Tímarit kaupfjelaga og samvinnufjelaga - 01.06.1907, Síða 24

81
Þær vonir, er menn gjörðu sjer um góðan árangur af
breytingunni á fyrirkomulagi »Kaupfjelags Eyfirðinga«
hafa fyllilega ræzt. Sá tími, sem það hefur starfað, með
hinu nýja fyrirkomulagi, er að vísu ekki langur, og því
ekki um mikla reynslu að tala, en hann bendir ótvíræð-
lega á, að hjer sje haldið í rjetta átt.
Frá því um miðjan Maí, síðast liðinn til ársloka seldi
fjelagsverzlunin útlendar vörur fyrir rúmlega 28 þúsund
krónur. Þár af keyptu utanfjelagsmenn fyrir nálægt 6
þús. kr., en næsta ár á undan breytingunni nam við-
skiptavelta fjelagsins að eins 8 þús. kr.
Verzlunarágóðinn, sem skiptist milli fjelagsmanna, varð
8 °/o, og var helmingur hans lagður í stofnsjóð, samkvæmt
fyrirmælum fjelagslaganna (sbr. 19. gr.).
Við síðast liðið nýár var tala fjelagsmanna 186, en full
200, þegar þetta er ritað.
Vörur í vörzlum fjelagsins, við nýár í vetur, námu
rúmlega 10’/2 þús. kr. en í lok Febrúarmánaðar mun
hafa verið seldur hjer um bil helmingur þeirra.
Flestar innlendar vörur tekur fjelagsverzlunin hjá fje-
lagsmönnum með áætluðu verði, og sendir þær síðan
til útlanda, í umboðssölu, á ábyrgð hlutaðeigenda.
Viðskiptamenn fjelagsins, erlendis, voru margir síðast
liðið ár. Var leitast fyrir um að komast í sem bezt við-
skiptasambönd, og mun fjelagið, í framtíðinni, skipta við
þá menn, sem reynslan bendir til að sje heppilegast.
Framtiðarhorfur fjelagsins eru nú betri en þær hafa
verið um mörg undan farin ár. Viðskiptavelta þess fór
minnkandi, ár frá ári, og aðalfundur þess 1906 leit svo
á, að fjelagið sundraðist og hyrfi því bráðlega úr sög-
unni ef reynt yrði að halda því saman framvegis, á lík-
an hátt og áður hafði verið gjört. Og það áleit hann
mjög illa farið. Prátt fyrir alla sína galla hafði fjelag
þetta unnið mikið gagn og það hefði verið spor aptur
á bak að Iáta fjelagið líða undir Iok.
En, Eyfirðingar stigu sporið áfram.