Iðunn : nýr flokkur - 01.10.1926, Page 24

IDUNN
Tvö kvæði.
Ólafur formaður.
»Nú er þó sjóveður sveinar
og sigling til og frá«.
Um verið bárust þau árrisu-orð
— og Olafi formanni frá.
— Báturinn hans var brotinn,
og bilað ræði hvert.
— Landtakan seinasta lék hann grátt,
og lánstraustið einskis vert.
Allir draga nú eitthvað. —
En Ólafur í Vík
situr í landi fölur og fár,
þeim finst hann minna á lík.
»Hann gæti dundað eitthvað úti
og eitthvað fært í lag,
— hann mætti gjöra að hlutum hinna,
er hafa róið í dag«.
Eg segi engar fáheyrðar fréttir,
er fjöldinn hefir ei spurt. —
Sumir í landi sitja,
er sigla aðrir burt.