Vikan - 12.07.1984, Qupperneq 8

Texti og myndir: Þórey
Komið við á letigarði í Þýskalandi
Umhverfi sumarhúsanna er fagurt, ekkert síóur að vori, en þessi mynd er tekin í
byrjun apríl.
J/
Húsin eru í hefðbundnum þýskum stíl, hvít með dökku bindingsverki.
Það veröur æ vinsælla meðal
Islendinga aö dvelja í sumarleyf-
um sínum í orlofshúsum í ein-
hverju nágrannalandanna. Ef til
vill eru einhverjir orðnir leiðir á
sterku sólskini og hita Suðurlanda
en vilja samt sem áöur hafa
sumarveður á meðan sá árstími á
að ríkja samkvæmt dagatali.
Sumarhús í Danmörku og
Hollandi hafa verið eftirsótt
undanfarin ár og nú bjóöast enn
fleiri staðir en fyrr landanum til
afnota. Flugleiöir og ferðaskrif-
stofan Urval bjóða upp á orlofshús
í Þýskalandi, fyrst og fremst í
Daun í Eifelhéraði í Suður-Þýska-
landi, Daun Eifel Ferienpark sem
kallað hefur verið „letigarður” á
íslensku.
Blaöamönnum var í fyrra gef-
inn kostur á að skoöa þessi hús
sem eru rétt fyrir utan smábæinn
Daun. Húsin eru reist í þyrpingu í
tengslum við stóra þjónustumið-
stöð. Þarna eru einbýlishús,
raðhús og íbúöir í sambýlishúsum.
Öll eru húsin byggö í ekta þýskum
stíl, hvítkölkuð með dökku bind-
ingsverki. Húsin og íbúðirnar eru
hin glæsilegustu að innan meö
öllum þeim búnaði sem nauðsyn-
legur er til að gestir geti haft það
sem best. Þar eru fullbúin eldhús
eða eldhúskrókar eftir stærð
íbúöa, baðherbergi, svefnherbergi
og dagstofur, nánast eins og vasa-
útgáfur af fallegustu og vistleg-
ustu heimilum. I þjónustumiðstöö-
inni er verslun, veitingasalur,
bjórkrá, bar, sauna, snyrtistofa og
bamaleikherbergi, svo eitthvað sé
nefnt. Annað sem nefna má staðn-
um til ágætis er sundlaug, risa-
stórt húsnæði til tennis- og vegg-
tennisleikja, reiðskóli og hesta-
leiga, billjard og mínígolf. Það er
því ekki nokkur ástæða til þess að
liggja í leti á letigarðinum þótt
slíkt sé aö sjálfsögöu fyllilega
frjálst.
Daun Eifel Ferienpark er sér-
lega vel í sveit sett. Bærinn Daun
er skemmtilegur smábær og þar
er að finna marga góða veitinga-
staöi og bjórkrár. Umhverfið er
undrafagurt, skógar og stööuvötn
á báðar hendur. Aðeins er um
tveggja klukkustunda akstur frá
flugvellinum í Lúxemborg til
Daun og þaðan er stutt til hinna
yndislegu sveita, bæja og borga
við árnar Mósel og Rín. Þar um
slóðir þarf engum að leiðast lífið.
Þar er hægt aö koma viö hjá
vínbændum og fá að smakka á
hinum ljúfu eðalvínum. Menn
verða aldrei drukknir á vínsmakki
sem þessu þar sem aöeins er
dreypt á veigunum og auk þess
eru Mósel- og Rínarvínin veik að
vínandainnihaldi. Börn eru því
velkomin með foreldrum á vín-
smakk, en láta sér þó nægja að
fylgjast með!
Enginn sem leið á um þessi
fögru héruð getur látiö hjá líða aö
heimsækja smábæinn Cochem eða
borgir eins og Koblenz og Trier.
Sú síðasttalda heldur reyndar upp
á tvö þúsund ára afmæli sitt í ár og
er mikið um dýrðir. Borgin er ein
sú elsta í Norður-Evrópu. Þar
var höfuðborg rómverska ríkisins
þar um slóðir og því mikið um
merkar rústir í borginni og margt
að skoða. Vilji menn aka lengra
eru Bonn og Köln ekki svo ýkja
langt frá og aki menn enn lengra
koma menn til Frankfurt eða
Diisseldorf.
Ferðalangar geta valið um að
vera í íbúðum eða húsum, bíla-
leigubíl eða ekki, en ræsting, rúm-
föt og mataráhöld fylgja húsnæö-
inu.
8 ViKan 28. tbl.