Morgunblaðið - 03.10.2008, Blaðsíða 14
14 FÖSTUDAGUR 3. OKTÓBER 2008 MORGUNBLAÐIÐ
FRÉTTIR
www.eirberg.is • 569 3100 • Stórhöfða 25
Rafskutla
-hagkvæmur farkostur
Eftir Skapta Hallgrímsson
skapti@mbl.is
HUGMYNDIR að breyttu skipu-
lagi miðbæjarins á Akureyri voru
kynntar í bæjarráði í gærmorgun.
Samkvæmt þeim er meðal annars
gert ráð fyrir því að Glerárgata
verði þrengd úr fjórum akreinum í
tvær frá Strandgötu að Kaup-
vangsstræti, umtalsverðri upp-
byggingu atvinnu- og íbúðar-
húsnæðis, að nýtingu bílastæða í
miðbænum verður breytt og síðast,
en ekki síst að margumtalað síki
verði að veruleika og muni ná frá
Torfunefsbryggju langleiðina upp
að Hafnarstræti.
Ekki endanlegt
Rétt er að taka fram að ekki er
um endanlegar tillögur að ræða en
Sigrún Björk Jakobsdóttir bæj-
arstjóri og Hermann Jón Tóm-
asson, formaður bæjarráðs, segja
verkefnið langt komið. Þau kynntu
stöðu þess að ósk fulltrúa í bæj-
arráði og ákváðu að veita fjölmiðla-
fólki innsýn í verkefnið í framhaldi
þess.
Ljóst er að ef síkið verður að
veruleika þarf að fjarlægja húsið
þar sem Ljósmyndastofa Páls er
nú; síkið liggur frá sjónum, upp
með Skipagötu 9 að sunnanverðu
þar sem til húsa eru m.a. Spari-
sjóðurinn Byr og Atvinnuþróun-
arfélag Eyjafjarðar og upp í gegn-
um portið norðan við hús
Íslandspósts.
Ekki hefur verið tekin endanleg
ákvörðun um útfærslur á síkinu,
sem þau Hermann Jón og Sigrún
töluðu líka um sem „vatnasvæði“.
Líklega verður það 14 metra breitt
en hversu djúpt það verður er enn
óljóst. Á þeim var að heyra að lík-
lega yrði það með sama sniði frá
Torfunefinu við menningarhúsið
Hof og upp að Skipagötu, og lík-
lega sjávarsíki, en þar fyrir ofan
yrði um að ræða grunna tjörn sem
hugsanleg mætti nota sem skauta-
svell yfir vetrartímann. Tjörnin
næði þá frá Skipagötu upp að hús-
inu þar sem Akureyrarapótek var
lengi til húsa og nú er rekin ferða-
mannaverslunin Víkingur.
Þar er stefnt að því að sólrík og
skjólsæl rými verði beggja vegna.
Braunshús, norðan við gamla apó-
tekið, verður flutt og þannig mynd-
ast göngutenging að Hafnarstræti
og Skátagilinu.
Töluvert var á sínum tíma deilt
um réttmæti þess að síkið yrði að
veruleika og vitað að deilt hefur ver-
ið um það innan Samfylkingarinnar.
Hermann Jón vildi ekki svara því
endanlega í gær hvort samstaða
væri orðin um síkið í flokknum „Það
verður að koma í ljós. Varðandi
vatnasvæðið verðum við að finna
niðurstöðu sem allir geta sætt sig
við,“ sagði Hermann og benti á að
allir yrðu hugsanlega eitthvað að
gefa eftir. „Grundvallaratriði í mín-
um huga er að við látum útgjöld bæj-
arins í þessu verkefni miðast við þær
tekjur sem bærinn hefur af því. Það
þarf að stilla þessu tvennu saman,“
sagði Hermann Jón.
Stefnt er að því að kynna bæj-
arbúum hugmyndirnar fyrir jól og
að fyrir liggi samþykkt deiliskipu-
lagstillaga á fyrri hluta næsta árs.
Þá yrði þegar hægt að hefjast
handa við framkvæmdir, skv. upp-
lýsingum bæjaryfirvalda, ef fjár-
festar verða áhugasamir, en nú þeg-
ar liggja fyrir áform um byggingu
hótels og íbúða á svæðinu norðan við
síkið. Ekki er þó gert ráð fyrir að
byrjað verði strax, en forráðamenn
vilja í það minnsta hafa allt tilbúið
þegar efnahagslífið færist í betra
horf.
150 nýjar íbúðir
Gert er ráð fyrir nýjum 3-5 hæða
byggingum með yfir 150 nýjum
íbúðum og allt að 16.000 fermetrum
af atvinnuhúsnæði auk bílastæða-
kjallara undir húsum.
Áætlaðar tekjur bæjarins af
gatnagerðargjöldum verða yfir einn
milljarður króna og verða þær að
hluta til nýttar til að fjármagna
nauðsynlegar framkvæmdir en
fyrsta verkefnið sem bæjaryfirvöld
vilja fara í að er undirbúa breytingar
á Glerárgötu. Stefnt er að því að hún
verði öruggari en nú, „og henni
breytt í aðlaðandi borgarstræti frá
Kaupvangsstræti að gatnamótum
við Strandgötu. Á þessu svæði verð-
ur hún þrengd úr fjórum akreinum í
tvær, en um leið tryggt að hægt
verði að snúa til baka ef þörf krefur.
Með þessu verður Pollurinn og
menningarhúsið Hof órjúfanlegur
hluti miðbæjarins,“ segir í frétt frá
bænum í gær. Gatan mun liggja á
brú yfir síkið.
Sigrún Björk telur breytinguna
sem gerð verður á Glerárgötu mjög
merkilega og mikilvæga. Ekki verði
í raun hugsað um götuna sem þjóð-
veg 1, þó að hún verði það vissulega
áfram, heldur verði dregið úr um-
ferðarhraða og áhersla lögð á góða
tengingu á milli Hofs og miðbæj-
arins. „Alls staðar í heiminum slaka
menn aðeins á ef þjóðvegur liggur í
gegnum bæi. Þó að hámarkshraði
verði minnkaður úr 50 kílómetrum í
30 og gatan mjókkuð lengir það ekki
ferðatímann á þessum kafla nema
um 30-40 sekúndur,“ sagði Sigrún
Björk.
Enn gert ráð fyrir síkinu
150 nýjar íbúðir og allt að 16.000 fermetrum af atvinnuhúsnæði Þó að hámarkshraði á Glerárgötu
minnki og gatan mjókki lengir það ferðatímann lítið „Grundvallaratriði að útgjöld miðist við tekjur“
Morgunblaðið/Skapti Hallgrímsson
Nýr miðbær Líkan sem sýnir hugmyndirnar sem nú er unnið eftir. Gert er ráð fyrir að gulu byggingarnar rísi og síkið nái langleiðina upp að Hafnarstræti.
Samkvæmt hugmyndum bæjaryf-
irvalda verður bílastæðum fyrir al-
menning ekki fækkað í miðbænum
þó svo gert sé ráð fyrir byggingum
þar sem flest stæðin eru í dag.
Mál manna er að alla jafna séu
næg bílastæði í miðbænum nú,
eftir að þau urðu gjaldfrjáls; urðu
að klukkustæðum sem svo eru
kölluð. Bílastæðum á þó að fjölga;
t.d. meðfram götum og fyrir liggja
tillögur að bílastæðahúsi eða bíla-
stæðakjallara sem munu fullnægja
þörfinni, að sögn Sigrúnar Bjarkar
og Hermanns Jóns í gær.
Ýmsar hugmyndir hafa verið
ræddar í þessu sambandi; því hef-
ur meðal annars verið velt upp að
byggja bílastæðahús vestan við
Borgarbíó, og einnig hefur verið
varpað fram hugmyndum um að
koma fyrir slíku húsi undir Ráð-
hústorgi og tvær leiðir nefndar þar
niður; annars vegar að ekið verði
þangað neðst úr Brekkugötunni,
við vesturhorn Landsbankans, og
hins vegar þar sem nú er ekið nið-
ur í bílageymslu við Strandgötu 3
þar sem Sjóvá og Íslensk verðbréf
eru m.a. til húsa.
Bílastæðahús undir Ráðhústorgi?
RAGNAR Sverrisson, kaupmaður í JMJ, var aðalhvatamaður að íbúa-
þinginu Akureyri í öndvegi á sínum tíma, en það var upphafið að
þeirri vinnu sem fram hefur farið síðustu misseri um fyrirhugaðar
breytingar á miðbæ Akureyrar. Ragnar gladdist í gær þegar staða
verkefnisins var kynnt, og sat fund fjölmiðlamanna með forráðamönn-
um bæjarins. „Ég er mjög ánægður. Nú sé ég sjötta barnið mitt fæð-
ast,“ sagði hann. „Fyrri börnin voru nú heldur ófríð þegar ég sá þau
fyrst, eftir að þau komu úr móðurkviði, en þau eru falleg og góð í dag
– og ég hef fulla trú á að það sem sýnt er hér í dag verði mjög fal-
legt,“ sagði Ragnar.
Aðspurður hvort hann teldi að hugmyndirnar sem sýndar voru í gær
yrðu að veruleika svaraði Ragnar játandi. „Þetta tekur væntanlega
heldur lengri tíma en ég hefði kosið en þetta verður æðislegt.“
Þær nýju áherslur sem koma fram í hugmyndunum byggjast m.a. á
íbúaþinginu sem áður var nefnt, en þar komu saman um 1.650 manns í
íþróttahöllinni til að ræða um miðbæinn og tækifæri þar. Frekari úr-
vinnsla byggðist á tillögu frá arkitektastofu Skotans Graemes Massies
(GMA) sem hlutskörpust varð í hugmyndasamkeppni um skipulag mið-
bæjarins sem sjálfseignarstofnunin Akureyri í öndvegi stóð fyrir. GMA
brást í tillögu sinni við óskum bæjarbúa um „meira skjól og sól“ með
því að leggja til að sjávarsíki næði frá Bótinni að Hafnarstræti og
lagði þannig til að miðbænum yrði í raun snúið, lægi í austur-vestur
og myndaði skjólsæl sólrík rými meðfram síkinu.
„Nú sé ég sjötta
barnið mitt fæðast“
Morgunblaðið/Skapti Hallgrímsson
Ánægður Ragnar Sverrisson skoðar
líkanið að miðbænum í gær.