Morgunblaðið - 03.10.2008, Blaðsíða 48

48 FÖSTUDAGUR 3. OKTÓBER 2008 MORGUNBLAÐIÐ
MENNING
Fólk
Eftir Jóhann Bjarna Kolbeinsson
jbk@mbl.is
„ÞETTA verður ekki eins og þetta var í fyrra, þeg-
ar kveikt var á henni í fyrsta skipti. Ringo og Bítla-
gæslumennirnir koma til dæmis ekki,“ segir Sif
Gunnarsdóttir hjá Höfuðborgarstofu, en kveikt
verður á Friðarsúlu Yoko Ono í Viðey á fimmtudag-
inn í næstu viku.
„Yoko kemur til landsins á mánudaginn og veitir
svo friðarverðlaunin, Lennon/Ono peace grant, í
Höfða kl. 14 hinn 9. október, sama dag og Frið-
arsúlan verður tendruð. Það verður þá í fjórða
skipti sem verðlaunin eru veitt, og í annað skipti
sem það er gert hér á landi,“ segir Sif, en Yoko af-
henti verðlaunin hér á landi fyrir tveimur árum,
nánar tiltekið í Höfða hinn 9. október árið 2006
þegar mannréttindasamtökin Center for Con-
stitutional Rights og heilbrigðis- og mann-
úðarsamtökin Læknar án landamæra hlutu verð-
launin.
Eins og áður segir verður Friðarsúlan svo tendr-
uð kl. 20 á fimmtudagskvöldið, og meðal viðstaddra
verður borgarstjórinn í Reykjavík.
Mörgum er eflaust í fersku minni þegar súlan var
vígð í fyrra, en óhætt er að segja að Ringo Starr
hafi þá stolið senunni. Trommarinn fór á kostum í
Viðey og gerði meðal annars góðlátlegt grín að
Yoko („I got the message, baby“ og allt það). Hann
heiðraði þó minningu Johns Lennons, og sagði
meðal annars í viðtali í Morgunblaðinu að andi hans
hefði svifið yfir vötnum í eyjunni.
Yoko Ono kveikir á Friðarsúlunni á fimmtudaginn
Friður! Ringo Starr við tendrun Friðar-
súlunnar í kuldanum í Viðey í fyrra.
 Það er óhætt að segja að ástand-
ið í þjóðfélaginu sé með lakara móti
um þessar mundir. Margir sjá nú
ofsjónum yfir hækkandi verði á inn-
fluttum vörum með hríðfallandi
gengi krónunnar og þá virðist ekk-
ert ganga á þessi blessuðu íbúðalán
sem þorri þjóðarinnar stendur sam-
viskusamlega skil á í hverjum mán-
uði.
En ástandið er ekki alls staðar
slæmt. Viðburðafyrirtækið Bravo!
sem stendur að Villa Vill tónleik-
unum getur síst kvartað undan
slæmu árferði því svo virðist sem
fyrirtækinu takist að slá met í ís-
lenskri tónleikasögu. Það sem hófst
með einum tónleikum er nú orðið
að þrennum og örfáir miðar eru
víst eftir á síðustu tónleikana.
Tónleikarnir eru þeir fyrstu sem
fyrirtækið stendur að eftir að Einar
Bárðar skildi við Senu og tók vöru-
merkið Concert með sér en þá var
viðburðarsviði Senu fengið nafnið
Bravo!
Virðist það ætla að standa undir
nafni. Í það minnsta enn um sinn.
Bravo! stendur undir
nafni í slæmu árferði
 Á hinn bóginn neyðast Íslend-
ingar til að bíða þolinmóðir eftir
því að erlendar poppstjörnur
komi hingað til lands í þeim til-
gangi að halda stórtónleika. Tón-
leikahaldarar börmuðu sér mikið
í sumar yfir háu gengi þeirra
gjaldmiðla sem stórstjörnurnar
fengu greitt í og dæmi voru um
að samningar hækkuðu um allt
að 30% frá því að skrifað var
undir og þar til listamaðurinn
kom til landsins.
Nú stendur pundið í 200 krón-
um sem þýðir að það er t.d. 60%
dýrara að fá Rolling Stones til að
halda tónleika í Egilshöll en fyrir
einu ári. Önnur slæm tíðindi fyrir
tónlistaraðdáendur er að allt lítur
út fyrir að verð á geisladiskum
muni hækka á næstu vikum í ljósi
gengishruns krónunnar. Og ekki
einungis á erlendum diskum sem
fluttir eru inn heldur einnig á ís-
lenskum diskum því flestir eru
þeir prentaðir erlendis.
Daufir tónlistartímar
framundan?
Eftir Gunnhildi Finnsdóttur
gunnhildur@mbl.is
„JÁ, talsamband við útlönd, Kristín
Eiríksdóttir hér!“ heyrist í síman-
um þegar blaðamaður tekur upp
tólið. Kristín er stödd í Montreal
þar sem hún er í meistaranámi í
myndlist, en nýlega kom út hjá
Forlaginu þriðja ljóðabók hennar,
sem ber nafnið Annars konar sæla.
„Eins og titillinn kemur upp um þá
er hún um það hvernig er hægt að
vera í heiminum í dag og valkosti
við það sem búið er að gefa okkur
sem forsendur í lífinu,“ segir Krist-
ín.
Hún sinnir myndlistinni og ljóða-
gerðinni jöfnum höndum og bækur
hennar bera þess merki þar sem
hún myndskreytir þær sjálf. Kristín
er þegar komin af stað með næstu
bækur og þar verða bæði ljóð og
prósi í boði í bland við myndlistina.
„Þetta kemur allt frá sama stað,
hvort sem maður er að skrifa texta
eða teikna mynd. Það getur verið
alveg jafnmikil frásögn í teikningu
og í ljóði.“
Sjálfstætt framhald
Kristín vakti fyrst athygli árið
2004 fyrir ljóðabókina Kjötbærinn
þar sem hún fjallaði um Kötu og
samband hennar við kærastann
Kalvin og umhverfi sitt. Sama ár
bar hún sigur úr býtum í ljóðaburt-
reiðum sem Edda og Fréttablaðið
stóðu fyrir. Önnur bók hennar,
Húðlit auðnin, fékk sömuleiðis hrós
gagnrýnenda, en hún kom út fyrir
tveimur árum.
Kristín segir bókina mjög frá-
brugðna sínum fyrri bókum þó að
hún sé um leið að vissu leyti fram-
hald af þeim. „Þetta eru fjórir
ljóðabálkar. Hinar bækurnar voru
byggðar upp eins og sögur, en
þetta er klassískara ljóðform.“
Umfjöllunarefnin eru margvísleg
og þó að rauðir þræðir liggi í gegn-
um bókina þá er hver bálkur ólíkur
öðrum. „Maður er alltaf að reyna
að nálgast eitthvað sem maður á
erfitt með að orða þegar maður
beitir fyrir sig listformi. Maður
skrifar bók einmitt vegna þess að
maður getur ekki sagt hlutina öðru-
vísi.“
Nýja bókin er kynjapólitísk að
mörgu leyti eins og fyrri bækurnar
að sögn Kristínar. „Ég er svolítið
stórorð, fer frá því að ávarpa allt
mannkynið og yfir í að ávarpa stóra
hvíta menn. Mér finnst eiginlega
ekki hægt að vera ung kona og rit-
höfundur í dag án þess að fjalla á
einhvern hátt um kynjapólitík. Það
er bara raunveruleikinn og maður
þarf að vera mjög duglegur að af-
neita því sem er í kringum mann ef
maður ætlar ekki að minnast á
kynjapólitík. Það er það sem dúkk-
ar alltaf upp hjá mér og er stórt
element í þessari bók. En þetta
fjallar líka um trú og það hvernig
við högum lífi okkar.“
„Kemur allt frá sama stað“
 Listakonan og ljóðskáldið Kristín Eiríksdóttir gefur út Annars konar sælu
 Segir bókina fjalla um valkosti við gefnar forsendur í lífinu
Ljósmynd/Jóhann Páll Valdimarsson
Pólitísk „Mér finnst eiginlega ekki hægt að vera ung kona og rithöfundur í
dag ám þess að fjalla á einhvern hátt um kynjapólitík,“ segir Kristín.
á leiðinni hugsaði ég um ljósið
hvernig það brýst gegnum
smæstu rifur
um rafmagn sem leitt er um
snúrur úr járni og gúmmíi
og taugar
ég hugsaði um taugar sem
slengjast saman af vana
orsaka vellíðan hungur
þrá eftir ákveðnu formi bragði
ég hugsaði um sellur sem
eyðast
sársauka
deyfingu verkjalyf
vöðvaslakandi
annarskonar sæla
hvernig
Úr ljóðabálknum Leiðinni úr
bókinni Annars konar sæla.
Orðrétt
Lýstu eigin útliti. Norræn.
Hvaðan ertu? Frá bænum Eyvík í
Grímsnesi.
Hvað heldurðu að Jón Hreggviðsson
væri að gera byggi hann á Íslandi í
dag? (spyr seinasti aðalsmaður, Sól-
veig Arnarsdóttir leikkona) Hann
væri í erlendum fjárfestingum fyrir
Glitni.
Hvað uppgötvaðir þú síðast um sjálfa
þig? Að mér finnst lúða vond á bragð-
ið.
Íslenskar konur í fimm orðum?
Sterkar, sjálfstæðar, íðilfagrar, fá-
ranlega hressar, hlýjar.
Íslenskir karlmenn í sex orðum?
Töff, sterkir, þrjóskir, fyndnir, fal-
legir, uppátækjasamir.
Helstu áhugamál? Hestamennska,
leiklistin, íslensk náttúra, framandi
staðir og góðar bækur og bíómyndir
Styðurðu ríkisstjórnina? Ekki alltaf.
Uppáhaldskvikmynd? Reykjavík
Rotterdam.
Kynþokkafyllsti karlmaðurinn fyrir
utan maka? Má bara velja einn? Úff
þá veit ég ekki – þeir eru svo margir.
Hvaða plötu hlustar þú mest á þessa
dagana? Fleet Foxes – Ragged
Wood og Sun Giant og svo MGMT,
Oracular Spectacular.
Hvaða bók lastu síðast? Maður og
elgur eftir Erlend Loe.
LILJA NÓTT ÞÓRARINSDÓTTIR
ÞAÐ ER STÓR DAGUR Í LÍFI AÐALSKONU VIKUNNAR. ÞAÐ ER
EKKI NÓG MEÐ AÐ HÚN LEIKI EITT AF AÐALHLUTVERKUNUM Í
REYKJAVÍK ROTTERDAM SEM VERÐUR FRUMSÝND Í KVÖLD,
HELDUR LEIKUR HÚN LÍKA Í GANGVERKINU SEM NEMENDA-
LEIKHÚSIÐ FRUMSÝNIR Í KVÖLD.
Leikhús eða kvikmyndir? Tvennt
ólíkt og bæði betri.
Hvernig er að sjá sjálfan sig á stóra
tjaldinu? Óraunverulegt, skrýtið,
gaman og klikkað egóflipp.
Hvort er betra að leika á móti Baltas-
ar Kormáki eða Ingvari E.? Gott báð-
um megin …
Var þér í alvörunni pakkað inn í
plast? Ó JÁ!!!
Hvað ætlaðirðu að verða þegar þú
yrðir stór? Dansari, söngvari, leikari
og hestadýralæknir.
Hvenær varstu hamingjusömust?
Alltaf annað slagið.
Hvenær varstu reiðust? No com-
ment.
Hver yrði titillinn á kvikmynd um ævi
þína? Reykjavík Rotterdam 2 eða þá
eitthvað brjálæðislega dramatískt.
Hver færi með aðalhlutverkið? Na-
talie Portman eða Dóra Jó. Kannski
Uma Thurman ef hún er tekin
fram í tímann.
Hvernig slettir Lilja Nótt úr
klaufunum? Dansa, hvað er
betra en að dansa, já, í góðu
partýi með hressum vinum?
Hvers viltu spyrja næsta
viðmælanda? Ef þú
fengir 700 milljarða,
hvað myndirðu gera
við þá?