Iðunn : nýr flokkur - 01.01.1929, Side 84

78
Ungir rithöfundar.
IÐUNN
Grosserersocietetetog DansU-islandsk Forbundsfond). Þýð-
ingin kom út 1927. Þykir hún prýðisvel af hendi leyst
og er stórvirki (á áttunda hundrað bls.). Enn hefir hann
þýtt Færeyingasögu á dönsku, (Færeyingasaga efter Flatö-
bogens Tekst) og er hún væntanleg í bókaverzlanir á
þessu hausti. Hefir Brekkan samið langan sögulegan og
bókmentalegan formála; ber hann vott um fræðimanns-
gáfu hans og mun vekja mikla athygli.
Skáldið og fræðimaðurinn, Friðrik Ásmundsson Brekk-
an, er kominn heim eftir 18 ára útivist. Fátæki bónda-
sonurinn úr Miðfirðinum fór í víking ungur. Heim hefir
hann reitt fagran feng föðurlandi sínu, andans vopnum
unninn. Hann hefir numið lönd fyrir handan hafið, sér
og um leið þjóð sinni til handa.
Við hérna heima þökkum þér vaskleikinn og bjóðum
þig velkominn á meðal vor.
Akureyri, í nóvember 1928.
Br\>nleifur Tobíasson.
Stökur.
Nóttin víkur völdum frá,
vermist andans hagur.
Þráin situr altaf á
örmum þínum, dagur.
Dagur — hámark hugsunar,
helgað nýjum störfum —
þú ert ímynd eilífðar,
ofin lífsins þörfum.
Dýri.