Fréttablaðið - 12.09.2009, Blaðsíða 10

10 12. september 2009 LAUGARDAGUR
HEILBRIGÐISMÁL Samfélagslegur
kostnaður vegna reykinga á ári
svarar til þess að allir Íslending-
ar greiði um 94 þúsund krónur úr
eigin vasa. Sígarettupakkinn þyrfti
að kosta um 3.000 krónur ef reyk-
ingamenn ættu sjálfir að bera allan
kostnað sem fellur á samfélagið
árlega.
Þetta var meðal þess sem kom
fram á tóbaksvarnaþingi Lækna-
félags Íslands í gær. Áætlað er að
36 þúsund Íslendingar reyki í dag;
rúmlega tuttugu prósent þeirra sem
hafa náð fullorðinsaldri. Kostnað-
ur samfélagsins er áætlaður hátt í
þrjátíu milljarðar króna á ári.
Í upphafi ráðstefnunnar gerði
hópur lækna grein fyrir því að
öfugt við almannatrú snertu
tóbaksreykingar allar sérgreinar
læknisfræðinnar með einum eða
öðrum hætti.
Kristín Þorbjörnsdóttir heilsu-
hagfræðingur útskýrði að þegar
kostnaður vegna reykinga væri
reiknaður þyrfti að hyggja að
mörgu. „Annars vegar er það kostn-
aður einstaklingsins sjálfs og hins
vegar samfélagsins í heild. Þessi
kostnaður liggur mjög víða og má
nefna kostnað heilbrigðiskerfisins,
eldsvoða, mengun, rusl, forvarn-
ir og framleiðslutap vegna ótíma-
bærra dauðsfalla og örorku.“
Breskar rannsóknir sýna að 5,5
prósent heilbrigðiskostnaðar þar í
landi er vegna reykinga. Séu þær
tölur settar í íslenskan búning var
þessi kostnaður á sjöunda millj-
arð hér á landi árið 2007, að sögn
Kristínar.
Valgerður Rúnarsdóttir, lækn-
ir hjá SÁÁ, fjallaði um reykingar
sem fíkn. „Nikótínneysla er hegðun
sem má fyrirbyggja og nikótínfíkn
er sjúkdómur sem hægt er að með-
höndla.“ Valgerður sýndi fram á að
reykingar væru stærsta fyrirbyggj-
anlega ástæða dauðsfalla í vest-
rænum heimi en mun fleiri falla
frá vegna reykinga en vegna slysa,
hvaða nafni sem þau nefnast.
Valgerður varpaði því fram á
þinginu að sjö prósent fullorðinna
Íslendinga hefðu leitað sér aðstoð-
ar á Vogi og ekki væri ofreiknað að
önnur sjö prósent þyrftu á aðstoð
að halda.
Níu af hverjum tíu þeirra sem
kæmu á Vog reyktu, eins og tölur
frá stofnuninni sýndu. Á þessu
sæist að nikótínfíkn og fíkn
almennt væru náskyld.
Ögmundur Jónasson heilbrigðis-
ráðherra flutti ávarp á þinginu og
minnti á að 400 Íslendingar létu
lífið af völdum reykinga árlega.
Líta mætti á þá staðreynd í ljósi
þess fórnarkostnaðar sem sam-
félagið bæri af umferðarslysum
en árlega deyja tuttugu til þrjátíu
manns lífið í umferðarslysum á
Íslandi. svavar@frettabladid.is
Reykingar
kosta 100.000
á hvern mann
Niðurstaða tóbaksvarnaþings er að einskis megi láta
ófreistað til að draga úr reykingum hér á landi. Boð
og bönn virka og þeim ætti að beita í ríkari mæli.
FRÁ TÓBAKSVARNAÞINGI Fjallað var um reykingar frá mörgum hliðum í gær og kom
skýrt fram hversu fórnarkostnaður samfélagsins er gífurlegur vegna þeirra. Ögmund-
ur Jónasson heilbrigðisráðherra tók til máls. FRÉTTABLAÐIÐ/STEFÁN
NÁTTÚRA Nýliðinn ágústmánuð-
ur mældist þriðji lægsti ágúst-
mánuður hvað varðar heildar-
fjölda frjókorna síðan mælingar
hófust árið 1988. Heildarfjöldi
frjókorna í Reykjavík reyndist
sá fjórði minnsti í 22 ár. Þetta
kemur fram í fréttatilkynningu
frá Náttúrufræðistofnun Íslands.
Í tilkynningunni kemur fram
að algengast sé að lítið sé um
frjókorn í september. Helst er
að grasfrjó mælist, en þá yfir-
leitt í litlu magni eða innan við
tíu frjókorn í rúmmetra lofts á
sólarhring. Fæstir finni fyrir
þeim frjókornum. - kg
Náttúrufræðistofnun Íslands:
Lítið af frjó-
kornum í ágúst
VIÐSKIPTI Fyrirtækið Jóhann Ólafs-
son & Co hefur átt í vandræðum
síðustu misseri og var því skipt
upp fyrr á árinu.
Allar eignir og rekstur fóru yfir
í GV-heildverslun, fyrir utan að
Jóhann Ólafsson & Co hélt áfram
með viðskipti á sviði lýsingar,
undir nýrri kennitölu. Fyrirtækið
flytur meðal annars inn Osram-
ljósaperur.
GV fór síðan í þrot. Jón Árni
Jóhannsson framkvæmdastjóri
segir að þess sé vænst að eignir
GV fari langleiðina upp í skuldir.
Ástæða þess að fór sem fór sé
„gengisfall krónunnar og síversn-
andi kreppuástand“.
Fyrirtækið Jóhann Ólafsson &
Co var stofnað árið 1916. - kóþ
Rótgróið fyrirtæki í vanda:
Jóhanni Ólafs
skipt í tvennt
Játaði rán í matvöruverslun
Karl um tvítugt hefur játað að hafa
framið rán í matvöruverslun við
Hlemm fyrr í vikunni. Maðurinn, hefur
áður komið við sögu hjá lögreglu.
LÖGREGLUMÁL
Kosningum flýtt
Neðri deild tékkneska þingsins hefur
samþykkt stjórnarskrárbreytingu svo flýta
megi kosningum, sem haldnar verða
jafnvel strax í nóvember. Efri deildin á
eftir að samþykkja breytinguna, en búist
er við þingslitum í næstu viku.
TÉKKLAND
Níkótínneysla er hegðun
sem má fyrirbyggja og
nikótínfíkn er sjúkdómur sem
hægt er að meðhöndla.
VALGERÐUR RÚNARSDÓTTIR
LÆKNIR HJÁ SÁÁ
Sjóðfélagar eru hvattir til að mæta.
Stjórn Almenna lífeyrissjóðsins.
Nánari upplýsingar og tillögur um breytingar á samþykktum
eru á heimasíðu sjóðsins, www.almenni.is.
Sjóðfélagafundur
Almenni lífeyrissjóðurinn boðar til sjóðfélagafundar
mánudaginn 28. september 2009 á Grand Hótel
Reykjavík kl. 17:15.
DAGSKRÁ
1. Fundarsetning.
2. Skýrsla stjórnar um rekstur og afkomu
Almenna lífeyrissjóðsins.
3. Tillaga og ákvörðun um sameiningu Almenna lífeyris-
sjóðsins og Eftirlaunasjóðs starfsmanna Glitnis banka hf.
4. Tillögur um breytingar á samþykktum.
5. Önnur mál.
A
N
T
O
N
&
B
E
R
G
U
R
FELUMYND DAGSINS Hann sést ekki
vel á myndinni, þessi litli blettatígur
í dýragarði í Basel sem horfir stórum
augum á ljósmyndarann. Fyrir aftan
þann litla er móðirin Msichana sem
snýr baki í okkur. FRÉTTABLAÐIÐ/AP
LONDON, AP Breska lögreglan rann-
sakar nú ásakanir á hendur MI6-
utanríkisleyniþjónustunni þar í
landi, þess efnis að erlendir fang-
ar í haldi leyniþjónustunnar hafi
verið pyntaðir. Þetta er í annað sinn
á síðustu mánuðum sem framkoma
starfsmanna leyniþjónustu Breta er
rannsökuð sérstaklega.
William Hague, þingmaður
stjórnarandstöðunnar, bað utan-
ríkisráðherrann David Miliband og
forsætisráðherrann Gordon Brown
skriflega um að rannsaka ásakan-
ir breskrar þingnefndar á hendur
leyniþjónustunni. Þar eru starfs-
menn MI6 og MI5, innanríkisleyni-
þjónustu Bretlands, sakaðir um að
hafa pyntað fanga í sinni vörslu í
Pakistan, Egyptalandi og Guant-
anamo-fangabúðunum á Kúbu.
Miliband, sem er æðsti yfirmaður
MI6, segir í svarbréfi til Hague að
leyniþjónustan hafi átt frumkvæði
að því að málið yrði rannsakað. Það
tengist ekki utanaðkomandi ásökun-
um. „Ríkisstjórnin fordæmir pynt-
ingar. Við munum hvorki styðja
slíkar aðgerðir né biðja aðra um
að framkvæma þær fyrir okkur,“
segir Miliband í bréfinu, sem birt
var í gær.
Lögregla staðfesti í gær að rann-
sóknin tengdist ekki máli Eþíópíu-
mannsins Binyam Mohamed, sem
rannsakað var í júlí. Mohamed held-
ur því fram að starfsmenn MI5 hafi
látið pyntingar á sér afskiptalausar
þegar hann var í haldi í Pakistan og
Marokkó árið 2002. - kg
Lögregla rannsakar meintar pyntingar af hálfu leyniþjónustu Bretlands:
MI6 sökuð um pyntingar
GUANTANAMO Meintar pyntingar bresku
leyniþjónustunnar eiga meðal annars
að hafa átt sér stað í fangabúðunum.
FRÉTTABLAÐIÐ/AP