Tímarit kaupfjelaga og samvinnufjelaga - 01.06.1907, Blaðsíða 58

115
dæla bætist 6 nýir [fjelagsmenn í sumar — 1907 —; sýnist
þar eigi vera um vantraust að ræða, og líkt kann víðar að
koma fram.
Fyrir framtíð rjómabúanna varðar það miklu hvernig mark-
aðsverð er á smjöri í útlöndum, og hvernig íslenzka smjörið
reynist þar. Það er eigi auðvelt að spá í eyðurnar um smjör-
verð í útlöndum, en hitt sýnist líklegt að verkun á íslenzka
smjörinu ætti að geta batnað enn og fengið meiri íestu, eptir
því sem æfingin verður meiri, samfara aukinni þekking og
góðum vilja, bæði á rjómabúunum og heimilunum. Eptirlit
og húsvitjanir fróðra manna á rjómabúunum ætti að geta
verið til mikilla bóta.
Smjörverðið innanlands hefur einna mesta þýðingu fyrir
áhuga nianna með rjómabúin, en talsverðar líkur sýnast fyrir
því, að þar sje snarpasta samkeppniskviðan þegar komin í
Ijós, og smjör frá heimabúum geti eigi staðið smjöri rjóma-
búanna á sporði, nema í sárfáum tilfellum. Hið útlenda smjör-
líki heldur verði á almennu heimilasmjöri í skefjum, og verð-
munurinn þar raskast ólíklega mikið. Heimilasmjörið hækkar
þá ekki að verði nema smjörlíkið hækki að sama skapi, sem
ekki er sjeð að verði. Smjörlfkið verður, hjer á eptir, aðal-
keppinauturinn en ekki rjómabúasmjörið, sem aðallega verður
sent á erlendan markað. Minna framboð á smjöri hækkaði
að vísu verðið, meðan menn voru að venjast smjörlíkinu.
Kaupendum þess og útsölustöðum fjölgar nú árlega. Hinn
hreinlegi og vandaði frágangur á smjörlíki og smjöri frá
rjómbúunum hlýtur fljótlega að gjöra neytendur svo vand-
fýsna, að óhreinlegt, skemmt eða svikið smjör verður rekið
braut af sölutorginu, eða svo ætti það að vera. Efnaðir og
vandlátir kaupendur innanlands, sem ekki fella sig við smjör-
líkið, skoða varla letigi hug sinn um það að kaupa frekar
rjómabúasmjör, þó dýrara sje, heldur en gamla bögglasmjör-
ið eða kassasmjörið, sem seint reynist áreiðanleg vara. Hinir
sætta sig við smjörlíkið, sem þeir einnig þekkja. I þessa átt
stefna áreiðanlega hugir manna í kauptúnunum, þó hægt
hafi farið allt fram að síðustu missirum.