Morgunblaðið - 15.06.2008, Blaðsíða 40

40 SUNNUDAGUR 15. JÚNÍ 2008 MORGUNBLAÐIÐ
UMRÆÐAN
SUÐURGATA 7, 101 REYKJAVÍK, • www.hibyli.is • hibyli@hibyli.is
Vorum að fá í sölu húseignina við Hafnarstræti 15 í Reykjavík sem er
652,7 fm verslunar- og atvinnuhúsnæði byggt 1898. Húsið stendur á
horni Hafnarstrætis og Pósthússtrætis. Húsið er sögufrægt og var lengi kallað Ellingsenhús eftir verslun
sem var í vesturendanum. Lansbanki Íslands var fyrsti eigandi hússins. Nánari lýsing eignar: Á fyrstu hæð
er rekinn veitingastaður, Hornið. Í kj. er veitingasalur og bar. Geymslur innaf veitingasal, útgangur út á plan
norðan við húsið. Gengið upp á efri hæðir frá Hafnarstræti, þar sem eru samtals 9 skrifstofuh. Eldh.
Hornsins á annarri hæð auk skrifstofuh. Á þriðju hæð eru skrifstofuh. auk geymslu. Snyrting á öllum
hæðum nema í kj. Fasteignin þarfnast viðhalds og endurbóta. Skv. skráningu FMR er húsið byggt 1917 en
hluti þess er líklega eldri (1898). Allar nánari uppl. á skrifst.
Húseignin Hafnarstræti 15 til sölu
Ingibjörg Þórðardóttir, löggiltur fasteignasali.
M
b
l 1
01
70
73
• Fjöldi góðra fyrirtækja í Danmörku.
• Heildverslun með varahluti fyrir vinnuvélar og bíla.
Ársvelta 140 mkr.
• Framkvæmdastjóri-meðeigandi óskast að fyrirtæki á heilbrigðissviði.
• Æskilegt að viðkomandi sé hjúkrunarfræðingur.
• Heildverslun með ferðavörur. Ársvelta 360 mkr.
• Meðalstór heildverslun með tæknivörur óskar eftir sameiningu við
annað fyrirtæki á því sviði. Ársvelta 140 mkr.
• Framkvæmdastjóri-meðeigandi óskast að góðu útgáfufyrirtæki í
stöðugum vexti. Ársvelta 200 mkr.
• Heildverslun með tæknivörur. Ársvelta 130 mkr.
• Rótgróin bílaleiga með 21 bíl. Auðveld kaup.
• Þekktur tölvuskóli. Ársvelta 80 mkr.
• Heildverslun með bílavörur. EBITDA 25 mkr.
• Sérverslun og heildverslun með tölvurekstrarvörur. Ársvelta 100 mkr.
EBITDA 10 mkr.
• Þekkt verslun með húsgögn og gjafavörur.
• Sérverslun með sportvörur. Ársvelta 120 mkr.
• Lítil heildverslun með hársnyrtivörur. Hentugt til sameiningar.
• Heildverslun með neytendavörur (ekki matvæli) sem selur í verslanir
um allt land. Ársvelta 160 mkr. EBITDA 15 mkr.
ÞAÐ fer ekki fram hjá neinum í
þjóðfélaginu að eldsneyti er orðið of
dýrt til þess að venjulegar fjöl-
skyldur kaupi það í jafn miklum
mæli og áður. Bifreiðin er stór
partur af neyslumynstri þjóð-
arinnar og verður þeirri þróun
seint snúið til baka. Það er hins
vegar engin ástæða til þess að
gráta þetta eldsneytisverð. Við eig-
um næga orku sem við framleiðum
sjálf og er meira en vel nýtanleg til
þess að knýja áfram bifreiðar. Raf-
orkan er okkar auðlind og er þróun
bifreiða sem nota slíka orku komin
vel á veg. Fjölmargir framleiðendur
eru nú þegar farnir að setja slíkar
bifreiðar á markað og eru sífellt að
koma þróaðri tegundir á markað.
Þó eru enn annmarkar á rafbílum
en þessi þróun er á miklum skriði
og engin ástæða til þess að bíða eft-
ir hinum fullkomna rafbíl. Sam-
kvæmt útreikningum þá kostar 20
krónur að aka rafbíl til og frá vinnu
í svokölluðum bæjarakstri eða 440
krónur á mánuði. Þetta hljóta að
vera tíðindi í okrinu á dísilolíu og
bensíni. Íslendingar eiga að snúa
sér í miklum mæli að notkun raf-
bíla, ekki bara orkunnar vegna.
Fjölmargar jákvæðar ástæður
liggja þar að baki. Rafbílarnir eru
léttir og nettir og eru hljóðlitlir og
þeim fylgir engin útblásturs-
mengun. Útblástursmengun er og
verður skattlögð í framtíðinni og
ætti því íslenska ríkið að fella niður
gjöld og tolla af rafbílum. Ef ein-
hver alvara er í stefnu stjórnvalda
varðandi útblástursmengun þá á að
sýna hana í verki. Þessar bifreiðar
lenda í lægsta tryggingarflokki. Ve-
gaslit verður minna vegna minni
þunga og svifryk mun minnka að
auki. Hávaðamengun mun minnka.
Kraftur rafbílanna er minni og mun
umferðin því róast mikið. Auk þess
mun sparast mikill gjaldeyrir ef Ís-
lendingar tileinka sér notkun raf-
bíla vegna sparnaðar í eldsneyt-
iskaupum. Vandi þjóðarinnar er án
efa sá að bílafloti landsmanna er
mjög stór og situr fólk uppi með
bifreiðar sem brenna olíu og bens-
íni, tvo og jafnvel þrjá á hverju
heimili. Mögulegt er að knýja bif-
reiðarnar áfram með etanóli eða
metanóli en það mun verða jafn dýr
kostur og það eldsneyti sem við
notum í dag. Auk þess munu bif-
reiðaeigendur verða háðir olíufélög-
unum með afgreiðslu og dreifingu
þessa orkugjafa sem telst varla
hagkvæmt fyrir neytendur miðað
við forsöguna. Það yrði afleit nið-
urstaða að leggja í mikinn til-
kostnað við að umbreyta bílaflota
landsmanna til þess eins að fara úr
öskunni í eldinn. Mögulegt er að sjá
metanól eða etanól og raforku not-
að í bland en raforkan á að vera
fyrsti kostur enda sá hagkvæmasti
sem völ er á. Rafmagnið er nánast
á hverju einasta byggða bóli í land-
inu og er talin ein hreinasta orka
sem framleidd er í heiminum. Því
skyldum við fara út í það að finna
upp aðrar leiðir en þær sem við
höfum við höndina? Ekki þarf nein-
ar sérstakar þjónustustöðvar vegna
hleðslunnar á rafbílana og þarf því
enga áhættu að taka varðandi stór-
ar birgðastöðvar líkt og með olíuna
og bensínið. Eins munu þjóðvegir
landsins fara mun betur vegna þess
að olían yrði flutt í minna mæli um
vegina. Nú þurfa Íslendingar að
passa vel upp á auðlindina dýr-
mætu sem við eigum saman. Raf-
orkuna. Nú þurfum við að passa
upp á það að virkjanirnar og raf-
orkuverin falli ekki í hendurnar á
auðhringum eða hinu frjálsa fram-
taki. Það höfum við séð að olíufé-
lögin, tryggingafélögin, bankarnir,
kvótakóngarnir og flest þau fyr-
irtæki sem starfa á hinum „frjálsa“
markaði gera það sem þeim þókn-
ast í eigin þágu. Þeim er ekki
treystandi fyrir almannaheill. Þjóð-
in þarf að standa vörð um rafork-
una og vatnið. Hér er um algjört
grundvallaratriði að ræða. Ef það
kostar 20 krónur á dag að ferðast
til og frá vinnu með raforkunni,
hvers vegna erum við þá að borga
tugi þúsunda á mánuði fyrir sömu
iðju með brennslu á olíu og bensíni?
Þjóðin þarf að losna úr fjötrum ol-
íunnar.
ARNÞÓR SIGURÐSSON,
Bjarnhólastíg 12, Kópavogi.
Þjóðin þarf að
taka upp nýja siði.
Frá Arnþóri Sigurðssyni
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
HERNAÐAR-
ANDSTÆÐINGAR
(hernámsandstæð-
ingar/herstöðva-
andstæðingar o.s.frv.)
hamast enn sem
mest þeir mega gegn
hvers konar vörnum
sem við Íslendingar
kunnum að halda uppi
gegn hugsanlegum
andstæðingum. Maður getur velt því
fyrir sér hver staðan hefði orðið í
Evrópu eftir stríð, ef NATO hefði
ekki verið stofnað. Hver væri staða
okkar í dag ef BNA hefðu kosið að
láta Evrópumálin afskiptalaus?
Friðarstefna og andstaða gegn
hvers konar hernaði er í sjálfu sér
göfug hugsjón, en ekki raunsæ.
Kommúnismi Karls Marx var einnig
göfug hugsjón, en hver varð svo
reynslan af því þegar hún var reynd
í framkvæmd í Sovétríkjunum? Nú
þegar varnarliðið er
horfið á braut er landið
að vissu leiti varn-
arlaust gegn skyndi-
árásum af ýmsu tagi
þótt engin þjóð ógni
öryggi okkar í dag.
Þátttaka okkar í
NATO tryggir að okk-
ur verður komið til
hjálpar ef á okkur
verður ráðist. En
hversu fljótt mun sú
hjálp berast og að
hvaða gagni mun hún
koma? Staðan í alþjóðamálum í dag
er þannig hvað okkur Íslendinga
varðar, að hvaða nútíma-„hunda-
dagakonungur“ sem er, hvort sem
hann telur sig eiga eitthvað sökótt
við okkur eða ekki, eða hvort hann
langar aðeins til að sína mátt sinn
og/eða valda hörmungum, á til-
tölulega auðvelt með að ráðast á
landið án þess að við getum mikið við
því gert. Hér er lítið um varnir. Fá-
menn landhelgisgæsla og sérsveit
lögreglunnar er of fámenn og illa bú-
in til þess að veita vel búnu árás-
arliði mótspyrnu eða til að yfirbuga
það. Hvaða ruglukollur sem er sem
ræður yfir fjármagni og hefur vilja
til að koma illu til leiðar getur með
vel búnu fámennu liði sótt okkur
heim í lofti eða á legi án þess að
nokkrum vörnum verði við komið,
eins og málum er háttað í dag, og
valdið hér miklum spjöllum á mann-
virkjum og með manndrápum. Í
hvert sinn sem hreyft er við því að
auka varnarmátt okkar og viðbúnað
gegn slíkum árásum æpa „naívist-
arnir“ í hópi hernaðarandstæðinga
eða hatursmanna NATO: „Bjarna-
son Army“, „Bjarnason Army“! Ég á
enga ósk betri til handa þessu fólki
en að það þurfi aldrei að upplifa ein-
hvers konar „Gulag“ eða „Buchen-
wald“ til þess að koma heilasellum
sínum í lag. Okkur ber brýna nauð-
syn til þess að efla landhelgisgæsl-
una og sérsveit lögreglunnar þannig
að þær geti verið til varnar, ekki
bara hér á höfuðborgarsvæðinu,
heldur í öllum landshlutum til þess
að gæta öryggis okkar og til þess að
veita hjálp þegar ógn eða hætta
steðjar að. Það þarf einnig að fjölga
skipum og flugvélum, einkum þyrl-
um, sem verði staðsettar í öllum
landshlutum. Ríkisstjórn, Alþingi og
allur almenningur þarf að vakna til
vitundar um að þessi hætta er raun-
veruleg. Látum ekki taka okkur í
bólinu af öfgamönnum, trúarofstæk-
ismönnum eða glæpamönnum sem
kunna að sjá sér leik á borði gegn
vanmáttugum yfirvöldum. Tökum
nú til hendinni þarna. Hins vegar
eigum við að láta það ógert að vera
eltast við hernaðarævintýri BNA í
Austurlöndum. Stríðið í Afganistan
sem þeir eru nú að gefast upp á
vegna þess að aðgerðir þeirra eru
tóm vitleysa og munu ekki leiða
þessi átök til lykta, eigum við að láta
afskiptalaust. Okkar viðbragðsstaða
er hérna heima. Verum viðbúinn.
Látum hart mæta hörðu.
Varnir og varnarleysi eftir
brottför varnarliðsins
Hermann Þórð-
arson skrifar um
varnir Íslands
»Ríkisstjórn, Alþingi
og allur almenn-
ingur þarf að vakna til
vitundar um að þessi
hætta er raunveruleg.
Hermann Þórðarson
Höfundur er fyrrverandi
flugumferðarstjóri.