Kirkjuritið - 01.01.1946, Qupperneq 50

44
Frú Elísabet Jónsdóttir.
Jan.-Febr.
Það var vorhugurinn, sem einkenndi séra Kjartan
framar flestu öðru. Um dimmar dyr dauðans liggur leið
hans og vor allra heim í vorið.
Sigurgeir Sigurðsson.
(KirkjublaSiS).
Frú Elísabet Jónsdóttir írá Grenjaðarstað.
F. 1. jan. 1869. D. 13. apríl 1945.
Á viðreisnartíma, við hafið bjart og blátt,
er blikar við sólu og rís á öldum hátt,
þú fæddist til heilla — að heiman gerð í för
með hugsjón til lista og töfrabros á vör.
Við fjörusand bláan og Flóans grænu voð
þú fagnaðir draumsjón og namst in háu boð.
Þar Hekla rís í norður með hárra fjalla vörð.
þú hófst þína göngu á morgunbjhrtri jörð.
Þar hafblikið seiddi við heitan röðul-koss,
þú hlýddir, úr norðri er kvað inn gullni foss,
og dafnaðir heilluð við elfarinnar ós,
þar ax prýðir melstöng og breiðist eyrarrós.
Af skáldrænu geði var skoðuð lífsins mynd
frá skýbakka í hafi að sólu roðnum tind
og hlustað á óma, þar heyrði svan og þröst,
og harpa stormsins knúðist við suðurstrandarröst.