Tímarit kaupfjelaga og samvinnufjelaga - 01.06.1907, Qupperneq 18

75
að annast um kaup og sölu á þeim, flutning þeirra og
afhendingu. Vörupantanir skulu gjörðar undir nafni fje-
lagsins. Allir samningar, sem stjórnin eða formaður, í
umboði hennar, gjörir fyrir hönd fjelagsins samkvæmt
lögum þessum eða öðrum ákvæðum fjelagsfunda, eru
bindandi fyrir fjelagið í heild og hvern einstakan fjelags-
mann. Stjórnin felur formanni að ráða þá verkamenn og
starfsmenn fyrir fjelagið, sem nauðsyn ber til og semja
um laun þeirra. Hún felur honum að annast um allar
brjefagjörðir fjelagsins, færa bækur þess og reikninga og
inna af hendi allar fjárreiður þess og gjöra grein fyrir á
hvers árs aðalfundi eða hvenær sem endurskoðunarmenn
krefjast þess. Hún felur honum að hafa umsjón yfir sjóð-
um fjelagsins, húseignum, verzlunaráhöldum og öðru því,
er fjelagið á eða hefur til umráða. Formaðurinn er aðal-
fulltrúi fjelagsins gagnvart öllum utanfjelagsmönnum, og
svarar til alls þess, er fjelagið í heild kann að verða sakað
um. Stjórnin gætir hagsmuna fjelagsins í einu og öllu
og hefur fulla heimild til þess að leita landslaga og
rjettar, ef þörf gjörist, í málefnum þess. Hún hefur
eptirlit með öllum störfum formannsins. Skal hún sjá
um að vörur fjelagsins sjeu vegnar og mældar um hver
áramót og reikningar þess fullgjörðlr og endurskoðaðir
fyrir aðalfund. Hún heldur fundi með sjer þegar henni
þykir ástæða til. Sjeu greidd jafnmörg atkvæði með og
móti einhverju máli á stjórnarfundi ræður atkvæði for-
manns úrslitum.
16. grein.
Stjórnin ber ábyrgð fyrir aðalfundi fjelagsins á stjórnar-
störfum sínum, en formaðurinn á reikningum þeim, er
hann færir fyrir fjelagið.
17. grein.
Formaður fær sæmileg laun fyrir störf sín og skulu
þau ákveðin fyrirfram á aðalfundi. Stjórnin fær og þókn-