Tímarit kaupfjelaga og samvinnufjelaga - 01.06.1907, Síða 31

88
hefir verið vanþörf á, enn sem komið er. Það er ekki
rjettmætt að kalla þessa aðferð kaupfjelaganna vöruskipta-
verzlun, þar sem vörur fjelaganna eru seldar gegn pen-
ingum í útlöndum, en kaup á erlendum vörum fara fram
gegn peningaborgun, hjá öðrum mönnum, og á öðrum
tímum. Hvorki hjá Kaupfjelagi Eyfirðinga, nje öðrum
kaupfjelögum, er því rekin vöruskiptaverzlun. Skulda-
verzlunin, svo kallaða, kemur þessu atriði ekkert við, í
sjálfu sjer. Þeir menn skulda verzlunum, opt og einatt,
bæði hjer og erlendis, sem annaðhvort hafa aldrei nein-
ar vörur til, eða leggja þær þá ekki inn í skuldareikn-
ingana.
Eins og til hagar á Norðurlandi var, að sjálfsögðu,
hægast að gjöra tilraun með kaupfjelagsverziu'n, gegn
borgun út í hönd, í grennd við Akureyri. Þar tíðkast
það nokkuð, nú orðið, að kaupa innlendar vörur gegn
peningum; þar eru bankaútbúin við hendina; þar er
peningastraumurinn örastur og samgöngur á sjó einna
skárstar. Ymsir áreiðanlegir menn ættu að geta haft
reikningslán hjá útbúum bankanna, og á þann hátt
greitt sjer viðskiptaveg til kaupfjelagsverzlunarinnar.
Það var því heppilegt að Eyfirðingar riðu hjer á vaðið,
og það þess heldur, sem þeir gátu fengið ungan og efni-
legan áhugamann fyrir fjelagsformann, sem hafði kynnt
sjer kaupfjelög og samvinnufjelög í Danmörku. Fjelagið
hefir og náð í mjög góða verzlunarlóð í miðbænum á
Akureyri, og þó fjelagsbúðin sje engin höll, enn þá, er
þar allt í góðri röð og reglu; vörurnar vandaðar og
smekklegar og vel við alþýðu hæfi.
Þessi fjörkippur, sem Kaupfjelag Eyfirðinga hefir tekið,
verður fjelaginu eflaust til frambúðarheilla, ef vel er á
haldið. Um það sýnast hjeraðsbúar einnig sannfærðir,
því fjöldi góðra bænda innhjeraðsins eru nú meðlimir
og styrktarmenn fjelagsins. Nokkrir góðir borgarar í
bænum eru og fjelagsmenn og þeim fjölgar, vonandi,
ef sæmilega gengur fyrir fjelaginu. í alvöru sagt, sýnist