Æskan - 01.10.1968, Blaðsíða 20

INGIBJÖRG ÞORBERGS:
„Gítarinn minn“.
Þá er kominn október!
Hvað er nú merkilegt við það? spyrjið þið.
Margt, segi ég, og þá fyrst og fremst það, að vet-
urinn tekur völdin. Þann 26. verður Sumardísin að
víkja úr hásæti sínu fyrir þeim volduga konungi, er
Vetur kallast. Aldrei vitum við, hvort hann verður
grimmur við okkur, en alltaf vonum við, að hann verði
góður. Margir fullorðnir óttast veturinn, að vissu leyti.
Hinir yngri fagna honum aftur á móti flestir, því að
þá skiptast á leikir og lærdómur. Vissara er þá að nota
tímann rétt, og hafa hugfast, að það borgar sig að
læra vel daglega, það sem ykkur er sett fyrir í skól-
anum. Þeir, sem hafa treyst á, að hægt væri að læra
allt síðustu dagana fyrir prófin, hafa oft farið illa út
úr því.
Reynið líka að fara snemma að sofa, því svefninn er
einn bezti vinur ykkar. Hann getur þó orðið eins konar
óvinur, t.d. þegar hann ásækir ykkur í kennslustund-
unum, svo að þið virðist eftirtektarlaus og heimsk.
Það er samt engin hætta á, að hann geri það, ef þið
viljið vera vinir hans og gegnið, þegar hann kallar
ykkur til sín á kvöldin. Þá skerpir hann gáfurnar og
hjálpar ykkur til að vera frísk og kát. Hann gefur ykk-
ur orku til að sigrast á sýklum, sem valda vondum
sjúkdómum, og þegar þið eruð heilbrigð gengur ykk-
ur auðvitað betur að læra. — Og, ef þið eruð búin að
læra fyrir morgundaginn, er ágætt að taka eitt lag á
gítarinn, áður en þið farið að sofa.
Ég var þúin að lofa að láta ykkur hafa grip við fleiri
söngva úr „Tónaflóði", og af því að við erum að tala
um lærdóm og skóla, hef ég valið söngkennslulagið
,,Do-Re-Mí“, (sjá bls. 398). Það er hér í þýðingu Egils
Bjarnasonar. Egill er vel þekktur fyrir allar sínar ágætu
Ijóðaþýðingar, sem hann hefur gert fyrir Þjóðleikhúsið.
Mörg ykkar kannast við efnið úr ,,Tónaflóði“. í
þessu lagi er María að kenna Trapp-börnunum að
syngja. Hún útskýrir „stafróf tónlistarinnar" og kennir
þeim að muna nöfn tónanna. Ég vona, að sem flest
ykkar fái söngkennslu í skólanum. Þá skiljið þið betur,
og vitið, að hver tónn á visst heiti. Maður lærir að
þekkja tónbilin. Þegar því er lokið og maður hefur
æft sig vel að syngja eftir þessu „Tonika Do“ kerfi,
(grunntónninn heitir Do) getur maður sungið svo að
segja öll lög, sem maður sér á nótum. Ég treysti því,
að þið séuð eftirtektarsöm í söngtímunum, og haldið
ekki, að það sé eitthvað „voða vitlaust" að læra að
syngja aftur á bak og áfram „Do-re-mí-fa-so-la-tí-do“.
Ef það er sunnudagur á morgun, og þið þurfið
ekkert að læra, farið þið kannski í sunnudagaskóla.
Þar lærið þið að syngja sálma. Sálmar geta verið fal-
leg lög, og ef þið haldið að það sé svo „gamaldags"
að syngja sálma, er það misskilningur. Frægustu
söngvarar gera það. Meira að segja dægurlaga- og
kvikmyndastjörnurnar ykkar, eins og t. d. Cliff Richard
o. f!„ hafa sungið sálma inn á stórar hæggengar plöt-
ur, þar sem á eru 12 eða 16 sálmalög.
í tilefni þess, að við heilsum vetri í þessum mánuði,
sendi ég þeim, sem spila á orgel, eða syngja sálma,
lag við haustsálminn „Kominn er veturinn“. Þið getið
sýnt prestinum ykkar, eða organleikaranum lagið, því
það er ekki víst að þeir sjái Æskuna. Ef þeir láta nú
kórinn syngja það, þið ég ykkur að reyna að læra það
líka. Ég er viss um, að þið getið það — og allan sálm-
inn — öll fjögur erindin! Allt frá fyrstu línunni, „Kom-
inn er veturinn. Kærasti faðir á hæðum“, og til hinnar
síðustu, „blessa hinn byrjaða vetur“.
Kærar kveðjur!
Ingibjörg.