Vikan - 28.08.1969, Blaðsíða 3

31. árgangur - 35. tölublað
í ÞESSARI VIKU
„Ef samvizkan er í lagi, er allt í lagi",
heitir viðtal viS Vilhjálm Vilhjálmsson,
dægurlagasöngvara, sem birtist í þessu blaði.
Vilhjálmur hefur ekki veriS viS eina fjöl
felldur um dagana. Hann tók stúdentspróf
frá M. A., stundaSi um skeiS nám í
læknisfræSi og síðan lögfræSi og hefur
tekið próf í flugi og dáleiðslu.
Fyrir nokkru sögSu fjórar konur álit sitt
á klæðaburði karlmanna. Nú höfum
viS snúið dæminu við og leitum álits
fjögurra karlmanna á því, hvernig konur
eigi að klæðast. ViS sýndum þeim nokkrar
gerðir af kvenfatnaSi og dómur þeirra
birtist í miðopnunni. Þeir sem svara eru:
Pétur Pétursson, Guðlaugur Bergman,
Olafur Ragnarsson og Ragnar
GuSmundsson.
Ferðin til tunglsins beinir huganum aS
landkönnuSum fyrri tíma, en þeir
þurftu aS leggja á sig miklu meira erfiði og
mannraunir en Armstrong og Aldrin.
„Hann opnaSi Afríku" nefnum viS grein
um Livingstone og ævintýralegar ferðir hans
um myrkviði Afriku, sem enginn hafði
kannað á undan honum.
28. ágúst 1969
I NÆSTU VIKU
Við höldum áfram aS heimsækja sjónvarps-
þulina okkar. Næst heimsækjum við
Ásu Finnsdóttur og eiginmann hennar,
Jóhannes Long, sem einnig starfar hjá sjón-
varpinu, við leikmyndagerS. Þau hafa
búið skemmtilega um sig í lítilli kjallara-
íbúS og eiga margt gamalla og
athyglisverðra muna. Þau giftu sig í fyrra
og eiga von á fyrsta barni sínu bráSlega.
Ný framhaldssaga hefst í næsta blaði.
Hún heitir KvöldiS fyrir brúSkaupiS og er
eftir Gordon og Midred Gordon. Þessi
saga er spennandi frá upphafi til enda. ViS
höfum oft áður birt góðar og
skemmtilegar framhaldssögur, en getum
mælt meS þessari sem einni af þeim
allrabeztu. ViS ráSleggjum lesendum ein-
dregið að láta hana ekki framhjá sér fara.
Jú, þetta er hann Bessi, en hann er ekki
í gervi sjóræningja, heldur er hann aS
leika Hrólf, aðalpersónuna i samnefndu leik-
riti eftir SigurS Pétursson. Það verSur
sýnt í sjónvarpinu innan skamms og viS
segjum í næsta blaði frá skemmtilegu
kvikmyndaævintýri aS Keldum, þar sem
nokkur atriði leikritsins voru tekin í sumar.
I FULLRI ALVORU
HROSSIN NAGA UPP
LANDID
OrðiS náttúruvernd er nú mjög í tízku. Vissu-
lega er það góSra gjalda vert, en þar er margs
að gæta og fleiri pottar brotnir en menn kannski
átta sig á i fljótu bragði.
Um hvitasunnuna í vor sáum við á Þingvöll-
um dæmi um skeytingarleysi í náttúruvernd,
þegar menn óku bilum sinum að gamni út á
smjörgljúpan balann til að festast þar. Við höf-
um einnig séS hjólför upp um óliklegustu
fallegar brekkur, sem verða ófyrirsjáanlegan
tima að jafna sig. Um þetta þarf vart aS tala,
flestir eru jafnhneykslaSir á þessu.
En hestasportiS er óskaplega göfugt, og
kannski helgispjöll að minnast á nokkuð mis-
jafnt í sambandi viS þaS. Þó eru oftlega fram-
in náttúruspjöll meS hestum, og þá ekki sízt
með hrossabeit. Hestamenn fjölbýlisins leigja sér
gjarnan einhverja skika í næstu sveitum til að
láta hestana ganga á, og þykjast nú heldur
góðir. Þar láta þeir síðan hestana naga og
sparka, þar til svörSurinn er orðinn eins og
flag og grasið verður mörg ár að jafna sig.
Ef einhver efast um sannleiksgildi þessara orða,
er hægt að benda honum á staSi sem ég þekki
sjálfur og hægt er að sjá þetta fyrirhafnarlítiS
meS eigin augum.
Víða um landið höfum við dæmi um upp-
blástur og örfok, vegna þess aS ekki hefur
veriS hugsað um í tæka tiS aS koma í veg
fyrir þau náttúruspjöll náttúrunnar sjálfrar. En
á þessum hrossahögum sjáum viS, hvernig maS-
urinn sjálfur býr til rótleysið, sem býSur upp-
blæstrinum heim. ÞaS er ekki nóg aS vernda
fjöll og hóla, grasiS er okkar skógur og viS
höfum ekki efni á að missa það, þótt hrossa-
fólk þéttbýlisins þurfi einhvers staSar að geyma
jálka sína.
S.H.
VIKAN Útgefandi Hilmir hf. Ritstjóri: Sigurður
Hreiðar. Meðritstjóri: Gylfi Gröndal. Blaðamaður:
Dagur Þorleifsson. Útlitsteikning: Halldóra Hall-
dórsdóttir. Dreifing: Óskar Karlsson. Auglýsinga-
stjóri: Jensína Karlsdóttir. — Ritstjórn, auglýsingar,
afgreiðsla og dreifing: Skipholti 33. Símar: 35320 —
35323. Pósthólf: 533. Verð í lausasölu kr. 50.00.
Áskriftarverð er 475 kr. fyrir 13 tölublöð ársfjórð-
ungslega, 900 kr. fyrir 26 tölublöð missirislega, eða
170 kr. fyrir 4 tölublöð mánaðariega. Áskriftar-
gjaldið greiðist fyrirfram. Gjalddagar eru: Nóvem-
ber, febrúar, maí og ágúst eða mánaðarlega.
35. tbi. VIKAN 3