Skinfaxi - 01.11.1963, Blaðsíða 40

þeim, sem eins og sakir standa eru alráð í
lífi æskufólksins. Það verður að reyna að
hagnýta áðurnefnda þörf ung’mennanna
fyrir fyrirmyndir að dá og tigna og keppn-
isþrautir að sigrast á.
Vandinn er í því fólginn að missa ekki
sjónar á skapgerðarstyrkj andi takmarki
æskulýðsstarfsins, þegar lagt er út á þessa
braut. Augljóst er, að það er erfiðieikum
bundið að kenna unglingum annað verð-
gildismat en ríkir hjá hinum leiðandi öfl-
um í þjóðfélaginu. Þess vegna er vart von-
legt að árangur náist í æskulýðsstarfinu
nema að sams konar barátta hefjist meðal
hinna eldri kynslóða. Koma þá í Ijós löngu
kunn sannindi, að uppeldisstarf er að jöfnu
og verulegu leyti sjálfsögun uppalandans
eins og ögun þess, sem alinn er upp.
Ýmsir létu í ljós ótta við það, sem kalla
mætti hugsjónauppeldi, vegna hættu á ein-
sýni og forustudýrkun, vegna tryggðar
við hugsjónina. Þessu var auðveldlega móti
mælt með þvi að ekki skyldi mönnum
kennt að rugla saman mönnum og mál-
efnum, en mergurinn málsins er að hverj-
um manni er nauðsynlegt að hafa trausta
lífsskoðun, ef hann á að geta tekið mál-
efnalega afstöðu til viðburða í umhverfi
sínu.
Ég gæti ihaldið lengi áfram að rekja það,
sem fram kom í erindi og umræðum, en
skal nú láta staðar numið. Hið verðmæt-
asta við slíkar umræður og mannamót, sem
þarna var, er að sjálfsögðu persónuleg
reynsla og lærdómur þátttakendanna. Þess
vegna er þýðingarmikið að slík umræðu-
mót geti orðið sem allra fjölmennust og
haldin sem oftast. Það varð líka ráðandi
sjónarmið þegar tekin var afstaða til til-
lögu um það, hvort hafa skuli þessar vikur
þriðja eða fjórða hvert ár. Var einróma
samþ. að sjaldnar en annaðhvert ár kæmi
ekki til greina og stefna beri að árlegum
norrænum æskulýðsvikum. Næsta æsku-
lýðsvika verður í Noregi að ári og vonandi
bregzt ekki að árið 1965 eða 1966 komi
fjölmennur hópur frænda okkar á norræna
æskulýðsviku hér á Islandi.
Þá fáum við verðugt verkefni að vinna,
að undirbúa lærdómsríkt umræðumót um
þau vandamál, sem brýnasta þörfin er að
leysa úr til eflingar æskulýðsstarfinu. Að-
síðustu þakka ég það tækifæri, sem mér
var gefið með að vera fulltrúi Islands á
Valla folkhögskola þessa sumardaga 1962
um leið og ég harma að við vorurn ekki
fleiri, en vonandi verður Islendinga hópur
fjölmennari á öllum norrænum æskulýðs-
vikum í framtíðinni.
Islandi allt!
Land mitt og þjóð
Þú hrausta œska, þín er skylda brýn.
Þú getur valiið kappans djörfu sýn.
Þú heyrir tímans þyt i eggjum brands.
Þú getur skapað framtíð okkar lands.
Fjallkonan unga, ef i bönd þú berst
brotinn skal hleltkur, ceskan, þjóðin verst.
Landið mitt kœra, landið hvera og isa,
Ijómandi borgir sé ég fagrar rísa.
Gœfan hún vaki yfir veröld þinni,
vitana ltveiki sögn i huga og minni.
Vaxtarins drottinn, viljans þrek og þor
þjóð minni gefðu og sigur, andans vor.
Sk. Þ.
40
SKINFAXI