Morgunblaðið - 22.06.2008, Síða 57

MORGUNBLAÐIÐ SUNNUDAGUR 22. JÚNÍ 2008 57
Micah Paul Hinson, semalla jafna er kynntursem Micah P. Hinson,fæddist í Memphis en
ólst upp í Vestur-Virginíu þar til fjöl-
skyldan fluttist til Abilene í Texas
þegar faðir hans réðst sem prófessor
til kristilegs háskóla þar í borg. Eins
og Hinson lýsir lífinu í Abilene er
ekki til leiðinlegra pláss í vesturálfu
allri, eða svo leið honum víst þegar
hann var unglingur. Hann fann sér
fróun á hjólabretti, varð skeitari
með því sem fylgdi á þeim slóðum,
hassreykingum og tilheyrandi.
Óknyttapiltur
Samhliða því að vera óknytt-
apiltur fékkst hann líka við tónlist,
fór snemma að gutla á gítar og píanó
og tíu ára gamall var hann farinn að
semja lög.
Líkt og vill verða með þá sem fara
að fikta við fíkniefni leiddist skeit-
arinn Hinson út í leiðindi. Hann
kynntist sér eldri konu og komst
með hennar aðstoð þar í tæri við ým-
islegt læknadóp sem leiddi hann svo
áfram í smáglæpi og endaði með því
að hann var handtekinn fyrir lyf-
seðlafölsun meðal annars og hneppt-
ur í fangelsi.
Hann lýsir því svo að mánuðunum
fyrir fangelsisdvölina og eftir hana
hafi hann glatað öllu sambandi við
fjölskyldu sína og öllum eigum sín-
um, gerst flækingur og lifað á sníkj-
um. Ekki glataði hann þó sambandi
við alla sína nánustu því afi hans
borgaði fyrir hann herbergi í gisti-
heimili og í því herbergi segist Hin-
son hafa tekist á við sjálfan sig og
ákveðið að snúa við lífi sínu. Það
gekk og eftir, hann fékk sér vinnu,
kom sér síðan í skóla og fór að lokum
að fást við músík aftur sem skilaði
stuttskífu The Baby & The Satellite,
um það leyti sem Hinson var átján
ára.
Bretar taka við sér
Hann gaf skífuna út en gerði lítið í
að kynna hana, kunni ekki við þá hlið
útgáfumála og kann víst illa við hana
enn. Hvað sem því líður heyrði John-
Mark Lapham, einn liðsmanna
þeirrar ágætu sveitar The Earlies,
skífuna og setti sig í samband við
Hinson, lagði til að hann myndi taka
upp með honum tónlist og hugs-
anlega gefa hana út. Hinson féllst á
þetta og næstu árin tóku þeir upp
saman slatta af lögum og Lapham
gerði hvað hann gat til að kynna
Hinson með takmörkuðum árangri.
Það var ekki fyrr en lag með honum
var spilað í breska ríkisútvarpinu
(eins og Hinson rekur söguna var
það prufuupptaka af laginu „The
Possibilities“ og spilað rétt á eftir
lagi með Sigur Rós) að bresk útgáfa
tók við sér og samdi við Hinson um
útgáfu á breiðskífu.
Sú plata var „Micah P. Hinson
and the Gospel of Progress“ og kom
út 2004. Hún fékk frábæra dóma, og
það að verðleikum, en áhuginn í
Bretlandi varð til þess að fyrirtæki
vestan hafs sýndu honum áhuga.
Undir hnífinn
Stuttskífan gamla var svo gefin út
að nýju í Bretlandi 2005 en um það
leyti sem upptökur áttu að hefjast
fyrir næstu plötu var Hinson að fífl-
ast með hljómsveitarfélaga sínum og
í þeim fíflagangi fékk hann svo hast-
arlegt brjósklos að hann var drifinn
á sjúkrahús og undir hnífinn með
hraði. Það setti eðlilega strik í reikn-
inginn því fyrir vikið átti hann illt
með slímsetur í hljóðveri – allur und-
irbúningur fór fram þar sem Hinson
var reyrður í rúmið, ýmist uppdóp-
aður eða viðþolslaus af kvölum.
Upptökur að skífunni hófust svo
um leið og hann var orðinn það góð-
ur að geta setið við hluta úr degi, en
hann stefndi tónlistarmönnum að
sjúkrabeðnum og þannig miðaði
verkinu merkilega vel áfram í ljósi
aðstæðna. „Micah P. Hinson and the
Opera Circuit“ kom svo út í október
2006.
„… þess vegna syng ég um
skuggahliðarnar“
Textarnir hjá Hinson eru oft
myrkir enda lét hann þau orð falla í
texta sem hann skrifaði fyrir breska
blaðið The Guardian fyrir tveimur
árum að það væri hvorki hlýtt né
bjart í kollinum á honum:
„Ég vakna upp við napurleika.
Skýran mun á því hvað sé gott og
hvað slæmt. Það sem ég upplifi og
það sem mig langar. Það sem ég
þarfnast og það sem ég fæ þegar allt
kemur til alls. Að mínu viti er heim-
urinn ekki skelfilegur. Sumstaðar er
að finna hamingju, umhyggju og
takmarkalausa ást, en þeir staðir
eru svo fáir og svo langt á milli
þeirra og stundum sjáum við ekki
ljósið. Finnum ekki hitann. Sjáum
ekki náðina og frelsið sem lífið býður
upp á … Vinir mínir, þess vegna
syng ég um skuggahliðarnar.“
Kæruleysið í algleymingi
Að þessu sögðu eru ljósglætur á
skífum Hinsons og þrátt fyrir erf-
iðleikana sem hann gekk í gegnum
við upptökurnar er víða vottur af
hlýju á „Micah P. Hinson and the
Opera Circuit“ þó að tómhyggjan sé
aldrei langt undan og textarnir
gegnsýrðir trega.
Hann lét þau orð reyndar falla í
viðtali að helstu áhrifin af því að vera
á svo sterkum verkjalyfjum á meðan
á upptökum stóð hafi verið þau að
honum var sama um að hvað öðrum
fannst; hann spáði ekkert í það hvort
samstarfsmönnum hans, útgefanda
eða hugsanlegum plötukaupendum
líkaði við það sem hann væri að gera
– lét innblásturinn ráða að öllu leyti,
kæruleysið í algleymingi.
Depurð og tregi
Eftir annir við að kynna skífuna,
starf með öðrum, en hann er líka í
tveggja manna hljómsveitinni The
Late Cord með John-Mark Lang-
ham, og giftingu brá Hinson sér aft-
ur í hljóðver að taka upp nýja plötu
sem kemur út um þessar mundir og
heitir „Micah P Hinson and The Red
Empire Orchestra“.
Á Micah P. Hinson and The Red
Empire Orchestra er Hinson við
sama heygarðshorn í depurð og
trega, en lítillega léttist þó á honum
brúnin. Tónlistin er lágstemmdari
en forðum, minna skraut er notað
þegar við á og smáskammtar af gít-
arbjögun gera sitt sig að gefa skíf-
unni meiri þunga. Röddin er svo söm
við sig, merkilegt að ungur maður sé
með svo dimma rödd, einskonar
blöndu af Johnny Cash og Tom Wa-
its.
Sungið um skuggahliðarnar
Hæfileikapiltur Micah P. Hinson, söngfuglinn frá Abilene.
TÓNLIST Á SUNNUDEGI
Árni Matthíasson
Ný plata Micah P.
Hinson verður eflaust
víða á topplistum þegar
poppárið verður gert
upp enda er að finna á
henni svo dægilega
blöndu af trega og
sorg að varla verður
betur gert.
Einstakt enskunámskeið
Fyrir þá sem vilja styrkja enskugrunninn,
tala og skilja enska tungu.
• Fjarnám með 27 1/2 tíma enskunámskeiði á cd diskum
• Slökunardiskur með jákvæðri staðfestingu með tónlist
frá Friðriki Karlssyni
• Vinnubók með enska og íslenska textanum
• Taska undir diskana
• Áheyrnarpróf í lok náms
Mörg stéttarfélög, fræðslusjóðir og fyrirtæki styrkja þetta námskeið
Allar uppl‡singar
www.tungumal.is
eða í símum 540-8400 eða 820-3799
www.fi.is, fi@fi.is
sími: 568-2533,
m
bl
10
19
54
6
Ferðafélag Íslands
Ganga, reiðhjól, kajak
Spennandi ferð inn til dala og út til stranda
í botni Breiðafjarðar.
Gengið um dalanna kyrrð, hjólað um fáfarna sveitavegi og róið
á kajak inn um hólma og sker, fugla og sérkennilegar sjókindur.
Fornsögur rifjaðar upp og sögustaðir skoðaðir. Heilsað upp á
heimamenn og hlustað á þjóðsögur, ýkjusögur og gamansögur.
4 daga trússferð 10.-13. júlí.
Fararstjórar Jón Jóel Einarsson og Maggý Magnúsdóttir.
LÁNIÐ hefur leikið við kappana í Coldplay síðustu vik-
ur. Nýja platan þeirra Viva La Vida Or Death and All
His Friends fór beint í efsta sæti breska vinsældalistans
og uppselt er á tónleika þeirra á næstunni. Nú hefur
hinsvegar lítt þekkt bandarísk sveit að nafni Creaky Bo-
ards sett strik í reikninginn hjá Chris Martin og félögum
með því að saka þá um stuld á titillagi plötunnar.
Söngvari Creaky Boards, Andrew Hoepfner, segir að
hljómsveitin hafi verið mjög upp með sér þegar hún sá
Chris Martin meðal áhorfenda á tónleikum hennar í New
York. „Hann virtist skemmta sér vel, kannski einum of
vel,“ segir Hoepfner í myndbandi á YouTube-vefsíðunni
þar sem hann býður fólki að bera lögin saman. Fjölmarg-
ir hafa gefið álit sitt og sýnist sitt hverjum.
Coldplay-liðar blása á gagnrýnina og segja öll líkindi
með lögunum tilviljun. Talsmaður sveitarinnar segir að
kvöldið sem Chris Martin er sagður hafa verið á tón-
leikum Creaky Boards að sanka að sér efni, hafi hann
verið við vinnu í hljóðveri í London og auðvelt sé að færa
sönnur á það. Þá hafi „Viva La Vida“ verið fest á band
löngu áður en meintur þjófnaður hafi átt að eiga sér stað.
Coldplay sökuð um lagastuld
Vinsæl Uppselt hefur verið á tónleika Coldplay.
Landnámssetrið í Borgarnesi
437 1600 | landnamssetur@landnam.is
Saga til næsta bæjar (Á Sögulofti)
Sun 22/6 kl. 20:00
BRÁK eftir BrynhildiGuðjónsdóttur (Söguloftið)
Lau 28/6 kl. 15:00 Lau 28/6 kl. 20:00 U
Mr. Skallagrímsson eftir Benedikt Erlingsson (Söguloftið)
Fös 27/6 kl. 20:00
Sun 29/6 kl. 16:00
Fös 11/7 kl. 20:00
Lau 12/7 kl. 20:00
Sun 13/7 kl. 16:00
Fim 17/7 kl. 20:00
Fös 18/7 kl. 20:00
Frú Norma
4711166 | norma@frunorma.is
Soffía mús á tímaflakki (Sláturhús - Menningarsetur - Egilsstöðum)
Sun 22/6 kl. 16:00 F
Kómedíuleikhúsið Ísafirði
8917025 | komedia@komedia.is
Act alone á Ísafirði (Hamrar/Edinborgarhúsið)
Mið 2/7 kl. 20:00
Fim 3/7 kl. 12:00
Fös 4/7 kl. 12:00
Lau 5/7 kl. 13:00
Sun 6/7 kl. 14:00
Búlúlala - Öldin hans Steins (Hamrar Ísafirði/Ferðasýning)
Mið 2/7 kl. 21:30
Ég bið að heilsa - Jónasardagskrá (Edinborgarhúsið)
Fös 4/7 kl. 16:30
Gísli Súrsson (Haukadalur Dýrafirði/ferðasýning)
Fös 27/6 kl. 20:30
Mið 9/7 kl. 16:00 U
Fös 25/7 kl. 14:00
Lau 26/7 kl. 20:00 U
Pétur & Einar (EinarshúsBolungarvík)
Fim 26/6 kl. 20:00 Lau 5/7 kl. 17:00