Æskan - 01.11.1976, Síða 59

Mjallhvít og dvergarnir sjö var frumsýnd árið 1937 og var fyrsta teiknimyndin í fullri lengd.
styrjöldina, hóf .hann störf sem auglýsingateiknari, og
árið 1920 skapaði hann og tókst að selja sínar fyrstu
teiknimyndapersónur. Ein af vinsælustu persónum
Disneys var Mikki mús, en hún kom fram árið 1928. Með
myndinni af Mikka mús kom fyrsta teiknimynd í heimi,
sem var með hljóði. Með lítið fé hélt Disney til kvik-
myndabæjarins Hollywood árið 1923. Fyrsta teiknistofa
hans var til húsa í litlum bílskúr.
Disney hefði ekki getað valið hentugri tíma til að flytja
til Hollywood. Á þessum áratug þróuðust kvikmyndir upp
1 það að verða viðurkennd listgrein og Disney átti stóran
Þátt í þeirri þróun.
Á þessum fyrstu árum sýndi hann ótrúlegan vilja til að
vera stöðugt að endurbæta tækni teiknimynda. Árið
1932 fékk hann fyrstu Óskarsverðlaun sín en alls hlaut
hann 48 slíkar viðurkenningar fyrir verk sín og er það
met.
Árið 1937 markaði tímamót í starfi Disneys. Það ár var
hin fræga mynd hans „Mjallhvít og dvergarnir sjö"
frumsýnd. Sú mynd varfyrsta teiknimyndin af fullri lengd.
Á næstu fimm árum komu fleiri ógleymanlegar teikni-
myndir af fullri lengd; má nefna meðal annars ,,Bamba",
„Fantasíu" „Dúmbó" og „Gosa".
Walt Disney leyfði sér aldrei að vera latur og njóta
afrakstursins af verkum sínum. Hann var alltaf að leita
nýrra leiða. Á árunum 1950 hóf hann einnig störf viö
sjónvarp og var einn þeirra fyrstu, sem notuðu sér lita-
sjónvarp. Hánn reisti Disneyland árið 1955, garður þessi
er töfrandi ævintýraland, sem yfir 100 milljónir manna
hafa heimsótt, þar á meðal konungar, drottningar og
forsetar víðsvegar að úr heiminum.
Walt Disney gerði draum sinn um hið fullkomna þjóð-
félag að veruleika, þegar hann hófst handa við að reisa
hið stórkostlega „Disney World" í Orlando í Flórída.
Þótt Walt Disney hafi látist í desember árið 1966, lifa
verk hans áfram. Hann sýndi að heimurinn getur verið
sælustaður, ef við sjálf kunnum að nýta þá möguleika,
sem fyrir hendi eru.