Kirkjuritið - 01.03.1960, Blaðsíða 11

KIRKJURITIÐ
105
Blaðið Fylkir skýrir frá því, að um hátíðarnar í vetur hafi
sóknarpresturinn í Vestmannaeyjum, séra Jóhann Hlíðar, gef-
ið saman 19 brúðhjón, skírt 36 börn (þar af 19 við eina messu)
og messað sex sinnum — jafnan við fulla kirkju. Áætlar blað-
ið, að 2000—25000 manns hafi sótt guðsþjónustuna. íbúar i
Vestmannaeyjum munu nú vera um 5 þúsund.
I Reykjavík voru um hátíðarnar skírð 314 börn. Af þeim
voru 143 skírð í kirkju. Það verður ekki of oft brýnt fyrir
fólki, að færa heldur börnin til skírnar í kirkju en fá þau
skírð í heimahúsum eða koma með þau heim til prestanna,
sem mun nú vera algengast a. m. k. í höfuðstaðnum.
•A
„Allir þeir, sem Guði sínum gleyma,
þeir gleyma fyrstir sinni þjóð.“
*
Við ýmsa skóla í Bandaríkjunum eru haldin námskeið fyrir
ungt fólk, til að fræða það og undirbúa undir hjúskaparstofnun
og að halda uppi fjölskyldu- og heimilislífi. Við skoðanakönn-
un hefur það komið í ljós, að þátttakendur í slíkum námskeið-
um hafa öðlazt meiri hamingju í hjúskap sínum heldur en aðr-
ir og hjá þeim eru hjónaskilnaðir fátíðari.
•X-
„Hún er sterkari nú en áður krafan um að gæta bróður síns.
Kristindómurinn er að því leyti ríkari í nútímaþjóðfélagi, hvað
sem líður trúnni. Þó vil ég bæta því við, að mannúðin og menn-
ingin á rætur sínar í trú, sem hærra bendir, og á það á hættu
að skrælna upp, ef hún fær enga næringu þaðan.“ (Asg. Ásg.).
*
„Mörgum er það undrunarefni, hvernig sú þjóð (Gyðinga-
þjóðin) hefur varðveitzt, dreifð öldum saman um öll heimsins
lönd og hefur staðið af sér hvers konar þrengingar og ofsókn-
ir, haldið þjóðareinkennum, trú og siðum. Leyndardómurinn í
styrk og þolgæði þeirrar þjóðar liggur fyrst og fremst í sabbats-
helginni. Þjóðin hefur ávallt tekið þriðja boðorðið alvarlega.
Hún hefur alltaf lagt ríka áherzlu á að halda hvíldardaginn
heilagan sem hátíðardag heimilislífsins og helgihaldsins." (Í.Á.)
Gísli Brynjólfsson.