Kirkjuritið - 01.12.1960, Page 32

462
KIRKJURITIÐ
sem bærust, og undirbúa málið til frekari meðferðar á næsta
Kirkjuþingi, á þeim grundvelli, sem þá væri fenginn.
Nefndin vill þó ekki á þessu stigi málsins gera neina tillögu
um val kjörmanna, hverjir þeir eru og fjölda þeirra, ef að slíkri
skipan yrði horfið, fyrr en könnuð hefur verið betur afstaða
safnaðanna til þessa atriðis, en 1 þessu sambandi yrði m. a. að
taka afstöðu til þess, hvort fela skuli sóknarnefndarmönnum
val presta, og fjölga þá ef til vill í sóknarnefndunum, eða hvort
velja skuli þann kostinn, að sérstakir kjörmenn kjósi prestinn.
Þá vill nefndin einnig vekja athygli á þeim möguleika, að
áfram haldist sú skipan, sem nú er í gildi, en að við hlið hennar
verði tekin upp sú regla um veitingu prestsembætta, sem um
ræðir í 6.—9. gr. þeirrar ályktunar, er nefndin mælir með að
gerð verði um þetta mál.
Nefndarmenn hafa, þrátt fyrir tillögur þær, sem hér eru sett-
ar fram, óbundnar hendur um málið á síðara stigi þess.
Ályktun um að bera undir álit héraðsfunda
tillögur um veitingu prestsembætta.
Kirkjuþing ályktar að leggja til við kirkjustjórnina, að leitað
verði álits héraðsfunda um tillögur þær, sem felast í eftirfar-
andi uppkasti að frumvarpi til laga um breytingu á lögum nr.
32 frá 1915 um veitingu prestakalla, sem lagt hefur verið fyrir
kirkjuþingið og er nú í því horfi sem hér segir:
I. KAFLI.
Veiting prestsembœtta samkvœmt kosningu í söfnuöunum.
1. gr.
Þegar prestakall losnar og nýr prestur er eigi kallaður til
embættisins, sbr. 5. gr., auglýsir biskup kallið með hæfilegum
umsóknarfresti.
2. gr.
Þá er umsóknarfrestur er á enda, sendir biskup prófasti og
sóknarnefndum prestakallsins skrá yfir þá, sem sótt hafa, ásamt
skýrslu um aldur þeirra, náms- og embættisferil og störf. Jafn'
framt felur hann héraðsprófasti að kveðja kjörmenn presta-
kallsins saman á fund innan tiltekins tíma til viðræðna um ráð-
stöfun embættisins. Á þessum fundi skulu umsóknir og um-
sagnir biskups liggja frammi til athugunar. Prófastur stýru