Skinfaxi - 01.11.1963, Blaðsíða 24

fyrir félagsslitum og fjárreiðum félagsins.
4. gr.
Sérhver ung’mennafélagi hefur málfrelsi
og tillögurétt, hvar sem er á samkomum
ungmennafélaga, en enginn má vera reglu-
legur félagi, nema eins sambandsfélags.
Allir ungmennafélagar skuiu þúast.
5. gr.
Sambandsþing UMFl skal háð í júní—
júlímánuði annað eða þriðja hvert ár í
Þrastaskógi. Þó hefur sambandsstjórn vald
til að velja annan þingstað, ef henni þykir
ástæða til. Héraðssambönd kjósa fulltrúa
til sambandsþings, einn fyrir hvert stórt
hundrað reglulegra félagsmanna og afgang,
nái hann helmingi. Einstök félög, sem eru
í UMFÍ án milligöngu héraðssambands,
kjósa fulltrúa eftir sömu reglu. Réttur er
alltaf til eins fulltrúa, þótt félagatal nái
ekki stóru hundraði.
Afl atkvæða ræður úrslitum mála á sam-
bandsþingi, nema um lagasetningu eða
lagabreytingar sé að ræða. Til þeirra þarf
% greiddra atkvæða. Sambandsþing er lög-
mætt, ef mættur er fullur helmingur rétt
kjörinna fulltrúa.
Sambandsþing úrskurðar reikninga sam-
bandsins og setur fjárlög. Það ræðir og
ályktar um framkvæmdamál og önnur við-
fangsefni sambandsins, og dæmir mál þau,
sem skotið er til þess, frá sambandsstjórn
eða héraðasamböndum. Það kýs sambands-
stjórn, varastjóm og endurskoðendur.
6. gr.
Sambandsstjórn er skipuð fimm mönn-
um, sambandsstjóra, ritara, gjaldkera,
varasambandsstjóra og meðstjórnanda.
Kosning stjórnar skal vera skrifleg ef ósk-
að er. Sambandsstjóri er kosinn sér, en
aðrir stjórnarnefndarmenn í einu lagi.
Varastjórn skipa þrír menn, skal hún kos-
in í einu lagi. Atkvæðafjöldi ræður röð
varamanna og skal dregið um röð þeirra,
séu atkvæði jöfn.
Endurskoðendur skulu vera tveir og
tveir til vara. Heimilt er að bera fram til-
lögur um menn í stjórn, en kosning er eigi
að síður óbundin. Stjórnin stýrir málefnum
sambandsins milli þinga, eftir því sem lög
og þingsamþykktir mæla fyrir í samráði
við sambandsráð, sem skipað er formönn-
um héraðssambandanna og skal ráðið kall-
að saman svo oft sem þurfa þykir.
Heimilt er sambandsstj órn að ráða fram-
kvæmdastjóra, sem vinnur þá eftir nánari
ákvörðun hennar.
Sambandsstjórn úrskurðar um ágrein-
ingsmál þau, sem skotið er til álits hennar,
en áfrýja má þó úrskurði hennar og sam-
bandsráðs, til endanlegs úrskurðar sam-
bandsþings. Hún heimtir inn tekjur sam-
bandsins, varðveitir sjóð þess og ver hon-
um í samræmi við fjárlög. öll ber sam-
bandsstjórn sameiginlega ábyrgð á sjóðn-
um, en skylt er gajldkera að setja með-
stjórnendum sínum tryggingu fyrir hon-
um, ef þeir krefjast þess. Reikningar sam-
bandsins skulu gerðir vera um hver ára-
mót, endurskoðaðir þegar og birtir í Skin-
faxa. Sambandsstjórn skal og birta árlega
skýrslu um gerðir, hag og horfur sam-
bandsins.
Ef mál rís á hendur sambandsstjórn,
skal þriggja manna nefnd dæma það. Sam-
bandsþing kýs tvo manna þeirra, en sam-
bandsstjórn nefnir einn.
24
SKINFAXI