Andvari - 01.01.1942, Qupperneq 24

B
20 Jón Sigurðsson andvaiu
Guðmundsson flutti eða studdi á ýmsan hátt, en rúmið leyfir
ekki að rekja það frekar.
Þegar dómur er lagður á störf Magnúsar Guðmundssonar
fyrir landbúnaðinn, verður vel að gæta þess, að það kom í
hans hlut að sitja tvívegis í stjórnarsessi, er fjárkreppa og
vandræði þrengdu mest að, svo að þá var lítið svigrúm til nýrra
eða aukinna framkvæmda, er útheimtu mikið fc.
Þótt hér hafi aðeins verið getið landbúnaðarmálanna og af-
skipta Magnúsar af þeim, þá er það ekki af því, að hann ætti
ekki önnur áhugamál bæði utan þings og innan og starfaði að
þeim, heldur af þvi, að landbúnaðarmálin bar áreiðanlega
hæst í huga hans.
VIII.
Ævi Magnúsar Guðmundssonar varð elcki löng, aðeins 58
ár, en hún var stöðugt og óslitið starf. Hann var einn af þeim
mönnum, sem eru sívinnandi og una ekki öðru.
Á Alþingi var Magnús meðal hinna starfsömustu og starf-
hæfustu þingmanna. Samvizkusemi hans réði því, að hann lét
ekkert frá sér fara, nema það væri vel og vandlega athugað ^
og undirbúið; bera frumvörp hans, bæði stjórnarfrumvörp og
önnur, honum augljóst vitni í þeim efnum.
Það var sannmæli, sem forseti sameinaðs þings og form. Al-
þýðuflokksins, Jón Baldvinsson, sagði við útför hans:
„Vér alþingismenn höfum við fráfall Magnúsar Guðmunds-
sonar misst úr hópi vorum einhvern mikilhæfasta stjórnmála-
mann, er setið hei'ur á Alþingi síðastliðin 20 ár.“
„Hafa störf þessa landskunna þjóðmálaleiðtoga markað djúp
spor í sögu þingsins, þau ár er hann átti þar sæti, og löggjöf
vor frá þessum tíma mun lengi bera merki Magnúsar Guð-
mundssonar.“
Lagakunnátta lians, samfara óvenjumikilli reynslu í inarg-
víslegum embættisstörfum og kunnugleika á flestum sviðum,
létti honum störfin og veitti honum yfirburði að þessu leyti »
yfir flesta eða alla samstarfsmenn hans á Alþingi.
Magnús Guðmundsson var auk þess góður ræðumaður, hélt