Sjómannablaðið Víkingur - 01.09.1999, Side 114

Páll Jónsson fulltrúi hjá Landssímanum segir frá sjófarendum og sæstrengjum
Eg er ánægður með
íslenska sjómenn
„Ljósleiðaranetið spannar
samtals þrjú þúsund kílómetra
um landið allt og er að stofni til
landkerfi. En við höfum einnig
þurft að fara yfir nokkra firði.
Pað er Hvalfjörður, firðirnir við
norðanverðan Breiðafjörð og
Arnarfjörður. Á Austurlandi er
það Berufjörður, Hamars- og
Álftafjörður, frá Suðurfjörutanga
yfir á Höfn í Hornafirði. Þá
erum við að leggja Ijósleiðara
milli lands og Vestmannaeyja,"
sagði Páll Jónsson fulltrúi hjá
Landssímanum þegar blaðið
innti hann eftir legu sæsíma-
strengja innanfjarðar og sam-
skipti Símans við sjómenn
vegna þessara strengja.
Páll sagði að það væri fiskirí
á sumum þeirra svæða þar
sem strengirnir lægju. Til dæm-
is væru rækjumið í Arnarfirði og
síld hefði komið inn á Beru-
fjörðinn. En hafa komið upp til-
vik þar sem skip hafa fest veið-
arfæri í sæstrengjum?
„Ég held að það hafi tvisvar
komið fyrir að menn hafa sett í
strengi. Alla vega man ég að
það var einu sinni hringt í okkur
frá Arnarfirði vegna svona til-
viks. Við brugðumst mjög fljótt
við og fórum vestur og hjálp-
uðum þeim að losa veiðarfær-
in. Við höfum látið alla þá sem
þurfa fá mjög nákvæmar upp-
lýsingar um hvar strengirnir
liggja með GPS hnitun svo þeir
geti forðast að setja í strengi.
Ef svo illa vill til að menn þurfi
að fórna veiðarfærunum vegna
þess að þeir hafa lent á streng
þá erum við tilbúnir til að borga
tap veiðarfæranna svo fremi að
menn hafi ekki sjálfir stofnað til
þessa með gálausu atferli,"
sagði Páll.
Gáleysi Færeyinga
-En svo er það sæstrengur-
inn milli íslands og Kanada og
íslands og Evrópu?
„Já, það er Cantat III sem er
á veiðislóð fyrir sunnan Vest-
mannaeyjar. Þessi strengur er
að töluverðu leyti plægður í
botninn en á nokkrum stöðum
á veiðisvæðinu fyrir sunnan
Eyjar kemur hann upp vegna
þess að þar eru klappir og því
ekki hægt að plægja hann nið-
ur. Við höfum upplýst um hvar
þessar klappir eru og skip-
stjórnarmenn hafa aðgang að
þeim upplýsingum. Það er ekki
þar með sagt að menn hafi
leyfi til að veiða ofan á strengn-
um. Það er svæði sem er 400
metrar í sitt hvora áttina frá
strengnum sem ekki er heimilt
að veiða á. Sjómenn sem
stunda veiðar á þessum slóð-
um hafa komið mjög vel fram
og virt þessar reglur fullkom-
lega. Það verður því miður ekki
sagt um Færeyinga sem hafa
tvisvar sett í strenginn, síðast
nú fyrir skömmu. Raunar var
það svo að kvartað var undan
því að strengurinn lægi yfir
verðmæt fiskimið beint suður
af Kötlu. Því var farið fram á að
strengurinn yrði færður. Þar
sem við vildum líka færa hann
af öðrum orsökum þá var það
gert.“
-Þarf ekki talsverðan kraft til
að slíta strenginn?
„Nei, það þarf ekki og togari
getur auðveldlega slitið sæ-
strenginn. Hann er reyndar
mismunandi sterkur. Ef streng-
urinn slitnar orsakar það rýrari
sambönd til útlanda og kostar
eigendur strengsins auk þess
talsvert mikla peninga. Einstakt
tjón á Cantat III kostar þrjár til
fjórar milljónir Bandaríkjadoll-
ara. En eins og ég sagði þá er
ég ánægður með íslenska sjó-
menn varðandi umgengni
þeirra við strengi Símans. Við
minnum á strengina af og til og
legu þeirra og það er forvarnar-
starf sem borgar sig því eitt slit
á innanlandsstreng getur kost-
að nokkuð margar milljónir,"
sagði Páll Jónsson. ■
114
Sjómannablaðið Víkingur