Menntamál - 01.08.1968, Side 65

MENNTAMÁL
173
deildina, og verður námið miðað við þarfir væntanlegra
náttúrufræðikennara við framhaldsskóla.
Þá tilkynnti menntamálaráðherra, að ríkisstjórnin hefði
ákveðið að ílytja á Alþingi næsta haust breytingartillögu
við lögin um lánasjóð íslenzkra námsmanna þess efnis, að
nemendur framhaldsdeildar og nemendur stúdentadeildar
Kennaraskólans skuli fá aðild að lánasjóðnum með sarna
hætti og stúdentar á 1. ári við Háskóla íslands eða erlenda
háskóla, og mundu verða gerðar tillögur um auknar fjár-
veitingar í samræmi við það. Að lokum vék ráðherrann
nokkrum orðum til nýstúdentanna og sagði m. a.: Þið hafið
fæðzt í auðugan heimshluta, og þið eigið eftir að gera hann
enn ríkari með starfi ykkar. Þið takið við mikilli þekkingu
úr hendi horfinna kynslóða, og þið eigið eflaust eftir að
auka hana. — En vitið það, að auðlegðin ein er ekki trygg-
ing fyrir góðu samfélagi og hamingjusömu fólki. Ekki einu
sinni þekkingin getur fært frið og frelsi. Því aðeins að auð-
legðin sé hagnýtt af mannkærleika, því aðeins að kyndli
frelsisins sé haldið á loft í leit að réttlæti, er von unt jrað
öryggi og þá hamingju, sem hlýtur að vera markmið okkar
allra.
Hinni hátíðlegu skólaslitaathöfn lauk með því að við-
staddir sungu ísland ögrum skorið undir stjórn Jóns Ás-
geirssonar söngkennara.