Samvinnan - 01.08.1972, Blaðsíða 61

Grænmetisbakstur
Afgangar af soðnu grcenmeti eða:
1 lítið blómkálshöfuð
4 gulrœtur
100—200 g hvítkál
vatn, salt
4 egg
4 dl mjólk
salt og pipar
Hreinsið og hálfsjóðið grænmetið í saltvatni eða gufu. Skerið það í litla
bita og raðið í smurt eldfast mót. (Skerið tómata í báta og raðið með
grænmetinu ef vill til drýginda og bragðbætis.) Þeytið egg, mjólk og
krydd saman og hellið því yfir grænmetið. Bakið strax í 225 gráðu heit-
um ofni í um 15—20 mín þar til eggin eru hæfilega hlaupin. Borið fram
með ýmiskonar kjötafgöngum eða steiktum pylsum, brauði og sinnepi.
Hrísgrjónahringur með grænmeti
4—5 blaðlaukar
1—2 piparhulstur
1— 2 gulrœtur
2— 3 tsk matarolia
1 tsk karrý
1 súputeningur
vatn, salt
(100 g sveppir)
2 pakkar „ris fix“ (eöa 200 g hrísgrjón, vatn, salt)
1 msk smjör, 1 tsk salt, 3 tsk söxuð steinselja
Skerið grænmetið I sneiðar og hitið í matarolíunni, sem áður er hrærð
með karrý. Myljið súputeninginn yfir og hellið heitu vatni á svo að það
rétt hylji grænmetið, bætið salti saman við og sveppunum, sem áður
eru hreinsaðir og skornir í sneiðar. Sjóðið við hægan hita um 10 mín.
Sjóðið hrísgrjónin og hrærið síðan smjöri og saxaðri steinselju saman
vð. Látið grænmetið á mitt fatið og hrísgrjónin utan um.
Eggjakaka garSyrkjumannsins
2 msk smátt saxaður laukur
75 g smjör eða smjörlíki
250 g sveppir
4—6 tómatar
4—6 egg
4—5 msk vatn, mjólk eða rjómi
salt
1 msk graslaukur (saxaður)
!4 agúrka og 1 búnt radísur
Hreinsið sveppina og skerið þá í sneiðar með eggjaskera. Hitið laukinn
í helmingnum af smjörinu, bætið sveppunum saman við og hitið i
nokkrar mínútur. Hellið því af pönnunni og látið það sem eftir er af
smjörinu bráðna við fremur hægan hita. Hrærið egg, mjólk og krydd
saman og bakið á pönnunni við meðalsterkan hita (pikkið kökuna með
gaffli meðan hún er að bakast). Þegar kakan er hálfbökuð er laukur,
sveppir og helmingurinn af niðurskornu tómötunum látið yfir, og þegar
kakan er fullbökuð er söxuðum gúrkum, radísusneiðum og tómatbátum
dreift jafnt yfir. Ath. að baka kökuna ekki of lengi; þá verður hún þurr.
Að sjálfsögðu má minnka grænmetið og skipta um tegundir eftir að-
stæðum. Eggjakakan er borin fram með t. d. rúgbrauði eða öðru grófu
brauði.
Blandað grænmetissalat
1—2 salathöfuð
V. blómkál
1 búnt radísur
% gúrka
4—5 msk matarolía
1 msk vínedik eða sítrónusafi
salt, pipar
Salatið er þvegið og lagt á stykki eða eldhúspappír. Blómkálið er lagt
í kalt vatn og síðan tekið í smáhrislur. Radísurnar eru þvegnar og
skornar í þunnar sneiðar ásamt gúrkunni. Raðið helmingnum af salat-
blöðunum í skál og rífið það sem eftir er niður, og blandið því saman
við hitt grænmetið og látið í skálina. Hristið saman matarolíu, edik,
salt og nýmalaðan pipar og hellið yfir grænmetið rétt áður en það er
borið fram með t. d. steiktum kjötréttum.
Grænt salat með túnfiski
1—2 salathöfuð
Vi—% agúrka
1 grœnt piparhulstur
1— 2 msk karsi
2— 3 harðsoðin egg
1 dós túnfiskur
5 msk salatolía
1—2 msk sítrónusafi
salt, pipar, sinnep
Hreinsið grænmetið. Smækkið salatblöðin, skerið gúrkuna í þunnar
sneiðar og piparinn í mjóar lengjur. Blandið síðan grænmetinu varlega
saman i skál ásamt eggjunum, sem skorin eru í báta, og túnfiskbitum.
Klippið karsa yfir. Hristið salatolíu, sitrónusafa og krydd saman og
hellið því yfir rétt áður en salatið er borið fram. í staðinn fyrir túnfisk
er ágætt að hafa rækjur, muslinga, niðursoðinn sjólax, soðinn fisk eða
reykta síld. Einnig er kjöt ágætt í salatið, t. d. köld tunga, skinka,
hamborgarhryggur eða léttsteikt nautakjöt, „roast beef“, sem skorið er
í lengjur eða bita og blandað saman við grænmetið.
Laxasalat
1 salathöfuð
3 harðsoðin egg
50—100 g reyktur lax
1—lVs dl sýrður rjómi
dill, steinselja eða karsi
sinnep, sitrónusa/i, salt, pipar
Hreinsið salatblöðin og rífið þau stærstu niður í skál. Raðið síðan lax-
bitum, eggjasneiðum og salatblöðum yfir og skreytið með dill, steín-
selju eða karsa. Hrærið sýrða rjómann með sítrónusaía og kryddi,
bætið 1 msk af olíusósu (mayonaise) saman við ef vill og berið sós-
una fram með salatinu ásamt brauði eða ósætu kexi.
Barnasalat
3—4 gulrœtur
1—2 epli
2 appelsínur
1—2 msk rúsinur
Hreinsið gulræturnar og rífið á meðalgrófu rifjárni. Skerið eplin og
aðra appelsínuna í litla bita og blandið saman við ásamt rúsínum og
safanum úr hinni appelsínunni. Borið fram nýtilbúið,
61