Skinfaxi - 01.12.1989, Blaðsíða 37

öllu leyti og starfrækti af mikilli
kostgæfni og atorku í40 ár. Sigurður
stofnaði íþróttaskólann í Haukadal
1927 eftir nám í íþróttaskólanum í
Ollerup í Danmörku. Tilgangur
Sigurðar með dvölinni í Ollerup var
að öðlast sem besta menntun til að
hrindaþví brennandi áhugamáli sínu
í framkvæmd, að auka og efla
líkamsrækt meðal landa sinna.
Stofnun íþróttaskólans í
Haukadal mun ætíð verða minnst
sem mikils þrekvirkis við þær
aðstæður sem þá voru. A ég þar
bæði við fjárhagsörðugleika, og þá
ekki síður samgöngu- og
flutningaerfiðleika, sem við var að
etja. Slíkt gat sá einn leyst af hendi
sem hafði stálvilja og framsýni til að
bera.
Sigurður Greipsson átti hugsjón
og sterkan vilja sem megnaði að
ryðja þeim erfiðleikum sem fyrir
voruúrvegi. Hann hafði ákveðið að
koma upp íþróttaskóla í Haukadal,
til að auka andlega og líkamlega
rækt landa sinna. Og hann var einn
af þeim gæfusömu mönnum sem sá
hugsjón sína rætast.
Máttarstólpi
íþróttaskólinn í Haukadal vann
sér það álit meðal þjóðarinnar að
vera talin frábær uppeldisstofnun.
Ungmenna- og íþróttahreyfingin átti
sér sannkallaða máttarstólpa þar sem
Sigurður Greipsson var. Að vissu
leyti má segja að Haukadalsskólinn
hafi verið eins komar félagsmála-
skóli þessara samtaka, því að
Sigurður var sannkallaður æsku-
lýðsleiðtogi.
íþróttaskólinn íHaukadal varlíka
s vo lánsamur að njóta ágætra kennara
í hinum bóklegu greinum sem þar
voru kenndar. í því sambandi vil ég
minnast Brynjólfs Dagssonar frá
Gaulverjabæ, síðar læknis. Hann
var ágætur kennari og góður
söngmaður og kenndi í Haukadal
veturinn 1928-29. Þá vil ég einnig
minnast á að Gils Guðmundsson,
rithöfundur, var kennari við skólann
á tímabili, svo og Steinar Þórðarson
sem kenndi þar lengi. Margir fleiri
kenndu við skólann þó að ég hafi
ekki haft kynni af þeim.
I skóla sínum vann Sigurður
markvisst að andlegri og líkamlegri
mannrækt. Um hann má segja að
„öllum kom hann til nokkurs þroska."
Námstíminn í íþróttaskólanum í
Haukadal var frá byrjun nóvember
og stóð fram í febrúarmánuð.
Kenndar voru þessar námsgreinar:
leikfimi, glíma, sund og lítils háttar
frjálsar íþróttir. Bókleg kennsla:
íslenska, stærðfræði, heilsufræði,
íþróttasaga og tungumál.
Siguröur Greipsson
átti hugsjón og sterkan
vilja sem megnaöi aö
ryöja þeim erfiöleikum
sem fyrir voru úr vegi.
Hann haföi ákveöið aö
koma upp íþróttaskóla í
Haukadal, til aö auka
andlega og líkamlega
rækt landa sinna.
Að rétta menn
úr kútnum
Ég vil minnast hér á frábæra
leikfimikennslu Sigurðar, sem hafði
þann tilgang að rétta menn út kútnum
oggeraþádjarfariíframgöngu. Þá
var leikfimin þanning uppbyggð að
skapa varanlegt þrek til starfa.
Það var fróðlegt og skemmtilegt
að hlusta á frásögn Sigurðar um
þróun íslensku glímunnar og gildi
hennar. Það er margs að minnast.
Ég var nemandi í Haukadal
veturinn 1928-1929. Ég sleit aldrei
tengslum við Sigurð Greipsson eða
skólann í Haukadal.
Þau ár sem ég var framkvæmda-
stjóri íþróttasambands íslands
heimsótti ég skólann á hverjum vetri
ogaukþessöllár sem ástæður ley fðu.
Alltaf var sem ég yrði ungur í annað
sinn.
Allir, sem verið hafa í
íþróttaskóla hans, eru á einu máli um
að betri leiðsögunamm til manndóms
og þroska hafi vart verið unnt að
finna, enda var Sigurður Greipsson
sérstakur drengskapar- og
atgervismaður sem skilur eftir sig
djúp áhrif.
Sú þjóð er rík sem hefur slíkum
mönnum á að skipa. Stundum var
sagt um Sigurð Greipsson að hann
væri hinn ókrýndi konungur
sveitanna, svo mjög þótti hann af
öðrum bera.
Á stjórnarfundi nýstofnaðs
Glímusambands Islands þann 3.
október 1965 lagði ég fram tillögu
um að Sigurður Greipsson yrði
gerður að heiðursfélaga Glímu-
sambandsins og var það samþykkt
einróma.
Ungmennafélag Islands og
íþróttasamband íslands hafa einnig
kjörið Sigurð Greipsson heiðurs-
félaga.
Siguröur hylltur
Þann 22. ágúst 1967 komu
nemendur íþróttaskólans saman í
Haukadal til að hylla Sigurð
Greipsson í tilefni 70 ára afmælis
hans og 40 ára afmælis íþróttaskólans
í Haukadal. Nemendur Sigurðar
Greipssonar fengu hinn ágæta
myndhöggvara Sigurjón Ólafsson til
að gera eirmynd af Sigurði á stöpli í
tilefni 70 ára afmælis hans.
Myndasty tta þessi þykir hið ágætasta
listaverk og verðugur minnisvarði.
Samkvæmt ósk Sigurðar var fengið
leyfi hjá Skógrækt ríksisins til að
koma minnisvarðanum fyrir innan
skógræktargirðingarinnar í
Haukadal. Staður sá sem valinn var
er í fögrum skógarlundi, Sigurðar-
lundi, sem er milli Kaldalækjar og
vegarins heim að kirkjunni í
Haukadal.
Sigurður Greipsson steig eitt sitt
mesta gæfuspor þegar hann kvæntist
hinni ágætu og glæsilegu konu,
Sigrúnu Bjamadóttur, bónda á Bóli
í Biskupstungum. Hún reyndist
Sigurði hin frábærastaeiginkona sem
studdi mann sinn kostgæfilega í
umfangsmiklum störfum hans að
félagsmálum, skólahaldi, búskap og
veitingarekstri. Mikið starf hvíldi á
herðum Sigrúnar sem hún leysti af
hendi af einstökum dugnaði og
myndarskap, auk þess að sjá um
uppeldi fjögurra sona þeirra hjóna
sem upp komust. Synir þeirra eru
Bjarni, Greipur, Þórirog Már. Allir
eru þeir bræður ágætis íþróttamenn
og glímumenn.
Sigurður Greipsson andaðist
þann 19. júlí 1985.
Kjartan Bergmann Guðjónsson.
Skinfaxi
37