Kirkjuritið - 01.07.1937, Side 46
284
Prestastefnan.
KirkjuritiS.
tveggja presta ekkja, fyrst séra Þorvaldar Stefánssonar i
Hvammi í Norðurárdal (t 1884), en síðar séra Bjarna prófasts
Símonarsonar á Brjánslæk (t 1930). Meðal barna hennar al'
fyrra hjónabandi er séra Jón Þorvaldsson á Stað á Reykjanesi.
Hin prestsekkjan, sem lézt á árinu, var hinn alkunni kvenskör-
ungur Guffrún Björmdóttir (venjulegast kend við Presthóla),
ekkja löngu látins aðstoðarprests á Sauðanesi, séra Lárusar
Jóhannessonar, er lézt aðeins 30 ára gamall 1888. Frú Guðrún
sál. var m. a. ein þeirra 4 kvenna, sem fyrstar fengu sæti í
bæjarstjórn hér í Reykjavík. Þá hafa tveir uppgjafaprestar
orðið á bak að sjá eiginkonum sinum á umliðnu ári, þar sem
látist hafa þær Ra(jnheiðiir Eggertsdóttir, kona séra Arnórs Árna-
sonar i Hvammi, og Jóhanna Aðalbjörg Benjaminsdóttir Thorla-
cius, kona Einars próf. Thorlaciusar, fyrrum ]>rests í Saurbæ;
báðar voru þær í merkustu prestskvenna röð og mönnum þeirra
því þungur harmur búinn við fráfall þeirra. Vér viljum votta
minningu þessara fjögra merkiskvenna virðingu vora og eftir-
lifandi eiginmönnum hinna tveggja siðarnefndu samúð vora
með því að risa á fætur.
Lausn frá prestskap hafa tveir prestar hlotið á næstliðnu
fardagaári, sem sé þeir Garðar Svavarsson á Djúpavogi og séra
Sveinn Guðmundsson í Arnesi, báðir frá fardögum þ. á. Séra
Garðar er ungur maður og óþreyttur og hefir m. a. í allan vetur
lialdið uppi prestsþjónustu hér í úthverfi Reykjavikur. Séra Sveinn
aftur á móti hefir 37 prestsþjónustuár að baki. Að vísu eru
42 ár síðan séra Sveinn vígðist tii prests, en þar frá dragast
ö ár, sem hann var utan prestskápar. Hann er nú kominn á
09. árið og hafði því að lögum rétt til að láta af embætti,
enda heilsan tekin að bila eftir langa þjónustu í víðlendum
verkahring, eins og hann er þar norður á Ströndunum, ])ótt
sóknarkirkja sé aðeins ein.
Loks er þess að minnast, að á næstliðnu hausti knúði vax-
andi vanheilsa próf. Sigurð P. Sivertsen, vigslubiskup vorn hér
sunnanlands, til þess að beiðast lausnar frá embætti. sem hon-
um þá líka var veitt, og nokkuru siðar þótti honum rétt að
beiðast einnig lausnar frá vígslubiskupsþjónustunni. Hver eftir-
sjón oss er að prófessor Sigurði úr hóp starfandi kirkjumanna
þarf ekki að taka fram; það er oss öllum ljóst; og ekki sízt
megum vér sakna hans á prestastefnu vorri, þar sem hann um
l'jölda ára talaði máli kirkjunnar og prestastéttarinnar, auk
þess sem hann sem formaður Prestafélagsins var lífið og sálin
í öllum framkvæmdum þess, enda hefir kirkja íslands ekki átt
einlægari kirkjunnar mann en próf. Sivertsen, og enn er hugur