Kirkjuritið - 01.01.1959, Page 45

Viðvörun Páls prófasts.
(Eftir sögn Guðfinnu Oddsdóttur frá Hreiðarsstöðum
1810—80).
Páll prestur Magnússon, er hélt Valþjófsstað í Fljótsdal 1786
—1788, var mesti búmaður og ærið vinnuharður. Lét hann oft
vinna á sunnudögum, þótt vel mætti hjá líða. Hann dó að Val-
þjófsstað 1788.
Sigríður dóttir hans varð prestskona að Valþjófsstað og hélt
nokkuð siðum hans.
Svo bar til, nokkrum árum eftir lát séra Páls, að húsfreyjuna
að Þorgerðarstöðum í sömu sveit dreymdi, að séra Páll kom til
hennar. Hún mundi, að hann var látinn. „Hvernig líður yður
nú?“ þykist hún segja. „Vel, fyrir Guðs náð,“ þykir henni hann
svara. „En erfiðast veitti mér að fá himnavistina vegna sunnu-
dagavinnu minnar“, þótti henni hann þá kveða:
„Ágirnd ströng í fjárins föng
Mig fýsti þrátt í verkin röng.
En þó hefi ég lyst að lofa Krist,
Langvarandi í dýrðarvist.“
En skilaðu til hennar Sigríðar dóttur minnar, að ég biðji hana
að leggja niður óþarfa sunnudagavinnu.“ „Hún trúir mér eigi,“
segir húsfreyja. „Gerðu sem ég segi þér,“ þótti henni hann svara,
>.ég ábyrgist árangurinn.“ Svo hvarf hann. Húsfreyja sagði
madömu Sigríði frá þessu. Trúði hún því mótmælalast. Lét hún
aldrei vinna síðan að óþörfu á helgum dögum.
Kristilegt UngmannablaÖ heitir myndarlegt mánaðarblað, sem
K.F.U.M. i Færeyjum gefur út. Blaðstjóri: Johs. Mortensen. Efnið er
íjölbreytt og margt vel skrifað. Sem dæmi um myndirnar, sem jafn-
an prýða fremstu síðu, má geta um ágæta mynd af séra Friðriki
Friðrikssyni (nóv. 1957) „sum fekk hina kristuligu ungdómsrörsluna
tu Islands".
Á ársþingi „Votta Jehova" i New York s. 1. haust skírðu þeir 6000
manns. Mest verður þeim ágengt með ritum sínum. Á hverri mínútu
senda þeir frá sér 1500 blöð eða tímarit — 18 milljónir árlega. Til
þess verja þeir 15 milljón dölum.