Æskan - 01.12.1989, Qupperneq 46

Strætisvagnar
Reykjavíkur aka
um 44 mílljónir
kílómetra á ári!
Texti: Elísabet Elín 14 ára.
Hörður Gíslason
skrifstofustjóri hjá
Strætisvögnum
Reykjavíkur.
Ljósm.: Gudmundur
Viðarsson
Flestir krakkar og unglingar eru örugg-
lega sammála um að strætisvagnar séu
nauðsynlegir. Okkur finnst sjálfsagt að
geta tekið strætó í skólann eða farið með
þeim um allan bæ og hugsum sjálfsagt
aldrei um hversu lengi strætisvagnar hafa
þjónað íbúum Reykjavíkurborgar.
ÆSKAN leitaði til Harðar Gíslasonar
skrifstofustjóra hjá Strætisvögnum
Reykjavíkur og spurði hann ýmissa spurn-
inga um strætisvagnana:
Hvenær var fyrirtækið stofnað?
„Dagana 24. og 25. ágúst 1931 var hald-
inn stofnfundur „Strætisvagna Reykjavíkur
hf.“ Nokkur hópur einstaklinga stofnaði
fyrirtækið og átti það. Reykjavíkurborg
keypti vagna og rekstrarvörur fyrirtækis-
ins í ágúst 1944.“
Hvenær kom fyrsti strætisvagn-
inn til íslands?
„Fyrstu sex vagnagrindurnar komu til
borgarinnar 1931 og voru teknar í notkun
það ár og á næsta ári en yfirbyggingar
voru gerðar hér.“
Hvaðan voru fyrstu vagnarnir og
hvaðan kaupið þið vagnana núna?
„Fyrstu vagnarnir voru af „Studebaker"
gerð frá Bandaríkjunum. Til er módel af
fyrsta vagninum og er það í vörslu S.V.R.
Frá 1975 hafa eingöngu verið keyptir
sænskir vagnar en þar áður einnig þýskir
vagnar."
Eru til margar tegundir strætis-
vagna í heiminum?
„Það eru um 160 framleiðendur undir-
vagna í heiminum en á undirvagna eru ým-
ist smíðaðir strætisvagnar eða langferða-
bílar."
Hefur einhvern tíma komið til
tals að hafa tveggja hæða vagna
hérna eins og algengt er til dæmis í
Englandi?
„Einu sinni var fluttur hingað tveggja
hæða vagn og hafður til sýnis en hann var
fluttur út aftur enda þá orðinn nokkuð
46 Æskan