Skinfaxi - 01.11.1963, Blaðsíða 16

SKÝRSLA
um starfsemi Ungmennafélags íslands milli sambandsþinga 1961 og 1963.
Stjóm.
Sambandsstjórn skipuðu: Séra Eiríkur J. Eiríks-
son, Þingvelli, sambandsstjóri; Jón Ólafsson, bóndi,
Erautarholti, ritari; Armann Pétursson, skrifstofu-
maður, Reykjavík, féhirðir; Skúli Þorsteinsson,
kennari, Reykjavík, varasambandsstjóri; Stefán Ól-
atur Jónsson, kennari, Reykjavík.
Varamenn í stjórn voru: Gestur Guðmundsson,
skrifstofumaður, Kópavogi og Láms Halldórsson,
skólastjóri, Brúarlandi.
Starfsmenn.
Skúli Þorsteinsson var framkvæmdastjóri sam-
bandsins, séra Eiríkur J. Eiríksson ritstjóri Skin-
faxa, Stefán Ólafur Jónsson umsjónarmaður starfs-
íþiótta og Þórður Pálsson, kennari í Reykjavík,
skógarvörður í Þrastaskógi.
SKrifstofan og starf framkvæmdastjóra.
Skrifstofan var á Lindargötu 9 A þar til í nóvem-
bei 1962, en þá tók sambandið húsnæði á leigu í
félagi við Dýraverndunarfélag fslands á Hjarðar-
haga 26. Hið nýja húsnæði er mikið rýmra og hent-
ugra en það, sem frá var horfið.
Skrifstofan hefur verið opin alla virka daga frá
kJ 4.30 til 7 nema laugardaga. í júní, júlí og ágúst
hefur hún verið lengur opin, þegr framkvæmda-
stjóri er ekki á ferðalagi á vegum sambandsins.
Auk þess hefur framkvæmdastjóri verið til viðtals
í heimasíma og til fyrirgreiðslu á skrifstofunni utan
skrifstofutíma eftir samkomulagi. Auk venjulegs
daglegs starfs á skrifstofunni hefur framkvæmda-
stjóri annazt um útsendingu á Skinfaxa, auglýsingar
í hann og innheimtu áskriftargjalda. Þá hefur hann
heimsótt mörg héraðssambönd árlega og flutt er-
indi og ávörp á þingum þeirra og samkomum.
Sumarið 1961 tók hann þátt í undirbúningi að
utanför á Vejlemótið í Danmörku og var með í
þeirri för sem fulltrúi UMFÍ. Sumarið 1962 sýndi
hann kvikmyndir frá landsmótum UMFÍ og flutti
ávörp á eftirtöldum stöðum: Hólmavík, Sauðár-
króki, Skagaströnd, Blönduósi, Hvammstanga.
Skrifstofan beitti sér fyrir tveim fundum með
ungmennaflögum utan af landi, sem dvelja í bæn-
unt um stundarsakir. Gert er ráð fyrir að sinna því
betur næsta vetur. Guðjón Jónsson kennari sá um
þessa fundi.
Þess skal sérstaklega getið, að ágæt samvinna
hefur verið milli framkvæmdastjóra UMFÍ og fram-
kvæmdastjóra ISÍ, Hermanns Guðmundssonar, en
þeir hafa átt samleið til nokkurra héraðssambanda
og samstarf á þingum þeirra.
Sambandsstjóri og framkvæmdastjóri UMFÍ voru
gestir íþróttasambands íslands við hátíðahöld í til-
eini af 50 ára afmæli samtakanna. Við það tækifæri
flutti sambandsstjóri UMFÍ ræðu fyrir minni ÍSÍ og
afhenti fánastöng með blátvíta fánanum að gjöf frá
UMFÍ.
Landsmótið og sambandsþingið að Laugum 1961.
11. landsmót og 22. sambandsþing UMFÍ var hald-
ið að Laugum í Suður-Þingeyjarsýslu um mánaða-
mótin júní og júlí. Þingið var mjög vel sótt. Helztu
mál þingsins voru: íþróttamál, starfsíþróttir, bind-
indismál, skógræktarmál, félagsheimilin og rekstur
þeirra og félagslegt uppeldi.
Þátttakendur í íþróttum á landsmótinu voru 343,
eru þá ekki taldir aðrir þátttakendur í handknatt-
leik og knattspyrnu en þeir, sem kepptu til úrslita
á mótinu. Þátttakendur í leikfimi, þjóðdönsum og
söng voru 265. Fararstjórar flokka voru 40. Dóm-
arar og starfsmenn voru 80. Talið er að 9000 gestir
hafi komið tli Lauga mótsdagana. Árangur í ýmsum
íþróttagreinum var mjög góður og vakti athygli
Héraðssamband Suður-Þingeyinga sá um undir-
búning mótsins og framkvæmd þess í samráði við
stjóm UMFÍ.
Mótið þótti heppnast mjög vel. Kvikmynd er nú
fullgerð af mótinu og hefur hún verið sýnd í nokkr-
um ungmennafélögum.
Fréttir af þinginu og landsmótinu voru birtar í
blöðum og útvarpi. Jónas Jónsson fv. ráðherra var
heiðraður á landsmótinu fyrir mikil og merk störf
að hugsjónamálum ungmennafélaganna fyrr og
síðar.
16
SKINFAX I