Fálkinn - 11.07.1966, Page 16

HINN
RAUNVERULEGI
JAMES
BOND
SVONA lítur hann út, hinn raunveru-
legi James Bond, sem á fátt eða ekkert
sameiginlegt með 007 nema nafnið. Hann
býr í Fíladelfíu og er fuglafræðingur, einn
af þessum fjarhuga vísindamönnum sem
lifa og hrærast í starfi sínu og rannsókn-
um, en sjá og heyra ekkert annað. Síðan
söguhetja Flemings varð heimsfræg í bók-
um og kvikmyndum fær vesalings pró-
fessor Bond ekki stundlegan frið fyrir for-
vitnum blaðamönnum og fólki sem heimt-
ar rithandarsýnishorn. Ef fréttaritararnir
vildu fá viðtöl við hann um fuglafræði
yrði hann manna glaðastur, en þegar hann
er spurður hvort hann sé eins óskeikull
að skjóta í mark og nafni hans, hvort
hann hafi þjálfað sig í karate eða hvort
allar konur liggi í duftinu fyrir honum,
reiðist hann eða dregur sig enn lengra inn
í skel sína.
Ian Fleming notaði þó ekki nafn lians í
leyfisleysi. Þeir kynntust á Jamaica þar
sem þeir bjuggu á sama hótelinu, og dag
einn spurði Fleming hvort prófessorinn
hefði nokkuð á móti því, að hann notaði
nafn hans á nýja sögupersónu sem hann
væri að skapa. Bond tók því vel og sagð-
ist aðeins myndu hafa gaman af. Nokkr-
um mánuðum seinna fékk hann bréf frá
Fleming sem lét hann vita, að bókin væri
fullgerð og aðalpersónan héti James Bond.
„Ég er afar þakklátur og vona, að nafn
yðar verði 007 til gæfu,“ skrifaði hann. „Ef
þér kærið yður um að skíra einhverja
nýja fuglategund nafninu mínu, mun ég
telja það mikinn heiður.“
Prófessor Bond liefur ekki lesið neina af
bókum Flemings um 007 og ekki séð neina
af kvikmyndunum. Hann vill helzt ekki
heyra minnzt á James Bond. „Ég vissi
ekki hvað ég var að steypa mér út I þegar
ég gaf Fleming þetta leyfi — ætli það
endi ekki með, að ég verði sjálfur að
skipta um nafn!“
I
16
FALKINN