Fréttablaðið - 12.09.2009, Blaðsíða 88

56 12. september 2009 LAUGARDAGUR
FÓTBOLTI Um helgina fara fram
undanúrslitin í VISA-bikarkeppni
karla. Í dag mætast lið Fram
og KR og á morgun Keflavík og
Breiðablik. Báðir leikir fara fram á
Laugardalsvelli og hefjast klukkan
16.00.
Þessi fjögur lið eiga það sameig-
inlegt að bikarkeppnin er þeirra
besti möguleiki til að vinna titil
í sumar enda er FH búið að hafa
mikla yfirburði í keppninni um
Íslandsmeistaratitilinn.
Reyndar á KR eitt þessara liða
enn möguleika á að hrifsa þann titil
af FH þó ef til vill séu þeir ekki
margir sem reikna með því að það
takist enda lítið eftir af mótinu.
„Þó svo að nú muni fimm stig-
um á FH og KR erum við ekki að
hugsa um neitt annað en að klára
okkar leiki. Við getum ekki verið
að velta okkur upp úr því hvort FH-
ingar misstígi sig í lokaleikjunum,“
segir Grétar Sigfinnur Sigurðar-
son, fyrirliði KR. „Sumarið hefur
verið nokkuð gott hjá okkur en það
gæti fljótt breyst ef við klúðrum
þessum lokaleikjum okkar. Sum-
arið gæti að sama skapi orðið frá-
bært og vonum við það besta í þeim
efnum.“
Löng bið eftir titli
KR og Fram áttust nýverið við í
deildinni og þá vann KR 3-1 sigur
eftir að hafa verið 1-0 undir í hálf-
leik. Síðast þegar þessi lið mættust
á Laugardalsvellinum vann Fram
hins vegar glæstan 3-0 sigur.
„Það var einn okkar besti leik-
ur í sumar og vonandi náum við að
fylgja honum eftir,“ segir Kristján
Hauksson, leikmaður Fram. „Ann-
ars á ég von á góðum leik enda hafa
bæði lið verið á góðu skriði. Það er
þó langt síðan Fram vann titil og
sú bið er vonandi bráðum á enda,“
bætir Kristján við en Fram varð
síðast bikarmeistari árið 1989 og
Íslandsmeistari ári síðar.
Keflvíkingurinn Hólmar Örn
Rúnarsson neitar því ekki að gengi
hans manna í deildinni í sumar
hafi valdið leikmönnum vonbrigð-
um. „Við vildum fá meira úr deild-
inni en vonandi náum við að enda
sumarið á jákvæðum nótum – að
vinna síðustu leiki okkar í deild-
inni og vonandi bikarinn líka,“
segir Hólmar.
Keflavík á aðeins möguleika á
að ná fjórða sæti deildarinnar og
dugar það alla jafna ekki til að
komast í Evrópukeppnina. „Það er
því enn meiri hvatning fyrir okkur
að vinna í bikarnum. Við teljum
okkur tilbúna í þennan slag gegn
Blikum enda búnir að æfa vel síðan
við spiluðum við Fjölni. Það er ekk-
ert volæði í leikmannahópnum þó
að gengið hafi verið misjafnt og
það er engin spurning að við ætlum
að leggja allt í þennan leik.“
Pissum ekki á nútíðina
Ólafur Kristjánsson, þjálfari Blika,
á von á fjörugum leik enda hafa leik-
ir liðanna í deildinni í sumar verið
markaleikir. Þeim fyrri lauk með 4-
4 jafntefli í Kópavoginum og síðar
unnu Blikar glæsilegan 3-0 sigur í
Keflavík.
„Þetta eru tvö lið sem sækja allt-
af til sigurs og leikir þeirra eru því
yfirleitt mjög skemmtilegir,“ segir
Ólafur.
Breiðablik hefur aldrei orðið bik-
armeistari karla en einu sinni kom-
ist í úrslitaleikinn. Það var árið 1971
en þá tapaði liðið fyrir Víkingi sem
þá lék í gömlu 2. deildinni.
Ólafur segir sína leikmenn lítið
velta sögunni fyrir sér. „Flestir
voru ekki fæddir fyrr en um tuttugu
árum síðar. En auðvitað vilja allir
ná í titil hvort sem það er sögunn-
ar vegna eða ekki. Keflvíkingar eru
með sterka bikarhefð og urðu síðast
meistarar fyrir þremur árum. Sagan
er því líklega á þeirra bandi.“
Ólafur segist reyna að kenna
sínum mönnum að hugsa bara um
næsta leik. „Það stendur einhvers
staðar að ef þú sért með aðra löppina
í fortíðinni og hina í framtíðinni þá
pissir þú á nútíðina. Við einbeitum
okkur því að núinu.“
eirikur@frettabladid.is
Bjarga sumrinu í bikarkeppninni
Öll þau fjögur lið sem eru komin í undanúrslit VISA-bikarkeppni karla og mætast nú um helgina eiga það
sameiginlegt að vilja gera það besta sem hægt er úr sumrinu með því að vinna bikarinn eftirsótta.
VERÐA Í ELDLÍNUNNI Frá vinstri eru Keflvíkingurinn Hólmar Örn Rúnarsson, Blikinn Kári Ársælsson, KR-ingurinn Grétar Sigfinnur
Sigurðarson og Kristján Hauksson, leikmaður Fram. FRÉTTABLAÐIÐ/VALLI
FÓTBOLTI Mikil barátta verður um
gullskóinn í Pepsi-deild kvenna
í síðustu tveimur umferðunum.
Eftir leiki 16. umferðar eru Vals-
arinn Kristín Ýr Bjarnadóttir og
Þórsarinn Rakel Hönnudóttir
efstar og jafnar með 20 mörk.
Mateja Zver úr Þór/KA kemur
síðan næst með aðeins einu
marki minna.
Margrét Lára Viðarsdóttir
hefur einokað gullskóinn undan-
farin fimm sumur en hún varð
markadrottning deildarinn-
ar frá 2004 til 2008. Nú er hins
vegar komið að einhverri ann-
arri og má búast við að Valur og
Þór/KA spili upp á þær Kristínu,
Rakel og Mateju í næstu tveimur
leikjum.
Það var líklega þannig í síðasta
leik norðanstúlkna. Mateja og
Rakel skoruðu nefnilega saman
öll níu mörk Þór/KA í 9-0 stór-
sigri á Keflavík. Mateja skoraði
fyrstu fimm mörkin og Rakel
skoraði síðan hin fjögur mörkin.
Kristín Ýr Bjarnadóttir og
Valskonur þurfa aðeins tvö stig
til að tryggja sér Íslandsmeist-
aratitilinn fjórða árið í röð en
liðið á eftir að mæta Keflavík
á heimavelli og Aftureldingu/
Fjölni á útivelli. Kristín Ýr hefur
aldrei skorað fleiri mörk á einu
tímabili en hún hafði áður skorað
mest tólf mörk sumarið 2004.
Þór/KA er í baráttunni um
annað sætið og á enn tölfræði-
lega möguleika á Íslandsmeist-
aratitlinum. Liðið á eftir að spila
við Aftureldingu/Fjölni á heima-
velli og KR á útivelli.
Rakel jafnaði sinn besta árang-
ur með því að skora sitt 20. mark
í síðasta leik en hún fékk silfur-
skóinn í fyrra þegar hún skoraði
20 mörk í 17 leikjum.
Næsta umferð í deildinni fer
fram á mánudaginn en baráttan
um gullskóinn endar þó örugg-
lega ekki fyrr en í lokaumferð-
inni, sem fer ekki fram fyrr en
27. september. - óój
Kristín Ýr Bjarnadóttir og Rakel Hönnudóttir eru markahæstar í Pepsi-deild kvenna:
Mikil barátta um gullskóinn
JAFNAR Rakel (til vinstri) og Kristín Ýr.
HANDBOLTI Fram stendur vel að
vígi fyrir seinni leik sinn gegn
hollenska liðinu Fiqas Aalsmeer
í 1. umferð EHF-keppninnar sem
fram fer í dag kl. 14 í Framhús-
inu. Fram vann 30-23 sigur í
fyrri leiknum.
Leikurinn í dag er liður í
„stóra“ Framdeginum og því er
aðgangur á leikinn ókeypis og
fólk sérstaklega hvatt til þess að
fjölmenna og styðja við bakið á
strákunum. - óþ
1. umferð EHF-keppninnar:
Fram mætir
Fiqas Aalsmeer
BARÁTTA Framarar standa vel að vígi
fyrir seinni leik sinn í 1. umferð EHF-
keppninnar. FRÉTTABLAÐIÐ/STEFÁN
FÓTBOLTI Eskfirðingurinn Valur
Fannar Gíslason hefur framlengt
samning sinn við Fylki um tvö ár
eða til loka árs árið 2011. Hinn 32
ára gamli Valur Fannar er fyr-
irliði Fylkis en liðið hefur komið
skemmtilega á óvart í sumar eftir
miklar hræringar í leikmanna-
hópi liðsins fyrir tímabilið. Valur
Fannar hefur leikið frábærlega
með liðinu og verið stoð og stytta
í varnarleiknum auk þess að vera
iðinn við markaskorun en hann er
nú þegar kominn með sex mörk í
Pepsi-deildinni. - óþ
Valur Fannar Gíslason:
Hefur fram-
lengt við Fylki
VALUR FANNAR Hefur framlengt samn-
ing sinn við Fylki út árið 2011.
FRÉTTABLAÐIÐ/ARNÞÓR
FÓTBOLTI Stöð 2 Sport mun sýna
frá leikjum Eiðs Smára og félaga
í AS Monaco í vetur. Fyrsti leik-
urinn verður á dagskrá á sunnu-
dag þegar Paris St. Germain
kemur í heimsókn en leikurinn
hefst kl. 19. - óþ
Franski boltinn á Stöð 2 Sport:
Eiður Smári í
beinni í vetur
FÓTBOLTI Boltinn byrjar að rúlla á
ný í ensku úrvalsdeildinni í dag
eftir landsleikjahlé og að vanda er
boðið upp á marga áhuga-
verða leiki. Chelsea, Tot-
tenham og Manchester
City hafa unnið alla leiki
sína til þessa í deildinni
en City hefur aðeins
leikið þrjá leiki á meðan
Lundúnafélögin hafa
leikið fjóra leiki.
Chelsea á fyrir fram
ályktað þægilegasta
leikinn af þessum þrem-
ur félögum þegar það
heimsækir Stoke, á
meðan Tottenham
fær Manchester
United í heimsókn
og City tekur á
móti Arsenal.
Englands-
meistararnir
í United gætu
endurheimt
Rio Ferdinand
úr meiðslum
fyrir leikinn en
Tottenham vonast að sama skapi til
þess að Heurelho Gomes, Sebasti-
en Bassong og Jermaine Jenas séu
leikfærir að nýju. Ledley King er
aftur á móti tæpur fyrir leikinn.
Það kemur ef til vill ekki mjög
á óvart að tölfræðin er á bandi
United fyrir leikinn en Tottenham
hefur ekki unnið United í deildar-
leik síðan árið 2001, fyrir sextán
leikjum.
„Tottenham hefur byrjað tíma-
bilið frábærlega þannig að við
eigum von á mjög erfiðum leik.
Sigur okkar gegn Arsenal hjálpaði
okkur hins vegar mikið,“ sagði Sir
Alex Ferguson hjá United.
Manchester City fær sitt fyrsta
alvöru próf á þessu tímabili þegar
Arsenal kemur í heimsókn en leik-
urinn markar einnig fyrsta skipt-
ið sem Emmanuel Adebayor og
Kolo Toure mæta sínum gömlu liðs-
félögum eftir samanlagt 41. milljón
punda félagaskipti sín frá Arsenal
í sumar. Adebayor hefur byrjað
tímabilið af miklum krafti og skor-
að þrjú mörk í leikjunum þremur.
Þá fær Liverpool í dag heimsókn
frá Jóhannesi Karli Guðjónssyni
og félögum í Burnley sem eru sýnd
veiði en ekki gefin. Manchester
United og Everton geta vottað um
það. - óþ
Átta leikir fara fram í ensku úrvalsdeildinni í dag en sex efstu lið deildarinnar mætast þá innbyrðis:
Fyrsta alvöruprófið fyrir City-liðið
ADEBAYOR Mætir
sínum gömlu liðs-
félögum í Arsenal í
dag. NORDIC PHOTOS/GETTY
á amerískum dögum