Vikan - 12.07.1984, Side 24

Heimiliö
Heillaráð:
Hvítkálslykt:
Finnist mönnum hvimleið lyktin af hvítkáli, sem er að sjóða, ættu þeir
að prófa að leggja sítrónusneið ofan í pottinn. Ef lokið er vel þétt ætti
þetta að koma í veg fyrir lykt af hvítkálinu.
Storknaður sykur:
Það getur veriö erfitt að hreinsa skeið sem sykur hefur storknað í.
Edik getur bjargað málunum. Leggið skeiðina í bleyti í edik í nokkrar
mínútur og þá er auðvelt að þvo hana í sápuvatni á eftir.
Kjöt með raspi:
Margir kaupa tilbúið rasp í pökkum. Þeir sem vilja prófa eitthvað
heilsusamlegt ættu að setja hveitiklíð é kjötið í staðinn fyrir rasp. Það er
bæði fallegt og mjög gott.
Segulmagnaðir pottaleppar:
Pottaleppar lenda á ólíklegustu stöðum í eldhúsinu þegar mikið er að
gerast. Prófið að sauma litla segulbita inn í pottaleppana. Þá getið þið
sett þá fljótt frá ykkur á eldavélina, bökunarofninn eða þar sem ykkur
hentar.
Ráð fyrir prjónakonur:
Sumum finnast saumarnir þegar ermin er saumuð við bolinn vera
ljótir. Þeim er ráölagt að taka upp lykkjurnar í handveginum og prjóna
ermarnar niður. Þá myndast engir saumar. Þetta er einnig mjög þægi-
legt þegar handvegur er tilbúinn því þá getur verið erfitt að reikna út
hve margar lykkjur eiga að vera efst á ermi til að hún passi í handveg-
inn.
Gulir straublettir:
Ef tauið brennur þegar straujað er og gulur blettur myndast getur
maður bjargað málunum meö því að setja sítrónusafa strax á blettinn.
Þá hverfur hann yfirleitt.
Hvernig erbest að hirða húðina?
Þeir sem fylgjast með aug-
lýsingum frá snyrtivöru-
framleiðendum eru eflaust búnir
að uppgötva hve ótrúlega mikið af
alls kyns hreinsikremum er í boði.
Því er ekki nema von að það
vefjist fyrir flestum að velja og
kaupa slík krem. En það þarf ekki
aðeins að velja kremin af kost-
gæfni heldur er ekki sama hvenær
dagsins þau eru notuð. Sum krem
á að sofa með á nóttu, önnur þarf
að hreinsa af andlitinu eftir
tiltölulega stuttan tíma.
Á morgnana þarf að undirbúa
húðina vel fyrir daginn, sér-
staklega ef kalt er í veðri og eins
ef nota á meik. Rakakrem er sér-
lega gott til að verja húðina þegar
kalt er í véðri. Það er til litað og
getur því oft komið í staðinn fyrir
meik. Feit krem eru góð fyrir
þurra húð.
Gott er að hressa húðina um
miðjan dag, hreinsa meikið af
andlitinu með hreinsikremi, baða
það upp úr köldu vatni og leyfa
húðinni að anda áður en andlitið er
meikað fyrir kvöldið.
Það má aldrei fara að sofa aö
kvöldi án þess að hreinsa húðina
vel með hreinsikremi sem hæfir
viðkomandi húö. Þegar kvöldinu
ereytt heimavið ergott aðnota
tímann til að setja á sig andlits-
maska. Þeir eru til fyrir allar
húðgerðir og nauðsynlegt er að
ráðfæra sig við snyrtisérfræðinga
þegar þeir eru keyptir. Það er
ekki verðið sem segir til um hvaða
tegundir eru bestar. Dýrustu
tegundirnar eru yfirleitt
hannaðar til aö leysa alls kyns
húðvandamál. Þá er varan búin
að ganga í gegnum miklar
rannsóknir og er þar af leiðandi
dýrari en aðrar vörur sem gegna
einfaldara hlutverki. Ungar konur
með góða húð þurfa yfirleitt ekki á
slíkum snyrtivörum að halda en
þær geta gert kraftaverk á eldri
húð. Þau krem eru góð til að örva
frumumyndun og slétta úr
hrukkum og pokum í húðinni.
Þaö er útbreiddur mis-
skilningur að það dugi að hirða
húðina vel af og til. Það þarf aö
hreinsa húðina vel á hverju
einasta kvöldi. Það sama gildir
um maska og ampúlumeðferö. Ef
einhver húðvandamál eru til
staðar eöa meðferðin miðast við
að slétta úr hrukkum og þreytu-
merkjum þarf að stunda slíkt
reglulega, einu sinni í mánuöi eða
á tveggja mánaða fresti.
24 Vikan 28. tbl.