Kirkjuritið - 01.03.1960, Side 10

Samtíningur.
— Utanlands og innan. —
„Kristindómurinn vinnur ekki fyrir sjálfan sig. Ella er hann
ekki sannur kristindómur," segir próf. Regin Prenter. Þetta
mætti kirkjan taka til sín. Með þetta í huga ætti hún að prófa
sig sjálfa, spyrja sig sjálfa: Gerir kirkjan ekki of mikið að því
að vinna fyrir sjálfa sig, hlúa að sér sem stofnun, hefja sig
upp, „styrkja aðstöðu" sína, tryggja hag sinn? Og hefur hag-
ur kirkjunnar samt nokkurn tíma verið jafn ótryggur og nú?
„Þitt verðmæti gegnum lífið er fórnin“, segir Einar Benedikts-
son. „Næst góðri og guðlegri lífsskoðun og uppoffran eigin hags-
muna vegna annarra, er iðjusemin bezti Brahminn", segir
Matthías í bréfi til Hannesar Hafsteins. — Hver, sem vill
bjarga lífi sínu, mun týna því, en hver, sem týnir lífi sínu
vegna mín og fagnaðarerindisins, mun bjarga því. Mark. 8, 35.
*
Um það bil helmingurinn af þjónandi prestum landsins hafa
verið í sama brauðinu alla sína prestskapartíð. Af þeim hafa
þrír verið prestar yfir 40 ár, sjö í 30—40 ár, ellefu í 20—30 ár
og tíu í 10—20 ár. Aðrir skemur. Flestir hafa þessir prestar
sótt um önnur brauð, sumir oftar en einu sinni. í ýmsum
kirkjudeildum í Bandaríkjunum er það talið heppilegt, að prest-
ar skipti um söfnuð — eða máske heldur, að söfnuðir skipti
um prest á ca. 10 ára fresti.
*
Ágætt hjálparmeðal fyrir presta í barnastarfi er skugga-
myndavél. Þær eru orðnar algengar í útlöndum, sérstaklega
Englandi, og þar eru framleiddar myndir (filmstrips) kristi-
legs efnis, til að sýna í slíkum vélum. Er ekki eðlilegt, að presta-
köllin eignist slíkar vélar? Þær munu kosta 3—4 þús. kr.
*