Heima er bezt - 01.03.1962, Blaðsíða 18

Eins og fyrr segir stofnuðu þau hjónin smábarna-
skóla á Akureyri árið 1942. Hefur skólinn starfað
óslitið síðan og sækja hann hin síðari ár 120—130 börn
árlega innan 7 ára aldurs. Fékk skólinn strax ágætt
orð, enda sýndu |>au hjónin einstakan áhuga í starfinu
og voru ljúf og nærgætin við hina ungu nemendur.
Á þeim árum, sem hjónin byrjuðu smásbarnaskól-
ann, var mjög erfitt að ná í hentugt lestrarefni, fyrir
lítil börn, sem væri þeim ekki ofviða, er þau höfðu
lokið við byrjunar-kennslubókina Gagn og gaman. Er
mér það kunnugt, að frumdrögin að sumum fyrstu
bókunum, hafi að nokkru myndazt í kennslustundum
fyrstu árin í smábarnaskólanum. Er það ákaflega
vandasamt að semja heppilegt lesefni fyrir börn á
þessu byrjunarstigi lestrarnámsins. Veltur mikið á því,
að slíkt lesefni sé ekki einungis marg endurtekin orð
án samhengis eða sögulegs efnis, heldur saga er snertir
daglegt líf barnsins með undirstraum af alvöru lífsins,
gleði- og hættu-stundum þess, blandað ævintýrum,
sem efla hugmyndaflugið. Það tel ég að þeim hjónun-
um hafi tekizt í barnabókum sínum og þess vegna hafa
þær reynzt heppilegt og skemmtilegt efni til lestrar
fyrir börnin, og létt þeim námið.
Þegar rætt er við þau hjónin um bækur þeirra og
ritstörf eru þau látlaus og Ijúf í viðmóti og opinská,
en einn er þó sá leyndardómur, sem þau aldrei ræða
og aldrei metast um. Þessi leyndardómur snertir skáld-
gáfuna, uppsprettuna eða hið frjóa hugarfar, þar sem
bækurnar eiga sér upptök. Hvar er uppsprettan eða
skáldæðin? Er hún jöfn hjá báðum eða á annað þeirra
meira í bókunum en hitt? Þessum spurningum læt ég
ósvarað. Eg hef aldrei borið þær upp í alvöru, enda
Við kennsluna.
Hreiðar Stefánsson rtieð smábarnaskóla sinn á leið til inn-
tökuprófs í barnaskólann.
tel ég ekki líklegt að ég fengi svar við þeim. Þetta er
einkamál þeirra hjónanna, rithöfundanna, sem engum
kemur við, úr því að þau kusu sér að bera sameigin-
legt rithöfundarnafn.
Eg tel að þessi hjón, Jensína Jensdóttir og Hreiðar
Stefánsson hafi valið sér hið góða hlutskiptið. Þau hafa
helgað lífsstarf sitt hinni upprennandi æsku, og þau
hafa getið sér góðan orðstír og hlotið almennar vin-
sældir fyrir störf sín, bæði ritstörfin og kennslustörf-
in. Ég tel það mikla lífshamingju að velja sér og hljóta
lífsstarf, sem er í samræmi við eðlishneigðir osr áhusra-
. O D O
mál. Það hafa þessi hjón gert, og þess vegna njóta
þau hamingju og sannrar lífsgleði í störfum sínum.
Barnabækur þeirra eru orðnar margar og sumar
þeirra munu hafa komið út í annarri útgáfu, en bæk-
urnar eru þessar, taldar eftir aldri:
Skógarævintýri 1944, Adda 1946, Adda og litli bróð-
ir 1947, Adda lærir að synda 1948, Sumar í sveit 1948,
Bræðurnir frá Brekku 1949, Adda kemur heim 1949,
Adda í kaupavinnu 1950, Adda í menntaskóla 1951,
Adda trúlofast 1952, Bjallan hringir 1955, Snorri 1956,
Snjallir snáðar 1959, Litli læknissonurinn 1960, Vaskir
vinir 1961, Adda, 2. útg., 1961. Einnig sáu þau um út-
gáfuna á Sólhvörfum árið 1956.
Vafalaust munu íslenzk börn og ungmenni eignast
á næstu áratugum margar nýjar bækur eftir Jennu og
Hreiðar, sem skemmta þeim, létta þeim lestramámið
og auka hugmyndaflug þeirra.
Stefán Jónsson.
90 Heima er bezt