Tímarit íslenzkra samvinnufélaga - 01.12.1922, Side 66
176 Tímarit íslenskra samvinnufélaga.
Endurskoðandi sá, er tók við af Ólafi Briem, er
fyrv. landskjörinn þingmaður Guðjón Guðlaugsson, sem
jafnframt hefir á hendi það trúnaðarstarf Alþingis, að
vera endurskoðandi Landsbankans. Hinn endurskoðand-
inn er Jón sonur séra Guðmundar frá Gufudal, sem að
tilhlutun Sambandsins bjó sig undir þetta starf með því
að dvelja alllangan tíma í Samvinnubankanum og Revi-
sions og Forvaltnings Institutet í Kaupmannahöfn. En
það hefir á hendi endurskoðun á reikningum allra við-
skiftamanna Revisionsbankans og fjölmargra annara
verslana og atvinnufyrirtækja í Danmörku. Auk þess
sem J. G. endurskoðar reikninga Sambandsins, ferðast
hann og milli deilda þess til eftirlits og yfirendurskoð-
unar á reikningum þeirra.
Árangurslaus mun reynast sú tilraun höf. að vekja
tortrygni gegn þeim 0. Rafnar og Guðm. Vilhjálmssyni,
sem stjórna skrifstofum Sambandsins í útlöndum, því
auk þess sem þeir eru reyndir að trúmensku og ráð-
vendni, eru reikningar skrifstofanna endurskoðaðir hér
heima og reikningur skrifstofunnar í Kaupmannahöfn
þar að auki af einum starfsmanna Samvinnubankans
þar. — Ætti nokkur kröfu til frekari endurskoðunar á
í'eikningum Sambandsins í heild sinni, þá væri það aðal-
lánardrottinn þess, Landsbankinn, en jafnframt mundi
þá vera rétt að hann léti yfirfara reikninga fleiri við-
skiftamanna sinna.
Ilvergi í þessu riti kemur innræti höf. eins greini-
lega í ljós, eins og í dylgjum hans á hendur Lands-
versluninni og Sambandinu um reikningsfölsun, svik-
semi, sjóðþurð o. s. frv. Dylgjúm hans í garð Lands-
verslunar verður ekki svarað hér. Mun hún gera það
sjálf, ef hún telur andstæðing sinn og keppinaut svara-
verðan, en því, sem hann segir um reikninga Sambands-
ins, verður svarað með yfirlýsingu endurskoðenda síð-
ar í þessu riti.