiski
Sigur Rós best í heimi?
Chris Martin, söng-vari
bresku hljóm-sveitarinnar
Coldplay, segir að
hljóm-sveitirnar Sigur Rós og
Arcade Fire séu þær bestu í
heiminum núna. „Ég held að
Coldplay sé hins vegar bara
sjöunda besta hljóm-sveit í
heimi,“ segir Martin.
Baltasar í stjörnu-fans
Baltasar Kormákur er
kominn á töku-stað sinnar
nýjustu kvik-myndar, Run For
Her Life, í Banda-ríkjunum.
Tökur á myndinni hefjast eftir
viku og hefur hann fengið
vin-sæla leikara til liðs við
sig. Má þar nefna Dermot
Mulroney, Diane Kruger og
Rosanna Arquette. Hand-ritið
segir frá hjónum sem fara til
Mexíkó til að freista þess að
fá þar-lenda lækna til að
græða ný lungu í dauð-vona
dóttur þeirra.
Til styrktar leik-ritun
Bjarni Ármannsson og
Helga Sverrisdóttir hafa
stofnað leikritunar-sjóðinn
Prologus. Stofn-framlag er 16
milljónir króna og sjóðurinn
mun starfa frá 2008 til 2010.
Vonast er til að fyrstu verkin
sem verða til fyrir til-stilli
sjóðsins komi á fjalir
leik-hússins á næsta ári.
Listir
Höskuldur Pétur Halldórsson
út-skrifaðist úr stærð-fræði
frá Há-skóla Íslands í gær.
Hann var með 10 í einkunn í
svo til öllum fögum. Ein 9
gerði það að verkum að
Höskuldur er með tæp-lega
10 í meðal-einkunn en hann
segir prófið í því fagi hafa
verið full-erfitt.
„Stærð-fræðin er þannig
að ef maður leggur mikið á
sig þá er auð-velt að fá 10,“
segir Höskuldur Pétur sem
stefnir ótrauður áfram í
frekara stærðfræði-nám. Í
haust mun hann hefja
doktors-nám í stærð-fræði
við MIT-háskólann í
Banda-ríkjunum, en það mun
taka 4-5 ár.
Tæp-lega
10 í meðal-
einkunn
Hanna Birna Kristjánsdóttir er nýr
odd-viti sjálfstæðis-manna í
Reykjavík. Hún tók við af Vilhjálmi Þ.
Vilhjálmssyni sem fengið hafði
ráð-rúm síðan í febrúar til þess að
ákveða hvort hann ætlaði að taka við
starfi borgar-stjóra þann 22. mars
2009 sam-kvæmt málefna-samningi
Sjálfstæðis-flokks og F-lista.
Hanna Birna er nú for-seti
borgar-stjórnar og Vilhjálmur
for-maður borgar-ráðs en þau skipta
um hlut-verk að sumar-fríi loknu.
„Þetta leggst mjög vel í mig og ég
hlakka til að takast á við starfið sem
fram-undan er,“ sagði Hanna Birna
sem telur sitt helsta verk-efni sitt
vera að endur-vinna það traust sem
þau hafi glatað og eigi skilið.
„Ég tel að Hanna Birna sé afar vel
að þessu komin og muni stýra
hópnum af skörungs-skap sem
odd-viti og síðan borgar-stjóri,“ segir
Geir H. Haarde forsætis-ráðherra.
Hanna Birna næsti borgar-stjóri
Morgunblaðið/RAX
Hin goðsagna-kennda rokk-hljómsveit Whitesnake hélt
tón-leika í Laugardals-höll á þriðju-daginn. Gagn-rýnandi
Morgun-blaðsins var mjög ósáttur við slaka frammi-stöðu
söngvarans Davids Coverdale, sem hann sagði áður hafa
verið „einn flottasti rokk-söngvari sögunnar“.
Hörðustu að-dáendur voru margir glaðir að sjá sína menn
og tóku hvað hæst undir er sveitin tók „Here I Go Again“ í lok
tón-leikanna.
Whitesnake á Íslandi
Morgunblaðið/Golli
Vals-konur efstar
Vals-konur náðu for-ystu í
topp-baráttu
Landsbanka-deildarinnar
þegar þær sigruðu KR 2:1 á
Vodafone-vellinum í
miðvikudags-kvöld.
Vals-liðið er því komið
með þriggja stiga for-skot á
toppi deildarinnar auk þess
að eiga hálf-gert „auka-stig“
í formi mjög góðrar
marka-tölu, en hvorugt liðið
hafði tapað stigi fyrir leikinn.
Dóra er hetja Malmö
Dóra Stefánsdóttir,
landsliðs-kona í
knatt-spyrnu, var hetja
Malmö á miðvikudags-kvöld
þegar liðið gerði jafn-tefli við
marg-falt meistara-lið Umeå,
2:2, í topp-slag sænsku
úrvals-deildarinnar. Dóra
skoraði jöfnunar-mark
Malmö einni mínútu fyrir
leiks-lok.
Kvenna-fótboltinn
Morgunblaðið/RAX
Dóra Stefánsdóttir
Netfang: auefni@mbl.is