Samvinnan - 01.04.1970, Blaðsíða 60

FLJÓTLEGAR
VEITINGAR
HEIMIUSi*
g a
^ Bryndís
Steinþórsdóttir
b
^snmmH
Ostaterta (handa 6—8 manns).
BOTNAR:
4Y2 dl hveiti (275 g)
200 g smjörlíki
2 msk vatn
OSTAKREM:
2 smurostar
100 g rifinn ostur
50 g Smjör eða smjörlíki
paprika
(2 tsk cognac eða % msk þurrt sherry)
Valhnetukjarnar eða saltar möndlur
Grœn eða blá vínber.
SigtiS hveitið. Saxið smjörlíkið saman við með hníf og vætið í með
köldu vatninu. Hnoðið fljótt saman og kælið deigið. Skiptið deiginu i
þrennt og breiðið það út í botna á stærð við lítinn matardisk. Bakið
botnana í 12—15 mín við 250 gráðu hita þar til þeir eru ljósbakaðir.
Kælið þá á plötunni og takið þá varlega af. Hrærið ostinn, smjörið og
bragðefnin saman. Bætið rjóma eða mjólk í ef kremið er of þykkt til
að smyrja því á botnana. Leggið botnana saman með kreminu (en takið
2—3 msk frá til skreytingar). Látið tertuna bíða 1 1—2 tíma áður en
hún er skreytt með kreminu, valhnetukjörnum eða söltum möndlum eða
mandarínum. Borin með öli, tei eða kaffi. Einnig góð sem ábætisréttur.
Heit ostakaka
DEIG:
3 dl hveíti
6 msk smjörlíki
2 msk vatn og 1 msk rjómi
KREM:
2 eggjarauður
2 dl rjómi (þeyttur)
% msk hveítl
salt, papríka
Búið deigið til eins og ostatertudeigið. Kælið og fletjið út % hluta
deigsins. Klæðið eldfast mót eða mót með lausum botni með deiginu.
Blandið þeyttum eggjarauðum, hveiti og kryddi saman við þeytta
rjómann og látið síðan kremið í mótið. Fletjið út það sem eftir er af
deiginu, skerið það í mjóa strimla og penslið með þeyttu eggi eða
bræddu smjöri. Leggið síðan strimlana í „grindverk" ofan á kremið og
hringinn í kringum samskeytin. Bakið kökuna fyrst við 225—250 gr. hita,
en minnkið síðan strauminn til að kakan gegnumbakist á um 30 mín.
SjónvarpsbrauS (fyllt brauð)
1 lítið heilhveiti- eða hveitibrauð bakað í móti
50 g smjör
1 laukur
150 g léttreykt kjöt (lamba- eða svínakjöt)
2—3 tómatar
2 egg
(Yt dós aspargus eða sveppir)
2 dl rjómi eða mjólk
salt, pipar
Skerið sneið af brauðinu eftir endilöngu og holið brauðið innan. Penslið
það síðan með bræddu smjöri. Saxið laukinn og kjötið, en skerið tóm-
atana í sneiðar. Brúnið laukinn lauslega í smjöri og látið hann í brauð-
ið, því næst kjötið og tómatsneiðarnar. Þeytið saman egg og rjóma eða
mjólk (blandið rjómann eða mjólkina til helminga með aspargus- eða
sveppasoðinu sé það haft í fyllinguna). Bakað í meðalheitum ofni þar
til fyllingin er stífnuð og ljósbökuð. Gott er að strá rifnum osti yfir og
baka hann með síðustu mínúturnar. Berið brauðið fram vel heitt og
hrátt grænmetissalat með ef vill.
Gott er að fylla brauðið með sveppa-, rækju- eða aspargusjafningi,
jafningurinn er þá hafður þykkri en venjulega og ein eggjarauða hrærð
saman við áður en hann er látinn í brauðið og rifnum osti stráð yfir.
Bakað þar til osturinn er bráðnaður.
t
Heitt brauð með buffi og ananas
Blandið salti, pipar og salvie eða rosmarin saman við saxað nauta- eða
lambakjöt. Mótið kjötið i litlar buffkökur og steikið þær í smjörlíki eða
matarolíu, bætið 2—3 msk af vatni á pönnuna og látið buffið steikjast
við vægan hita í 5—10 mín.
Skerið hveitibrauð í sneiðar, mótið þær með glasi og ristið í brauðrist.
Raðið sneiðunum á fat, látið heitar buffsneiðarnar yfir og því næst
ananassneiðarnar sem áður eru steiktar í smjöri. Bezt er að glóðar-
steikja þetta í um 5 mín, áður en það er borið fram.
Ath.: Hæfilegt er að nota minni stærðina af ananashringjunum í þenn-
an rétt og er þá stærð buffsins og brauðsneiðanna miðuð við það.
Heitt brauð með lifrarkæfu og sveppum
6 hveitibrauðssneiðar, smjör
lifrarkcefa, flesksneiðar (baconsneiðar)
250 g nýir sveppir
smjör, salt sítrónusafi
Ristið hveitibrauðssneiðarnar og smyrjið þær með smjöri. Skerið lifrar-
kæfuna i sneiðar eða smyrjið henni yfir sneiðarnar. Brúnið fleskið á
heitri þurri pönnu. Skerið hreinsaða sveppina í sneiðar (með eggja-
skera) og brúnið þá í smjöri. Bætið salti, pipar og sítrónusafa saman
við. Skiptið sveppunum á sneiðarnar og leggið flesksneiðarnar þar yfir.
Túnfiskbrauð með grænum pipar og eggjum
1 dós túnfiskur
50 g krydduð olíusósa (mayonnaise)
2—3 tsk saxaður pikles (eða sandwichspread), salt, pipar, sítrónu-
safi (karrý- eða tómatkraftur ef vill)
Blandið túnfiskinum í olíusósuna, bætið pikles saman við og kryddið
eftir bragði. Látið salatið á smurðar hveitibrauðssneiðar. Þeytið 1—2
60