Kirkjuritið - 01.03.1960, Qupperneq 23

Pistlar,
Andleg máttarverk.
Á borðinu fyrir framan mig liggur bók, sem nefnist „Glimt
af Guds under. — Mirakler i vor tid“. Forvitnileg bók með
mörgum myndum. Efnið er stuttar frásagnir um ótrúlega og
óvenjulega atburði, sem gerzt hafa fyrir mátt bænarinnar og
oft handayfirlagningu. Dæmi: Hálfstálpaður drengur hafði
handleggsbrotnað fyrir tveimur árum, brotin gróið skakkt
saman og snúizt upp á höndina, svo að hún varð honum ónýt.
Þetta lagast á svipstundu eftir fyrirbæn. — Krypplingur, sem
skriðið hefur betlandi á hnjánum í 30 ár, verður heill og getur
gengið að starfi. — Mállaus drengur talar eftir handayfirlagn-
ing og fyrirbæn. — Ungur maður læknast á svipstundu af
krabba í báðum lungum. — Flugvélaráhöfn bjargast á undur-
samlegan hátt.
Þessi dæmi nægja til að benda á, að margvíslegir viðburðir
gerast daglega í veröldinni, sem ekki verða skýrðir með skyn-
samlegum hætti á annan hátt en þann, að æðri máttur grípi
fram í — að Guð heyri bænir mannanna.
Þetta ætti oss kristnum mönnum ekki að þykja neinar frétt-
ir. Mikill hluti þeirra frásagna, sem vér eigum af frelsaran-
um, eru af máttarverkum hans. Hann gekk um kring og lækn-
aði sjúka, stundum aðeins með orði sínu, ævinlega í bæn til
föðurins á himnum. Hann hélt því fram, að lærisveinum sín-
um væri þetta líka fært — ef þá skorti ekki trúna. Kaþólska
kirkjan hefur alltaf haldið því mjög á lofti, að það sannist.
Þarf ekki annað en minna á kraftaverkabæinn Lourdes í því
sambandi. í ár var þess minnzt, að þá voru 100 ár liðin síðan
Undrin hófust, og hafa milljónir ferðamanna streymt þangað
dag og nótt. Og skýrt hefur verið frá nýjum undrum.
Vitanlega eru margar sögur, sem gengið hafa af undrum og
kraftaverkum illa vottfestar, sumar hreinn tilbúningur, aðrar
byggðar á meiri og minni misskilningi, ýmsar auðskýrðar á
eðlilegan hátt. En þrátt fyrir það eru óteljandi slíkar sögur
jafn sannar fyrir því, og verða ekki skýrðar á annan veg en
að Guð birti mönnum með þeim hætti dásemd sína og kær-