Samvinnan - 01.04.1970, Blaðsíða 61

eggjahvítur og smyrjið í þunnt lag yfir salatið. Bakið í um 15 mín við
200—250 gráðu hita eða þar til eggjahvítan hefur lyft sér og er byrjuð
að gulna. Skreytið með grænum pipar og eggjasneiðum. Borið fram
nýbakað. Salatið er einnig ágætt án þess að baka það. Drýgt með harð-
soðnum söxuðum eggjum ef vill.
Langar brauSsamlokur
Löng brauð (snittubrauð) er fljótlegt að kljúfa eftir endilöngu og leggja
saman með því áleggi sem fyrir hendi er, t. d. saltatblöðum, afgangin-
um af sunnudagssteikinni og gúrkusalati eða asíum. Áleggið er látið
jafnt yfir neðri helming brauðsins og efri helmingnum hvolft yfir.
Brauðið er síðan borið heilt á borð og þá getur hver ákveðið sinn
skammt. Snittubrauð er auðvelt að baka úr venjulegri uppskrift af
brauði með' pressugeri eða perlugeri (þurrgeri). Þannig brauð er einnig
ágætt að hita með mismunandi fyllingum eins og áður er nefnt.
Ristað brauð með reyktri síld og lauk
Smyrjið ristað brauð, leggið tómatsneiðar yfir og því næst reykta síld.
Klippið blaðlauk eða graslauk yfir og látið ostasneiðar þar ofan á.
Bakið þar til osturinn er bráðnaður.
Þrefaldar samlokur
Tiibreyting er að búa til þrefaldar samlokur. Smyrjið fremur þunnar
heilhveiti-, rúg- eða hveitibrauðssneiðar (formbrauð). Veljið síðan tvær
ólíkar áleggstegundir, sem þó eiga vel saman að bragði, og leggið sneið-
arnar saman með þeim. Raðið sneiðunum með smurðu hliðina upp og
leggið salatblöðin þar á og reykt, nýtt eða saltað kjöt. Hvolfið sneið-
um yfir og smyrjið þær. Leggið síðan ost og tómatsneiðar þar á og
hvolfið þriðju sneiðunum yfir. Skerið sneiðarnar í tvo til þrjá hluta
og stingið pinnum í gegn. Ef sneiðarnar eru reistar upp á endann eru
þær skornar í þríhyrninga og pinninn festur t. d. með ohvu eða radísu.
Eplaflesk með grænmetissalati
3—4 matarepli (súr)
2 stórir laukar
flesksneiðar (baconsneiðar)
Þvoið eplin og skerið þau í 3 sneiðar. Flysjið laukinn og skerið hann í
sneiðar. Steikið fleskið á þurri pönnunni og haldið því heitu. Steikið
síðan eplin í fleskfitunni og raðið þeim á fat. Steikið síðan laukinn í
smjörlíki á venjulegan hátt en látið eina msk af vatni á pönnuna þegar
laukurinn er að verða brúnaður. Hellið honum yfir eplasneiðarnar og
leggið fleskið yfir. Borið fram vel heitt með hráu grænmetissalati.
Ristað brauð með sardínum í olíu
Ristið brauðið og raðið því á ofnplötu eða fat sem þolir hita. Raðið
sardínunum á sneiðarnar og hitið þær í nokkrar mínútur við meiri
yfirhita eða glóðarrist.
Litlar brauðkollur með fyllingu
100 g smjör eða smjörlíki
100 g hveiti
1 msk kalt vatn
FYLLING:
2 egg
1% dl rjómi
%—1 dl rifinn ostur
salt, pipar, paprika
rœkjur eða olívusneiðar, steinselja eða karsi
Sigtið hveitið og saxið smjörlikið saman við. Vætið með köldu vatni
og hnoðið fljótt saman. Kælið deigið. Smyrjið lítil mót og klæðið þau
innan með þunnt útflöttu deiginu. Þeytið egg og rjóma saman, blandið
osti og kryddi saman við. Fyllið mótin að % með eggjablöndunni og
bakið við 200 gráðu hita þar til fyllingin er stífnuð. Takið brauðkoll-
urnar varlega úr mótunum og raðið þeim á fat. Fyllið þær síðan með
nokkrum rækjum eða olívusneiðum. Klippið karsa eða steinselju yfir.
Borið fram með heitri, tærri soðsúpu eða tei.
Karsi er smágerð grœnmetistegund sem auðvelt er að rækta í eldhús-
glugganum. Látið lag af bómull í grunnt mót, t. d. plastmót, bleytið
bómullina og stráið síðan karsafræi hæfilega þétt yfir. Ath. að láta
bómullina ekki þorna, þá sprettur karsinn á ótrúlega skömmum tíma
og er síðan klipptur eftir hendinni yfir t. d. kartöflur eða aðra tilbúna
rétti og gerir þá bæði litríkari og C-vítamínríkari.
61