Alþýðublað Hafnarfjarðar - 15.12.1962, Side 3
Alþýðublað Hafnarfjarðar
XXI.
argangur.
Hafnarfirði 15. desember 1962.
3. tölublað.
Séra Bragi Friðriksson:
tf^yrlr o]an cfctr&''
„Yður er í dag Frelsari fœddur,
sem er Kristur Drottinn“. (Lúk: 2, 11.)
Hafnfirðingar og margir aðrir fylgjast með því af áhuga,
hverju fram fer um auknar vegabætur á umferðaæðum
hinna hraðvaxandi byggðarlaga hér umhverfis. Það rnunu
allir telja mikla samgöngubót, er vegurinn suður um til
Keflavíkur var lagður „fyrir ofan garð“ eða umhverfis
Hafnarfjörð. Þetta dregur auðvitað úr umferð og hættum
á aðalgötum bæjarins sjálfs og er í alla staði hin viturleg-
asta ráðstöfun. En því verður sarnt ekki neitað, að ferða-
maðurinn, sem leið sína leggur um þennan veg, fer „fyrir
ofan garð“ í Hafnarfirði. Hann sér aðeins úr fjarlægð fjarð-
arfaðminn hlýja og fríða. Hulin er að rnestu fögur höfnin
og tígulegur Hamarinn, Hellisgerði fjarlægt í skjóli hrauns
og húsa.
Það styttir oft leið og auðveldar för að fara ofan garðs,
en kynnin af bæ og búendum eykur ánægju og reynslu
ferðalangsins. Hið sama sannast á lífsleið vorri. Það er
vissulega hætta í því fólgin, að flýta svo för, að farið sé
ofan garðs við þá staði og stundir, sem veita fegurst fyrir-
heit og sannasta hamingju.
Fæðing Jesú Krists er sólaruppkoman í sögu mannkyns-
ins og boðskapur hans aflgjafinn í lífi voru. Fæðing Frels-
arans er náðargjöf Guðs. Hin sanna jólagleði er að þiggja
hana. Hamingjan dýpsta og varanlegasta að tileinka sér
boðskap Jesú Krists og fylgja í fótspor hans.
Hin ytri hátíð vor, undirbúningur hennar og fyrirhöfn,
verður að stefna að því, að þessi staðreynd skýrist og fest-
ist í huga vorum og hjörtum. Ella höfum vér farið ofan
garðs og njótum ekki hinnar varanlegu jólagleði.
Kristur, Frelsari vor, er fæddur. Hann lifir sem líkn-
samur og kærleiksríkur Drottinn. Hjá Honum, og Honum
einum, er friður og fyrirgefning, náð og eilíft líf.
Hver maður þráir innst í eðli sínu þessar náðargjafir
og hann leitar þeirra víðs vegar og á margan hátt á lífsleið-
inni. En raunir vorar eru oft þær, að vér höfum farið „ofan
gat'ðs“ við þá staði og stundir, sem geyma sannleikann
sjálfan, Drottinn Jesú Krist.
Ég flyt yður öllum, sem línur þessar lesið, einlægar
óskir um gleðilega liátíð, en umfram allt þá ósk, að ein-
mitt nú hljómi þessi boðskapur á nýjan, sterkari og fagn-
aðarríkari hátt en nokkru sinni fyrr:
„/ dag er Frelsari fœddur, sem er Kristur Drottinn“.
Ekki í borg Davíðs, heldur í mínu eigin hjarta.
GfleÖileg jól!