Náttúrufræðingurinn - 2002, Blaðsíða 78

Samþykktir Hins íslenska náttúrufræðifélags
Samþykkt á aðalfundi Hins íslenska náttúrufrœðiféiags 26. febrúar 2000.
1. grein.
Félagið heitir Hið íslenska náttúrufræðifélag. Heimili þess og varnarþing er í Reykjavík.
2. grein.
Tilgangur félagsins er að efla íslensk náttúruvísindi, glæða áhuga og auka þekkingu inanna á öllu, er
snertir náttúrufræði.
3. grein.
Þessum tilgangi leitast félagið við að ná með því:
a. Að stuðla að vexti og viðgangi Náttúrugripasafnsins.
b. Að beita sér fyrir því, að haldnir séu fræðandi fyrirlestrar um náttúrufræðileg efni og farnar séu
ferðir til náttúruskoðunar.
c. Að gangast fyrir útgáfu náttúrufræðilegra rita.
d. Að vinna að eflingu náttúruverndar.
4. grein.
Félagar geta allir orðið, hvort sem er hér á landi eða erlendis, með þeim skilyrðum, er hér greinir:
a. Arsfélagar, þeir sem greiða árlegt félagsgjald.
b. Heiðursfélagar og kjörfélagar, þeir sem kjörnir eru á aðalfundi eftir tillögum stjórnarinnar.
Argjald og breytingar á því er ákveðið á stjórnarfundi.
5. grein.
Félagsgjald sitt skal hver nýr félagsmaður greiða við inngöngu í félagið. Annars skal árgjaldið greitt
fyrir lok marsmánaðar ár hvert.
6. grein.
Sjö manna stjórn sér um framkvæmdir félagsins og annast öll málefni þess. Hver stjórnarmaður er
kosinn til tveggja ára í senn. Formaður er kosinn sérstaklega, en stjórnin skiptir með sér verkum að öðru
leyti. Annað árið ganga út úr stjórninni formaður og þrír aðrir stjórnarmenn, en hitt árið þrír
stjórnarmenn.
7. grein.
Aðalfund félagsins skal halda í febrúar ár hvert, og skal dagskrá hans vera sem hér segir:
a. Skýrt frá helstu framkvæmdum á liðna árinu.
b. Lagðir fram endurskoðaðir reikningar félagsins.
c. Kosin stjórn og tveir skoðunarmenn reikninga og einn skoðunarmaður til vara.
d. Önnur mál.
Aðalfund skal boða bréflega með hæfilegum fyrirvara þeint félagsmönnum, sem búa í Reykjavík og
nágrenni. Aðalfundur er lögmætur, ef löglega er til hans boðað. A fundinum ræður einfaldur meirihluti
úrslitum í öllum málum öðrum en þeim, er varða lagabreytingar. Til þess að lagabreytingar öðlist gildi,
þurfa þær að vera samþykktar með minnst 2/3 hluta atkvæða. Tillögu til lagabreytinga má því aðeins
taka til afgreiðslu á aðalfundi, að hún hafi borist félagsstjórn fyrir áramót og verið kynnt félagsmönnum
í fundarboði. Þó má hvorki breyta ákvæðum 2. gr. né 10. gr.
8. grein.
Félagið gefur út tímaritið Náttúrufræðinginn, er félagsmenn fá ókeypis. f honum skal hvert ár birta
skýrslu um starfsemi og hag félagsins.
9. grein.
Stjórn setur starfsreglur um starfsemi á vegum félagsins og tilnefnir nefndir og ráð til að sinna
tilteknum verkefnum, þegar það á við.
Stjórn tilnefnir fulltrúa í opinberar nefndir, þar sem fulltrúi félagsins á seturétt.
10. grein.
Hætti félagið störfum, skulu eignir þess renna til Náttúrufræðistofnunar íslands (Náttúru-
gripasafnsins).
252