Náttúrufræðingurinn - 1985, Síða 8

5. mynd. Vesturhlíðar Búrfells. Búrfellsskógsmyndun er neðst til hægri. Brotalínur sjást
greinilega á myndinni. — The western slopes of Mt. Búrfell. Tlie lower half of the
mountain belongs to the Búrfellsskógs formation. Note also the conspicous tectonic faults.
(Ljósm.Iphoto: Ágúst Guðmundsson).
má sjá við Háafoss (4. mynd). Aldur
móbergsins er líklega um 1,7 milljónir
ára, en basaltið, sem ofaná liggur er
álitið vera myndað á Gilsár segulvik-
inu fyrir um 1,6 milljónum ára.
Reykholtsmyndun kemur fram á snið-
um C-D og E-F á jarðfræðikortinu.
Á næsta jökulskeiði (eða jökul-
skeiðum) hefur grafist dalur austan viö
Fossárdalseldstöðina, þar sem Sárns-
staðamúli er nú. Dalurinn hefur náð
norður undir Sandafell og hefur hann
verið dýpstur syðst, um 100 m, en
grynnkað talsvert til norðurs. Unt
sama leyti hafa myndast keilugangar í
Fossárdal (6. mynd) og einnig súrir og
ísúrir gangar í Reykholti. Súrt og ísúrt
berg í neðri hluta jarðlagastaflans er
nokkuð útbreitt og auk þess er mikil
ummyndun í móbergi í innanverðum
Fjórsárdal. Þetta bendir til þess, að
þarna hafi verið virk megineldstöð
fyrir u. þ. b. 1,5—2 milljón árum. Líp-
arítið kemur fram á sniðum A-B, C-D,
E-F og K-L á kortinu. í Skeljafelli er
líparíthryggur með stefnu NA-SV (7.
mynd). Viö syðri enda hans má sjá
merki um að líparítið hafi troðist inn
undir dyngjusyrpuna í Reykholts-
myndun (RIÍ), sem áður var minnst á,
og snarað henni og nærliggjandi lögum
nálægt 25°. Hins vegar er ekki að sjá,
að líparítið hafi hreyft við lögunum,
sem liggja ofar í staflanum. Þetta er
því að hluta til innskot, þótt toppur
þess hafi myndað gúl eða hrygg á yfir-
borði. Líklegt má telja, að basaltlög
Sámsstaöamúlamyndunar og yngri lög
hafi runnið upp að líparíthryggnum að
austan.
102