Afturelding - 01.06.1967, Blaðsíða 34
í fyrsta sinn höfðu Hvítasunnumenn aðstöðu til
þess að hafa tjaldsamkomur á þessu sumri. Tjald-
samkomur byrjuðu í Stykkishólmi í sambandi við
sumarmótið. Tjaldið var reist á ágætum stað, mið-
svæðis í bænum. Þar voru allar kvöldsamkomur
mótsins haldnar við beztu skilyrði. Eftir sumar-
mótið var tjaldið flutt til Akraness. Þar voru
tjaldsamkomur haldnar í 4 daga.
Næst var tjaldið reist í Reykjavík. Ágætur stað-
ur fékkst fyrir það, á sléttri, iðgrænni grund
skammt frá gömlu sundlaugunum.
Hj ónin, Róbert og Siv PeHén, frá Svíþjóð voru
gestir þessara tjaldsamkomna i Reykjavík.
Róbert Pellén hafði sem ungur menntamaður
lesið verkfræði í háskóla í Berlín, í mörg ár.
Hann var orðinn þekktur, sem dugmikill maður í
viðskiptaheimi lands síns -— Svíþjóð, er hann
inætti Kristi, sem frelsara sínum. Eftir það gaf
hann sig í þjónustu Krists með eldlegum áhuga.
Frú Siv Pellén er fyrrverandi óperusöngkona.
Hún syngur ágætlega. Um leið er hún afbragðs
prédikari, skörp í hugsun og markviss í málflutn-
ingi. Um hann og hana má segja það sama er
sagt var um Stefán píslarvott: að hann væri fullur
af trú og Heilögum Anda.
Afturhvarfsreynslu sína öðluðust þau fyrir tíu
árum síðan.
Það leyndi sér ekki að hæfileikar þessara ágætu
gesta nutu sín vel á tjaldsamkomunum. Lögðu
þau sig fram af alhug jafnt i tali og söng. Þá
var það ekki síður athyglisvert að sjá með hví-
líkum áhuga þau lögðu sig fram í hverri einustu
eftirsamkomu, töluðu við fólk og báðu með því,
stundum fram yfir miðnætti. Þau töluðu á 12
samkomum. Sumar af þeim voru haldnar í sam-
komuhúsi Fíladelfíusafnaðarins.
Árangur af þessum samkomum teljum við að
hafi verið mjög góður. Margt fólk, sem jafnaðar-
34
Bóbert og Siv Pellén.
lega kemur hvorki í kirkjur né samkomuhús, kom
á tjaldsamkomurnar kvöld eftir kvöld. Þarna virt-
ist það una sér vel og orð Guðs hafði áhrif. Minn-
ist ég þess, sem bræður okkar á Norðurlöndum
hafa sagt: „A tjaldsamkomur á fólk svo létt með
að koma, að þangað koma þeir, er aldrei sjást,
livorki í kirkjum né í öðrum kristilegum samkomu-
húsum.“
Aðsókn var ágæt að samkomunum. Þegar líða tók
á tímann, var tjaldið yfirfullt kvöld eftir kvöld.
Fólk frélsaðist, skírðist í Heilögum Anda og
margir vöknuðu upp til nýs áhuga. Reynslan hefur
því orðið mjög góð með þennan nýja þátt í þjón-
ustu Guðsríkis á meðal okkar. .4. E.