Samvinnan - 01.06.1968, Blaðsíða 56

Engin þeirra menningarstofnana, sem
reknar eru af opinberri hálfu hérlendis,
hefur á undanförnum árum starfað af
jafnmikilli grósku og Sinfóníuhljóm-
sveit íslands. Hljómsveitin hefur tekið
slíkum listrænum framförum á seinustu
árum, að starfsemi hennar er það besta
sem er á boðstclum í íslensku menning-
arlífi ef miðað er við strangasta alþjóð-
legan mælikvarða.
Haustið 1967 var haldin hér tónlist-
arhátíð Norðurlanda, og var hún próf-
steinn á hæfni hljómsveitarinnar. Á
skömmum tíma voru æfð mörg verk, öll
ný af nálinni, sum nokkuð nýstárleg og
erfið. Flutningur allur fórst hljómsveit-
inni prýðilega úr hendi, og vakti frammi-
staða hennar einróma lof og aðdáun
hinna erlendu gesta sem hér voru.
Hljómsveitin hefur notið sívaxandi
vinsælda bæði Reykvíkinga og annarra
landsmanna, og má segja að uppselt sé
á nær alla tónleika hennar, meira að
segja mikill hluti aðgöngumiða er seld-
ur í upphafi hvers starfsárs.
Allt hjal hálfmenntaðra grammófón-
plötuheyrara að hljómsveitin sé slæm er
argasta firra. Sinfóníuhljómsveit ís-
lands er góð hljómsveit og á seinustu
þremur árum hefur hún tekið ótrúlega
örum og jöfnum framförum undir hand-
leiðslu Bodhans Wodiczkos.
En samt er hljómsveit þessi hálfgert
olnbogabarn og rekstur hennar hangir í
lausu lofti. Það er óþarft að rekja þá
sögu, með hvílíkum harmkvælum þessari
hljómsveit var komið á laggirnar.
Skammsýni og menningartregða stjórn-
málamanna og þröngsýni fjárveitingar-
valdsins hafa ætíð reynst hljómsveitinni
fjötur um fót, en eldlegur áhugi og hug-
sjónamennska áhrifamikilla velunnara
og hljóðfæraleikara hafa jafnað metin.
Á fyrstu árum hljómsveitarinnar urðu
mistök í rekstri hennar, og leit svo út
um hríð að hún mundi geispa golunni.
En þá tók Ríkisútvarpið hljómsveitina
að sér, og fá íslenskir tónlistarmenn
seint þakkað Vilhjálmi Þ. Gíslasyni þá-
verandi útvarpsstjóra það lofsverða fram-
tak. Ríki og bær hlupu líka undir bagga
ásamt Þjóðleikhúsinu, sem þar með
ATLI HEIMIR SVEINSSON:
SINFÓNÍUHLJÓMSVEIT ÍSLANDS
NOKKRAR HUGLEIÐINGAR UM REKSTUR HENNAR
56